Fapea Kings 23:24 - Buka Blahi Ka Cheke Holo

²⁴ King Josia ne khi teidi iheire te loku ka khaekae, ba iheire te facheke ka naitu. Eghuteuna mana jaola hata koko mumuju te tathaji teu naiknore ka sugadi re, nei keha glepo te diꞌa te au Juda nei Jerusalem. Mana neke eni igne mala horoghoto ka Vetula teke risoni ka Buka teke filoni mae pris biꞌo Hilkaea ka nogna Sugablahi Lord na.

Fapea Kings 23:24 ပူးပေါင်းရင်းမြစ်များ

Levitikas 19:31

“Eghuteuna ghotilo thosei tei ka naikno te cheke baludi tharungadi iheire teke lehe tifa ra, ba ka keha naitu. Jame te hirodi ghotilo igre na, ghotilo goigoni ghami themi ka tathagu iara na. Iara Lord, nomi God ghotilo.

Fapea Kings 21:6

Mana gahu neke fafara mae thugna thegna na ka mumuju. Mana loku ka nunughere nei khoraphaꞌu, khaekae, eghuteuna mana tei filodi iheire tangomana te cheke baludi tharungadi iheire tela lehehi. Eghuteuna mana edi kmana glepo te thono diꞌa fara ka tathagna Lord na, aonu Lord ne diꞌatagna fara ka mana.

Jenesis 31:19

Mae Laban jifla ne tei mala kuchi khakladi nogna sipure. Ka vido igne Resel ne megei nga ne hata nogna mumuju mae kmagna te au ka suga na.

Levitikas 20:27

“Jame kaisei mae ba gaꞌase cheke baludi tharungadi naikno teke lehe ra ba ka keha naitu, ghotilo fada faleheni ka thina, eghuteuna glehegna na eigna najafra gna mana thegna.”

Thakle 22:15

Nu keha naiknore theome nabadi te tei lamna na. Igre naikno te leghudi puhi te chara, nei iheire te au naitu khoraphaꞌu, nei iheire te gnognoro, nei iheire te falehe naikno, nei iheire te pogho soru ka mumuju, nei iheire te lase chaichaghi fara.

Jemes 1:25

Nu naikno te thofno gleale'a na ngala mae ihei te famane fifilo fakeli nei leghuni koba teu chekegna God na. Eghuteuna chekegna God te thofno keli tuana ngala tangomana te hata fadelei nakhibo na te mala snagla naiknore. Uve, mana fanomho fakeli nu mana theome ghatho ihodi unha te nomhidi mana re. Mae igne ngala te thofno gleale'a na.

Letas Teke Riso Tei Mae Pol Ka Khiloau Rom 3:20

Theo kaisei naikno te doglo ka tathagna God na, jame te leghuni kolho mana vetula na. Naugna vetula na mala falalase kolho nakhibodare.

Profet Hosia 3:4

Naiknodi Israel igre mala jateula igne eghu mala au faraugha katha vido. Eghuteuna mare na theo kaisei nodi mae king, ba kaisei nodi mae mala baubatu. Eghuteuna mare ginauna na theome tangomana nate fafara ka mumuju na, ba theome tangomana nate fakegra haghe kaisei thina mala tarai ka mana. Mare ginauna na theome hata kaisei mumuju, ba kaisei nafnata glepo te mala filo glanidi unha nate thakle mei nathuꞌu nauriha.

Profet Isaia 19:3

Gaoghathodi naiknodi Ijep re ginauna glaꞌe soru, eghuteuna iara ginauna goigoni nodi gaoghatho mare igre. Eghuteuna mare ginauna tei tarai ka nodi mumuju god mala toghodi. Mare ginauna tei filodi mae te au naitu khaekae nei iheire te au naitu nhaghe ba iheire te tangomana te cheke baludi tharungadi naikno tela lehehi ra.

Fapea Kings 21:21

Mana leghuni puhigna kmagna na, eghuteuna mana neke pogho soru ka mumuju teke pogho sorudi mae kmagna re.

Fapea Kings 21:11

“Mae Manase king gna Juda igne mana edi glepo te thono diꞌa fara igre. Mana edi kmana nakhibo ke tulaodi naiknodi Amo tifa ra, mana fatutuanidi mumuju igre ne batudi naiknodi Juda ka nakhibo.

Fapea Kings 21:3

Mana tei neke babana fapulo nodi vido blahi mae bongihehe teke paꞌe soru kmagna mana mae Hesekaea ra. Mana horo olta mala tarai ka Baal, eghuteuna horo kaisei mumuju gaꞌase Asera, jateula teke edi King Ehab gna Israel tifa ra neu. Eghuteuna mae Manase jaola neke tarai ka nathunu.

Jajis 17:5

Maeka horo haghe kaisei vido blahi malagna nogna mumuju na, eghuteuna mana edi keha mumuju mala au ka suga, nei kaisei pohe blahi te kiloi efod. Eghuteuna mana fablahini kaisei thugna te mala pris gna nogna vido blahi na.

Fapea Kings 23:23

Nu ka nabotho nhana finogha te king mae Josia igre, naikno te au ka namono Jerusalem igre neke fufunu eni Gaghamu Ghasa-Polho igne mala ghatho tahuni Lord.