Fapea Kings 23:25 - Buka Blahi Ka Cheke Holo

²⁵ Theo kaisei king te keli fara jateula Josia teku tifa na, ba ke leghugna mana na, thono theo fara. Mana thofno ghatho tahuni Lord ka nagnafagna fateote'o, ka gaoghathogna fateote'o, nei nanhetagna fateote'o, jateula te chekeni ka nogna Vetula mae Moses.

Fapea Kings 23:25 ပူးပေါင်းရင်းမြစ်များ

Fapea Kings 18:5

Mae Hesekaea fatutuani ni Lord, nodi God mae Israel. Theo kaisei king gna Juda teke funei ke ulugna mana, ba ke leghugna mana, te thofno keli fara jateula mana teuna.

Profet Jeremaea 29:13

Eghuteuna jame te hiro ghau iara ghotilo ka gaoghathomi fateote'o nei ka nomi glalase fateote'o teuna, ghotilo ginauna filo ghau iara.

Jone 1:17

God neke tusu lao vetula na ka mae Moses. Nu khokofakasai ghe tutuani re neke mei balugna mae Jisas Kraes.

Fapea Kings 23:3

Ka narane tuana, king kegra neu rhegna khegra biꞌogna Sugablahi na, eghuteuna mana neke tuthughu majaghani nhaꞌa cheke igne balugna Lord. Mana nhaꞌa cheke ke ulugna mana thofno leghuni Lord kate tajidi nogna vetula nei nogna farirhiu nei nogna cheke teu mana re. Aonu mana ne nhaꞌa cheke mala farerheta nogna nhaꞌa cheke te au ka buka na igne. Aonu naiknore ne jaola ne nhaꞌa cheke te mala leghuni nhaꞌa cheke igne.

Ululahu Kings 8:48

Glahu te tei au delei mare ka nodi kantri mae naoka re, mare glahula ke ghatho fapulo ka iagho. Eghuteuna kate tarai na mare ginauna figri mei ka nodi namono teke tufa iagho ka kuꞌedi tifa ra, nei ka namono biꞌo teke vahini iagho ia, nei ka Sugablahi teke horo iara malamu iagho teku igne.

Diutronomi 6:5

Eghuteuna ghotilo mala namhani Lord nomi God ka nagnafami fateote'o, nei ka gaoghathomi fateote'o, nei ka nanhetami fateote'o.

Jone 7:19

Mae Moses neke tusu ari ka ghotilo u vetula na, nu theo kaisei ka ghotilo te leghuni u nogna vetula mana na. Naugna unha site fariuriu falehe ghau iara ghotilo gnea?”

Profet Malakai 4:4

“Ghotilo mala ghatho tahudi nogna farirhiu mae nogu gloku iara mae Moses, nei vetula teke tusu lao iara ka mae Moses ka Thogele Sanai ra eghu malami ghotilo te gnafa Israel.

Ululahu Kings 15:5

Naugna King Devet neke eni unha te doglo ka tathagna Lord na, eghuteuna mana theome huhughuni kaisei nogna cheke mana ka nakarhagna na. Kaisei glepo te diꞌa kolho teke eni mana ka mae Uraea, vikegna mae Het.

Ululahu Kings 2:4

Jame te leghuni iagho Lord na, mana ginauna eni unha teke nhaꞌa chekeni ka iara tifa ia. Mana neke cheke eghu ka iara, ‘Jame thofno leghu ghau iara fabrahu iheire te karha mei ka vikemu iagho igre ka nakarhadi nei gaoghathodi teure meuna, leuleghu fata na kaisei ka mare ginauna mala king gna Israel.’

Diutronomi 4:29

Nu ka keha namonore ghotilo ginauna hironi Lord nomi God. Eghuteuna jame te ghaoghatho fakeli ghotilo ka nomi glalase fateote'o te hironi mana na, ghotilo ginauna tangomana te filo deni mana na.

Profet Jeremaea 22:15

“King, jame te lalaoni iagho nou suga na ka famane gaju sida na, gaoghathomu iagho na fnakno ke klignadi keha mae king igre eghu jau? Kmamu iagho king Josaea tifa ia, mana mae mala ghamu, mae mala koꞌu nei mae mala gleale'a eghu ka nakarhagna na. Leuleghu fata na mana leghuni fabrahu puhi te doglo na, eghuteuna mana jaola fate ka puhi te doglo, eghuteuna mana au ka nakarha te thofno keli fara.

Nehemaea 10:30

“Ghehati nhaꞌa cheke mala theome snakredi thumi gaꞌase gre mala tolaghi ka mae nalhaꞌudi keha kantri te au faligoho ghami igre. Eghuteuna ghehati ginauna theome tangomana te hata thudi gaꞌase mare re te mala tolaghi ka thumi nalhaꞌu ghehati gre.