Fapea Kings 23:14 - Buka Blahi Ka Cheke Holo

¹⁴ King Josia ne rurhuja thina blahi igre, eghuteuna kato soru mumuju gna god gaꞌase Asera. Aonu mana ne koko tafri nhubradi naikno teke lehe re ka vido tuana.

Fapea Kings 23:14 ပူးပေါင်းရင်းမြစ်များ

Diutronomi 7:5

Eghume ghotilo mala roꞌe soru nodi olta nei mumuju thina, nei roꞌe soru mumuju gna gaꞌase god Astarot, eghuteuna ghotilo mala gnhubra nodi mumuju mare re.

Eksodas 23:24

Ghotilo thosei pogho soru ba tarai ka nodi mumuju god naikno te au ka namono tuare. Ghotilo thosei atha nafnata tharai te edi naikno tuare. Ghotilo roꞌe fahui mumuju god te pogho mare tadi are, nei jaola kuri leuleghu thina blahi te kegra teu ka vido te mala tarai mare na are.

Fapea Kings 23:16

Mae Josia efra tafri ne filoni kaisei beku jare ka thogele na, aonu mana chekedi nogna mae gloku re ne tei hata fajifla nhubra igre. Mare hata ne mei mala gnubra ka vido blahi na mala goigoni ni vido igne. Ka puhi igne, chekegna Lord teke chekeni kaisei nogna mae gloku God tifa na ne thoke mei tutuani.

Profet Maeka 1:7

Iara ginauna chekedi nomi naoka ghotilo are mala kina nguanguja mumuju god igre. Mumuju god te pogho soru fabrahu ghotilo ka Sugablahi bongihehe igre, iara ginauna chekedi nomi naoka ghotilo igre mala gnubra. Uve, mumuju te gnafa igre ginauna na jateula chara eghu. Ghotilo tapla jafra fabrahu baludi mae bongihehe mala tarai ka god chaichaghi. Igne jateula kaisei mae ne thuru fodu balugna kaisei gaꞌase vine eghu. Nu iara ginauna chekedi mae naoka mala atha gobigna lepo ghotilo Samaria te edi kate tarai na. Gobigna lepo igre jateula kaisei mae te tusu lao sileni ka gaꞌase vine ra eghu!”

Naba 33:52

ghotilo ginauna brue fajifla naikno te au jare re. Ghotilo ginauna goigoni nodi mumuju thina ba aean teu mare re, eghuteuna ghotilo jaola goigoni nodi vido blahi mare re.

Naba 19:18

Eghuteuna mae te klino ka tathagu iara na, mana ginauna atha khakla gna gaju hisop, eghuteuna fa boubothu ka khoꞌu mala fuafusa ka suga tapuale na baludi keha glepo te au lamna re nei ka naikno teu te au jare re. Mana jaola mala fuafusa ka mae iheire teke habo ka nhubradi naikno te lehe, ba ka beku, ba ka thinigna mae te lehe na, naugna mana ne theome klino.

Naba 19:16

“Eghuteuna jame kaisei mae haboni thinigna mae teke lehe ka magra na, ba ka keha glepo are, ba ka nhubradi naikno te lehe, ba tei habo ka bekugna mae te lehe na, mae tuana jaola theome klino nabagna fitu narane ka tathagu iara na.

Eksodas 34:13

Nu igne unha te mala eni ghotilo na, ghotilo paꞌe soru nodi olta are, goigoni nodi thina blahi are, eghuteuna ghotilo kato soru mumuju gna nodi god gaꞌase mare Astarot.

Profet Isaia 44:19

Ihei te sari mumuju god igne, theome au kaisei gaoghatho te keli te mala cheke eghu na, “Tore, keha vidogna gaju igne iara neke gahu ka khaꞌaghi. Iara jaola gahu nafnahi nei keha ghegu nafnata gano eghu ka khaꞌaghi igne. Keha vido te salaꞌui ka gaju igne, iara neke sari kaisei mumuju te diꞌa kolho. Iara tarai ka phugra gaju te theo nafugna igne kolho!”

Profet Esikiel 6:5

Iara ginauna lisei tafri kolho thinidi naiknodi Israel tela lehehi ke uludi mumuju te diꞌa igre. Eghuteuna koko tafri nhubradi re lithuidi olta igre.

Fapea Kings 18:4

Mana paꞌe nodi Sugablahi te mala tarai mare ka mumuju na, eghuteuna rofo soru nodi thina te brahu fara na, eghuteuna kato soru mumuju gna gaꞌase Asera na. Eghuteuna mana jaola kina ruaruja mogo teke eni mae Moses ka bras tifa igne. Mogo igne mare kiloni, “Nehustan, ba mogo neke horo ka bras.” Mana eni igne naugna naiknore tei neke gahu insens koba ka mumuju gna mogo na.

Profet Isaia 27:9

Jame te magnahagheni God te hata fadeleidi nakhiboda re na, tahati vikegna mae Jekop gre, tahati ginauna paꞌe soru nodi olta keha god igre mala bruja ghilei vuhai nakrofu kolho. Eghuteuna ginauna na theo kaisei mumuju god gaꞌase Asera ba kaisei olta mala gahu insens te au ka vido igne.