Fapea Kings 23:3 - Buka Blahi Ka Cheke Holo

³ Ka narane tuana, king kegra neu rhegna khegra biꞌogna Sugablahi na, eghuteuna mana neke tuthughu majaghani nhaꞌa cheke igne balugna Lord. Mana nhaꞌa cheke ke ulugna mana thofno leghuni Lord kate tajidi nogna vetula nei nogna farirhiu nei nogna cheke teu mana re. Aonu mana ne nhaꞌa cheke mala farerheta nogna nhaꞌa cheke te au ka buka na igne. Aonu naiknore ne jaola ne nhaꞌa cheke te mala leghuni nhaꞌa cheke igne.

Fapea Kings 23:3 ပူးပေါင်းရင်းမြစ်များ

Fapea Kings 11:14

Jare naꞌa ne filoni mae king majaghani te kegra teu rhegna khegra biꞌo gna Sugablahi na. Igne nogna vido mala au mae king ka nodi kastom mare na. Hatimare mae komanda ne kegra faligohoni mana. Eghuteuna naiknore ne kelitadi fara ne kafe eha fabiꞌo balu kufli. Aonu Kuin Atalaea diꞌanagnafa gna fara ne rerheku nogna pohe na ne eha eghu, “Majora! Majora!”

Fapea Kings 11:17

Mae Pris Jehoeada ne hata King Joas baludi naiknore mala baubahu leghuni nogna nhaꞌa cheke Lord na, aonu mare ne nhaꞌa cheke mala au jateula nogna naikno Lord eghu kolho. Eghuteuna mana jaola neke cheke ka king mala eni kaisei nhaꞌa cheke mala ghatho tahudi naiknore, eghuteuna naiknore mala leghuni king.

Diutronomi 13:4

Leuleghu fata na ghotilo mala loku ranghini Lord nomi God eghuteuna ghatho tahuni nei leghuni eghu kolho mana. Ghotilo mala nomhidi nogna cheke mana re, pogho soruni mana, eghuteuna ghatho tahuni mana kolho.

Hibru 13:20

Dadaragna noda Lord Jisas fufunu gna nhaꞌa cheke te theo ka huigna teke eni God ka nogna naiknore. God mae ihei te tusu mei ranghi ghita u nogna pharikeli na neke fakarha fapuloni mae Jisas, mae biꞌo mala reireghi sipu.

Hibru 12:24

Ghotilo mei ka Jisas, mae ihei teke thofno farhetani nogna nhaꞌa cheke majaghani God na. Ghotilo mei mala fagagae ka dadaragna mae Jisas te au kaisei nonomho te keli te uluni dadaragna mae Ebol. Naugna mae Jisas neke lehe te mala falalase ka naiknore nogna namha biꞌo God, nu mae Ebol neke lehe naugna mae thabusigna thegna na neke faleheni mana.

Profet Jeremaea 50:5

Mare ginauna ghusnani nabrou aheva te mala leghuni mare te tei posa Jerusalem na. Eghuteuna mare ginauna eni kaisei nhaꞌa cheke te theo ka huigna balugu iara.

Profet Jeremaea 4:2

Jame te magnahaghei nhaꞌa cheke ghotilo ka nanghagu iara na, ghotilo cheke eghu, ‘Iara thofno nhaꞌa cheke ka nanghagna Lord mae ihei te karha te tifa.’ Jame te eni tutuani ghotilo igne na, iara ginauna fablahi ghami ghotilo naikno te gnafa ka nauthoglu igne.”

Eklesiasti 8:2

Iagho mala leghuni chekegna king, naugna iagho neke nhaꞌa chekehi ka God te mala eni iagho igne.

Nehemaea 9:38

“God, naugna te thoke mei gobigna lepo igre, ghehati neke eni kaisei nhaꞌa cheke ka iagho, neke rioriso soru ni. Eghuteuna ghehati mae lida re, mae pris ra, nei mae Livaet ra, ghehati te gnafa na ne kafe rioriso nanghami re ne lisei soru nomi fagaglana re tagna.”

Esra 10:3

Eghume gognarona tahati na eni kaisei nhaꞌa cheke ka noda God mala kuru fapulodi gaꞌase bongihehe igre balu thudi mala ke pulo ka namonodi re. Uve, tahati ginauna edi unha te cheke ranghi ghami iagho nei mae iheire te ghatho tahudi nogna nhaꞌa cheke noda God igre. Eghuteuna tahati ginauna jaola leghudi unha te chekedi ka nogna Vetula God ra.

Fapea Kronikols 29:10

Gognarona iara ghaoghatho mala eni kaisei nhaꞌa cheke balugna Lord nodi God mae Israel, mala theome diꞌatagna mana ka tahati.

Fapea Kronikols 23:16

Jehoada hata King Joas baludi naiknore mala nhaꞌa cheke leghuni nogna nhaꞌa cheke Lord, aonu mare ne nhaꞌa cheke mala au jateula nogna naikno Lord eghu kolho.

Fapea Kronikols 23:13

Aonu naꞌa ne filoni king te kegra teu ka nogna vido king rhegna kegra biꞌo ka grengathagna Sugablahi na. Eghuteuna hatimare mae komanda kegra falithuini mana, eghuteuna mare ifu ka trampet. Eghuteuna naiknore ne eha fabiꞌo balu koje, naugna mare thono glealeꞌa fara. Aonu Kuin Atalaea thofno diꞌanagnafagna fara ne rerheku nogna pohe na. Eghuteuna naꞌa ne eha eghu fabiꞌo, “Ghotilo naikno diꞌa! Ghotilo eni puhi te diꞌa na, magnahaghei te fapari ghau iara!”

Diutronomi 29:1

Igre chekegna nhaꞌa cheke teke eni Lord baludi nogna naiknodi Israel. Cheke igre neke cheke mana ka mae Moses kani au teku mare Moab mala toutonu ranghidi naiknore. Nhaꞌa cheke igne neke nhaꞌa lao mae Moses ka nhaꞌa cheke teke eni Lord baludi mare tifa ka Thogele Sanai.

Diutronomi 11:13

“Jame te leghudi ghotilo vetula te tusu ari iara ka ghotilo gognarogne, eghuteuna ghotilo mala namhani Lord nomi God nei loku ranghini mana ka nagnafami fateote'o nei ka gaoghathomi fateote'o,

Diutronomi 10:12

Aonu mae Moses ne cheke eghu, “Ghotilo naiknomi Israel. Unha te magnahaghei eni ghotilo teu Lord nomi God ghotilo na? Ghotilo mala ghatho tahuni nei leghuni eghu puhigna mana na, eghuteuna tahati mala namhani nei loku ranghini eghu mana ka nagnafada fateote'o nei ka gaoghathoda fateote'o.

Diutronomi 8:19

“Iara cheke fadoglo ari ka ghotilo gognarona, jame te ghatho ihoni ghotilo Lord nomi God na, eghuteuna leghudi keha god delei, eghuteuna tarai nei tufru soru tadi teuna, Lord ginauna thofno goigoni ghami fara ghotilo.

Diutronomi 6:5

Eghuteuna ghotilo mala namhani Lord nomi God ka nagnafami fateote'o, nei ka gaoghathomi fateote'o, nei ka nanhetami fateote'o.

Diutronomi 6:1

Aonu mae Moses ne cheke eghu, “Igre nogna cheke nei vetula eghu Lord nomi God ghotilo teke cheke ranghi ghau iara te mala farirhiu ghami ghotilo. Te mala leghudi ghotilo ka glose nate tei ghotilo te hata ginauna.

Eksodas 24:3

Aonu ke leghugna te cheke te gnafa balugna Lord, mae Moses soru ne cheke ka naiknore nogna cheke nei vetula teu Lord igre. Naiknore ne fanomho ka unha te chekedi mae Moses igre ne kafe cheke eghu, “Ghehati ginauna edi gobigna lepo fateo te chekedi Lord igre.”

Profet Jeremaea 34:8

King Sedekaea ne eni kaisei nhaꞌa cheke baludi naikno te gnafa te au Jerusalem. Te chekeni ka nhaꞌa cheke igne na, mare magnahagheidi naikno sneka te gnafa, gaꞌase ba nalhaꞌu te snagla mala jifla tei. Mare theome magnahagheni kaisei naikno Jiu te sneka na. Aonu naiknore baludi keha naikno te loku fodu ka nhaꞌa cheke igne, mare leghuni nhaꞌa cheke igne ne snakredi nalhaꞌu sneka nei gaꞌase sneka teu igre snagla jifla ne tei. Nu ke leghugna igne, mare neke tughu gaoghatho neke atha fafigridi neke huhurudi mala ke loku jateula naikno sneka eghu. Aonu, Lord ne chekeni cheke igne ka profet Jeremaea.

Profet Jeremaea 34:15

Ulu lahu na, ghotilo neke theome leghuni cheke igne. Nu theome raugha, ghotilo tughu nagnafa ne eni glepo te thofno doglo fara ka tathagu iara na. Ghotilo te gnafa na kaisei gaoghatho ne snakredi kherami te sneka ka ghotilo igre mala snagla jifla tei. Eghuteuna ghotilo mei ka Sugablahi te laseni naikno te gnafa igre te nogu iara na, eghuteuna ghotilo eni kaisei nhaꞌa cheke ka tathagu iara na.

Fapea Kronikols 15:15

Eghuteuna naikno te gnafa Juda igre ne kelitadi fara, naugna mare magnahaghei te nhaꞌa cheke ka Lord. Mare kelitadi fara te hironi mana, nei mare te thafoni mana. Eghume toghodi mare au fakeli, nei au ka pharikeli baludi kantri te gnafa re.

Nehemaea 5:13

Iara hata koko nhugha teke hugha teku iara na, eghuteuna iara ne bue tei ne cheke eghu, “God ginauna jateula igne eghu bue teini delei ihei te theome tajini nogna nhaꞌa cheke na. Uve, God ginauna hata fadelei nogna suga nei gobigna lepo eghu teke khotodi manare, eghuteuna ginauna theo kaisei glepo nate lisei fapulo malamu iagho na.” Mare te gnafa na ne kafe eha eghu fabiꞌo, “Amen! Leghuni unha te chekeni iagho tuana!” Eghuteuna mare te gnafa na ne kafe cheke fakelini Lord. Aonu mae mala baubatu igre ne tajini nhaꞌa cheke teke chekeni mare na.

Nehemaea 10:1

Mae ululahu teke rioriso nangha ka pepa igne na: Gavana Nehemaea thugna mae Hakalaea, mae ihei te gavana ka nohi Juda. Eghuteuna ke leghugna mae Nehemaea na, mae Sedekaea mei te rioriso nangha na.