Fapea Kings 23:6 - Buka Blahi Ka Cheke Holo

⁶ Mana hata fajifla ka nogna Sugablahi Lord na mumuju gna gaꞌase Asera igne pala ne tei ka glogu Kidron ke kosi Jerusalem ne gnubra jare. Mana hata nakrofu gna na ne toatofa ke kligna bekudi naiknore.

Fapea Kings 23:6 ပူးပေါင်းရင်းမြစ်များ

Fapea Kronikols 34:4

Mana batudi nogna naiknore ne tei paꞌe soru nogna olta Baal, nei goigoni olta mala gahu insens re. Mana kato soru nogna mumuju brahu god gaꞌase Asera baludi keha mumuju re. Mana kina nguanguja ne koko tafri ke klignadi bekudi iheire teke fafara ka olta igre.

Fapea Kings 23:15

King Josia tei ne paꞌe soru vido blahi nei olta eghu teke edi King Jeroboam, thugna mae Nebat, Betel tifa, eghuteuna mae Jeroboam neke batudi naiknodi Israel ka nakhibo. Mae Josia ne gnubra soru vido blahi igre ne vuhai nakrofu. Eghuteuna mana jaola ne gnubra mumuju gna god gaꞌase Asera jare.

Profet Jeremaea 17:2

Ghotilo jaola leghudi fabrahu puhidi vikemi tifa teke pogho soru ka nogna olta mumuju god gaꞌase Asera, ba ke pari gaju blahi, ba ke kligna thogele biꞌo.

Fapea Kings 21:7

Mana hata mumuju gna god Asera igne ne lilisei ka nogna Sugablahi Lord na. Nu Lord neke cheke eghuhi ka King Devet ghe mae thugna na, King Solomon, “Iara neke vahini Jerusalem ka nodi vido nabotho phei vikegna Israel mala babana haghe nogu Sugablahi na mala pogho soruni fabrahu mare Nanghagu Iara na.

Fapea Kings 10:27

Mare ne thofno goigoni thina blahi igne, eghuteuna mare ne paꞌe soru nogna Sugablahi Baal. Eghuteuna mare horo Sugablahi igne mala ke nodi mala tei mata, igne eghu ngala ghilei mei thoke ka narane gognarogne.

Ululahu Kings 16:33

Eghuteuna mana jaola ne fakegra haghe kaisei mumuju god gaꞌase Astarot. Aonu King Ehab ne edi kmana nakhibo te thono diꞌatagnadi fara Lord nodi God mae Israel, ke tulaodi king te gnafa di Israel tifa ra.

Ululahu Kings 14:23

Mare horo vido blahi heva heva ke kligna thogele, ba ke pari gaju biꞌo. Mare jaola fakegra haghe thina blahi, ba sari mumuju god gaꞌase Astarot.

Jajis 3:7

Naiknodi Israel ne eni puhi te diꞌa na ka tathagna Lord nodi God mare na. Mare ne loku ranghini mumuju god Baal ghe Astarot.

Diutronomi 9:21

Eghuteuna ghotilo neke eni nakhibo ka God kate horo ghotilo mumuju buluka tuana. Eghume iara neke hata buluka tuana neke koko lao ka khaꞌaghi. Aonu iara neke piphike faꞌikoi mumuju buluka tuana neke ghilei vuhai nakrofu, eghuteuna iara koko ne tei nakrofu igre ka khoꞌu te loloro sukha funu ka thogelero.

Diutronomi 7:25

Ghotilo gnubra nodi mumuju re ka khaꞌaghi. Eghuteuna ghotilo thosei mamagnadi silva nei gol eghu te au ka mumuju igre ba hata malami themi, nu ghotilo mala gnubra fahui. Glepo igre diꞌa fara ka Lord nomi God. Ghotilo thosei tathaji naugna jateula kaisei phighoro eghu ka ghotilo.

Eksodas 32:20

Mana atha mumuju buluka gol teke horo mare igne ne gahu ka khaꞌaghi. Mana atha ne rurhuja ne ghilei vuhai nakrofu, aonu mana atha nakrofu igne ne ngigno balu khoꞌu, eghuteuna mana tusu lao khoꞌu igne mala koꞌu naiknore.

Jone 18:1

Kate gnafa tharai na, mae Jisas ne jifla baludi nogna mae fanomhore. Mare ne tei kasa ka glogu te kiloi Kedron. Ka keha phile glogu tuana, jare au kaisei nagare gaju. Mae Jisas ne tei jare baludi nogna mae fanomhore.

Ululahu Kings 2:37

Jame te jifla iagho ka namono biꞌo igne, te tei kasa ka glogu Kidron ana, ghehati ginauna aknu falehe nigho, naugna nou najafra themu.”

Fapea Kings 23:12

King Josia ne paꞌe soru olta teke horo hatimare mae king di Juda ke kligna gna nogna suga king rhegna nogna chogho King Ehas tifa. Eghuteuna mana paꞌe soru olta teke horo King Manase ka phei vido faligohoni nogna Sugablahi Lord na. Mana rorhoꞌe olta igre ne tei koko ka chara ka glogu Kidron.

Fapea Kronikols 33:3

Mana tei neke babana fapulo nodi vido blahi naikno bongihehe teke paꞌe soru mae kmagna mana King Hesekaea ra. Mana horo olta mala tarai ka Baal, eghuteuna mana horo kaisei mumuju gna god gaꞌase Asera. Eghuteuna mae Manase jaola tarai ka nathunu.

Profet Jeremaea 22:18

Eghume, igne unha te chekeni Lord ka King Jehoiakim, thugna mae Josaea king gna Juda: “King, jame te lehe iagho na, theo kaisei naikno nate diꞌanagnafa nei tanhi teuna. Naiknore na theome cheke eghu, ‘Tore, kokhoni ni mae thabusigu na! Tore, kokhoni ni greghagu na!’ Jame te lehe iagho na, theo kaisei naikno nate diꞌanagnafa nei tanhi teuna. Naiknore na theome cheke eghu, ‘Tore, kokhoni ni fara nogu mae funei teke fnakno fara ka naiknore ia tela lehe igne!’

Profet Jeremaea 31:40

Eghuteuna glogu ke mata na mala koko thinidi naikno te lehe nei mala koko nakrofu khaꞌaghi, eghuteuna ka nagare ke holo Glogu Kedron te tei posa ke maghati Grengatha Hos, vido igne thofno blahi fara ka iara Lord. Eghuteuna namono igne ginauna na theo ihei nate roꞌeni ba nate goigoni ni na.”

Ululahu Kings 15:13

Mana jaola ne fagnafani kavegna na ka sapegna Kuin, naugna naꞌa ne eni kaisei mumuju god gaꞌase Astarot. Eghuteuna mana ne kato soru mumuju god gaꞌase igne ne koko lao ka khaꞌaghi ka glogu Kidron.

Fapea Kings 10:26

Aonu mare pala ne jifla mumuju thina blahi teke au jare na ne gnubra ka khaꞌaghi.

Fapea Kronikols 15:16

Asa ne fagnafani kavegna mana Maka igne ka nogna sape nafnakno kuin, naugna naꞌa ne eni kaisei mumuju gaꞌase god Asera. Mumuju god igne diꞌa fara ka tathagna God. Eghuteuna mana kato soru mumuju igne ne koko lao ka khaꞌaghi ka glogu Kidron.