Fapea Kings 23:30 - Buka Blahi Ka Cheke Holo

³⁰ Nogna mae gloku re hata thinigna mae Josia na ka chariot funu Megido ne posa Jerusalem ne giugilu ka nogna beku thegna na. Eghuteuna naiknodi Juda igre ne vahini mae Jehoahas, mae thugna mae Josia na ne tofa oel ka phaꞌugna na mala king tughuni mae kmagna na.

Fapea Kings 23:30 ပူးပေါင်းရင်းမြစ်များ

Fapea Kings 9:28

Nogna mae biꞌo mana re hata thinigna mana na ka nogna chariot na neke pulo Jerusalem mala ke giugiluni mana ka bekudi mae kuꞌegna ra ka nogna namono biꞌo King Devet.

Fapea Kronikols 35:24

Aonu mare hata fajiflani mana ka nogna chariot mala magra na ne nhaꞌa laoni ka keha nogna chariot na. Aonu mare hata fapuloni mana neke figri Jerusalem ne lehe jare. Mare giugiluni mana ka bekudi kuꞌegna ra. Eghuteuna naiknodi Jerusalem nei Juda teu igre diꞌanagnafa ne tanhi fabiꞌo.

Fapea Kings 21:24

Nu naiknodi Juda igre tei ne aknu falehedi mae iheire teke aknu faleheni mae Amon, eghuteuna mae Josia thugna mana igne neke king tughuni mana.

Fapea Kings 14:21

Kate nabotho namno finogha gna mae Asaraea thugna mae Amasaea na, naiknodi Juda gre ne vahini mana mala king tughuni King Amasaea.

Fapea Kings 22:20

Eghume iagho ginauna theome filodi puhi biꞌo teke nhaꞌa chekedi iara ra nate thakle mei kate karha teu iagho na.’ ” Aonu mare hata nogna cheke tughu profet Hulda igre neke figri ka king.

Fapea Kronikols 35:20

Ke leghudi narane te loku fahui King Josia gloku gna nogna Sugablahi Lord igne, King Neko gna Ijep batuni ne haghe nogna armi na mala magra ka namono Kakemis ka Khoꞌu biꞌo Iufretis. Aonu King Josia ne tei mala magra ka mana.

Profet Jeremaea 22:11

Igne unha teke chekeni Lord eigna King Jehoahas thugna Josaea, mae ihei te atha sapegna mae kmagna na te king ka kantri Juda. Nu gognarona mana lisei soru nogna sape nafnakno na. Lord ne cheke eghu, “Mae igne ginauna na theome ke pulo mei.

Profet Esikiel 19:1

Lord ne cheke eghu ka iara, “Kojeni kaisei khoje diꞌanagnafa eidi phei king di Juda, ne cheke eghu:

Profet Jeremaea 22:10

King Josaea la lehehi, eghume ghotilo thosei tanhi ni mana. Te keli na ghotilo tanhi fabiꞌo nei diꞌa nagnafani eghu thugna mana King Jehoahas, naugna naoka lokini mana la atha la tei ka keha kantri delei. Eghuteuna mana ginauna nake theome ke pulo mei ka glose teke karha mana tagna igne.