Fapea Kings 23:4 - Buka Blahi Ka Cheke Holo

⁴ King ne kilo meini mae pris biꞌo Hilkaea baludi mae pris te mala toghoni mana, nei mae pris te mala reireghi gna Sugablahi na teu igre mala hata fadelei glepo teke edi mare maladi Baal ghe god gaꞌase Asera nei tothoghei nathunu ka maloa kligna. Mare leghuni unha te chekeni mana igne ne gnubra gobigna lepo igre ke kosi Jerusalem ka glogu Kidron. Eghuteuna mare hata nakrofudi glepo igre ne tei Betel.

Fapea Kings 23:4 ပူးပေါင်းရင်းမြစ်များ

Fapea Kings 21:7

Mana hata mumuju gna god Asera igne ne lilisei ka nogna Sugablahi Lord na. Nu Lord neke cheke eghuhi ka King Devet ghe mae thugna na, King Solomon, “Iara neke vahini Jerusalem ka nodi vido nabotho phei vikegna Israel mala babana haghe nogu Sugablahi na mala pogho soruni fabrahu mare Nanghagu Iara na.

Fapea Kings 21:3

Mana tei neke babana fapulo nodi vido blahi mae bongihehe teke paꞌe soru kmagna mana mae Hesekaea ra. Mana horo olta mala tarai ka Baal, eghuteuna horo kaisei mumuju gaꞌase Asera, jateula teke edi King Ehab gna Israel tifa ra neu. Eghuteuna mae Manase jaola neke tarai ka nathunu.

Fapea Kronikols 33:3

Mana tei neke babana fapulo nodi vido blahi naikno bongihehe teke paꞌe soru mae kmagna mana King Hesekaea ra. Mana horo olta mala tarai ka Baal, eghuteuna mana horo kaisei mumuju gna god gaꞌase Asera. Eghuteuna mae Manase jaola tarai ka nathunu.

Fapea Kings 25:18

Mae Nebusaradan komanda gna nogna armi King Nebukadnesa king gna Babilonia igne ne hata ne tei balugna ka sosolo mae pris biꞌo Seraia ghe mae pris Sefanaea, mae mala toghoni mae pris biꞌo, baludi thilo mae biꞌogna nogna Sugablahi Lord.

Jone 18:1

Kate gnafa tharai na, mae Jisas ne jifla baludi nogna mae fanomhore. Mare ne tei kasa ka glogu te kiloi Kedron. Ka keha phile glogu tuana, jare au kaisei nagare gaju. Mae Jisas ne tei jare baludi nogna mae fanomhore.

Matiu 27:1

Hamerane boibongi, hatimare mae pris ulu nei hatimare mae biꞌo teu igre ne kafe roghe mala faleheni mae Jisas.

Matiu 26:3

Hatimare mae pris ulu nei hatimare mae biꞌodi mae Jiu eghu ne eni kaisei faidu ka sugagna mae Kaefas, mae pris biꞌo na.

Profet Emos 4:4

Lord ne cheke eghu, “Ghotilo naiknomi Israel ra, ghotilo tei tarai koba ka namono Betel, nu ghotilo eni koba puhi te diꞌa na ka vido te blahi na. Ghotilo tei tarai koba ka namono blahi Gilgal, nu neuba ghotilo ne edi igre, nu ghotilo raꞌe salaꞌui ka puhi te diꞌa na. Leuleghu hamerane na, ghotilo hata mei gano mala fafara ka iara, eghuteuna ghotilo tusu mei ka iara fabothodi nomi gobigna lepore ka fatilo narane na.

Profet Hosia 4:15

“Ghotilo naiknomi Israel, ghotilo jateula gaꞌase vine eghu tei koko ghau iara. Nu ghotilo naiknomi Juda ra, ghotilo thosei leghudi nafnata puhi te diꞌa te edi naiknodi Israel igre. “Ghotilo thosei tei ka namono Gilgal, ba Bet-Aven mala tei tarai ka mumuju, ba tei mala nhaꞌa cheke ka nanghagu iara mae ihei te karha te tifa.

Profet Jeremaea 52:24

Nebusaradan mae ihei te komanda ka nogna armi king igne, mana ne lokidi mae pris ulu Seraea, ghe pris Sefanaea baludi thilo mae biꞌogna nogna Sugablahi Lord.

Profet Jeremaea 7:9

“ ‘Leuleghu fata na ghotilo blau, falehe naikno, theome leghuni puhigna tholaghi na, nei theome eni unha teke nhaꞌa chekeni ghotilo na. Eghuteuna ghotilo gahu insens ka god Baal, eghuteuna ghotilo tarai ka god teke theome lasedi ghotilo tifa.

Profet Isaia 27:9

Jame te magnahagheni God te hata fadeleidi nakhiboda re na, tahati vikegna mae Jekop gre, tahati ginauna paꞌe soru nodi olta keha god igre mala bruja ghilei vuhai nakrofu kolho. Eghuteuna ginauna na theo kaisei mumuju god gaꞌase Asera ba kaisei olta mala gahu insens te au ka vido igne.

Fapea Kronikols 33:7

Aonu mana lilisei kaisei mumuju ka nogna Sugablahi Lord. Nu Lord neke kulu chekehi ka King Devet nei ka King Solomon, neke cheke eghu, “Ghotilo nabotho phei vikegna Israel ra, ghotilo nogu naikno iara. Ka nomi namono te gnafa ghotilo igre, iara neke vahini Jerusalem mala babana ghotilo nogu Sugablahi iara na, eghuteuna Sugablahi igne vido mala tarai nei pogho soruni eghu fabrahu nanghagu iara na. Eghume ghotilo mei mala pogho soru ka iara.

Fapea Kings 23:15

King Josia tei ne paꞌe soru vido blahi nei olta eghu teke edi King Jeroboam, thugna mae Nebat, Betel tifa, eghuteuna mae Jeroboam neke batudi naiknodi Israel ka nakhibo. Mae Josia ne gnubra soru vido blahi igre ne vuhai nakrofu. Eghuteuna mana jaola ne gnubra mumuju gna god gaꞌase Asera jare.

Fapea Kings 22:4

“Iagho tei filoni mae pris biꞌo Hilkaea, cheke ka mana mala fadoglidi sileni teke tufa naiknore ka mae pris te kegra ka grengatha gna Sugablahi ia.

Fapea Kings 17:16

Mare huhughudi nogna vetula Lord nodi God na ne edi phei mumuju buluka, eghuteuna mare jaola neke eni kaisei mumuju gaꞌase Asera. Mare tarai ka nathunu nei loku ranghini god Baal.

Ululahu Kings 19:18

Neuba, iara au fitu thogha naiknodi Israel te tirodi pogho soruni nei gnanghoni teu mumuju god Baal, eghuteuna mare ginauna theome lehe.”

Ululahu Kings 18:40

Aonu profet Elija ne cheke eghu, “Ghotilo haru famaku nogna profet Baal are, thosei snakreni kaisei profet mala rikha!” Aonu mare ne kafe haru famakudi ne hui. Eghuteuna Elija hata mae profet igre ne soru ka Glogu Khoꞌu Kison ne kafe aknu falehe jare.

Ululahu Kings 18:26

Aonu mare ne hata keha buluka nalhaꞌugna na ne tarabana neu. Eghuteuna mare ne funu tarai ka Baal hamerane ne ghilei farihotei aublatha. Aonu mare ne eha eghu fabiꞌo, “Lord Baal! Fanomho mei ka nomi tharai ghehati gre!” Aonu mare ne ragi faligohoni olta teke horo mare na, nu theo kaisei cheke tughu te mei funu ka god Baal.

Ululahu Kings 18:19

Gognarona iagho kilo meidi naikno di Israel ra mala mei thafo ghau iara ka Thogele Kamel. Eghuteuna iagho hata mei fati gobi glimafulu profet nogna Baal ra baludi fati gobi profet nogna Astarot te reireghi Kuin Jesebel ra.”

Ululahu Kings 16:31

Ehab loku jateula Jeroboam eghu, nu mana diꞌa fara salaꞌuni mae King Jeroboam, naugna mana tolaghi ka Jesebel thugna mae Et-Baal, king gna Saedon, eghuteuna mana ne funu tarai ka god Baal.

Ululahu Kings 12:29

Mana ne lilisei kaisei mumuju ka namono Betel, eghuteuna keha na ka namono Dan.

Fapea Samuel 15:23

Kate jifla king Jerusalem baludi mae te leghuni mana re, naiknore ne tanhi fabiꞌo fara. Aonu king ne tei kasa ka glogu Kidron, eghuteuna naiknore leghu brou ne tei posa ka namono nagou na.

Jajis 2:13

Mare lisei kokoni Lord ne tarai ka god Baal ghe god gaꞌase Astarot.

Fapea Kings 23:12

King Josia ne paꞌe soru olta teke horo hatimare mae king di Juda ke kligna gna nogna suga king rhegna nogna chogho King Ehas tifa. Eghuteuna mana paꞌe soru olta teke horo King Manase ka phei vido faligohoni nogna Sugablahi Lord na. Mana rorhoꞌe olta igre ne tei koko ka chara ka glogu Kidron.

Profet Esikiel 8:6

Aonu mana ne cheke eghu ka iara, “Maegna ka nauthoglu. Ba, iagho la filodi unha te edi naiknodi Israel igre? Mare edi glepo te thono diꞌa fara re. Iara ginauna jifla kokoni nogu Sugablahi igne mala tei fakhaba tagna! Uve, iagho ginauna filodiu glepo te thono diꞌa fara salaꞌudi glepo te diꞌa igre!”

Ululahu Kings 15:13

Mana jaola ne fagnafani kavegna na ka sapegna Kuin, naugna naꞌa ne eni kaisei mumuju god gaꞌase Astarot. Eghuteuna mana ne kato soru mumuju god gaꞌase igne ne koko lao ka khaꞌaghi ka glogu Kidron.

Fapea Kings 10:26

Aonu mare pala ne jifla mumuju thina blahi teke au jare na ne gnubra ka khaꞌaghi.

Fapea Kings 12:10

Leuleghu fata na bokis igne fodu ka sileni, nogna sekretri mae king balugna mae pris biꞌo igne, phiamare mei ne kaha sileni igre ne hohono ka baeg.

Fapea Kronikols 15:16

Asa ne fagnafani kavegna mana Maka igne ka nogna sape nafnakno kuin, naugna naꞌa ne eni kaisei mumuju gaꞌase god Asera. Mumuju god igne diꞌa fara ka tathagna God. Eghuteuna mana kato soru mumuju igne ne koko lao ka khaꞌaghi ka glogu Kidron.

Profet Sefanaea 1:4

“Iara ginauna paradi naiknodi Juda, nei naikno te gnafa te au Jerusalem. Eghuteuna iara ginauna thofno goigoni fahui mumuju god Baal baludi nogna pris, nei iheire te figri tagruni Lord te tufru soru ka mumuju igre, eghuteuna theo kaisei naikno na teke ghatho fapulodi naikno igre.