Fapea Kings 22:10 - Buka Blahi Ka Cheke Holo

¹⁰ Aonu Safan mae sekretri na ne cheke eghu ka king, “Mae pris biꞌo Hilkaea neke tusu mei buka igne ka iara.” Aonu mae Safan ne iuꞌiju buka igne ke ulugna king.

Fapea Kings 22:10 ပူးပေါင်းရင်းမြစ်များ

Profet Jeremaea 36:21

King kuruni mae Jehudi ne tei ka mae Elisama mala atha mei buka igne. Mae Jehudi atha buka igne ne mei iu'iju soru cheke igre ka king, nei hatimare mae ofisa te kegra faligohoni teu mana igre.

Profet Jeremaea 36:15

Mare ne cheke eghu ka mana, “Gnokro sagho, eghuteuna iagho iu'iju soru cheke tuare mala nomhidi ghehati.” Aonu mae Baruk ne iu'iju buka igne ka mare.

Profet Jeremaea 36:6

Nu ka narane te dangna naiknore te kafe mei tarai ka Sugablahi na igre, iara magnahaghei nigho iagho te tei ka vido tuana. Iara magnahaghei nigho iagho te iu'iju soru chekegna Lord teke rioriso iagho ra. Iagho iu'iju soru cheke igre ka naiknodi Juda te mei funu ka namonodire te kafe khapru mei agne Jerusalem.

Profet Jeremaea 13:18

Aonu Lord ne cheke eghu ka iara, “Iagho tei cheke eghu ka mae king ghe idogna, ‘Ghopa thosei gnokro ka nomi sape nafnakno re, naugna nomi khepi nafnakno ghopa re la theo nafudihi, eghuteuna ghopa theome tangomana te funei fruni ni kantri igne gognarona.’ ”

Nehemaea 13:1

Ka narane igne naiknore mei ne khapru, eghuteuna mare ne iuꞌiju fabiꞌo nogna Vetula mae Moses na mala tangomana naiknore te kafe nomhini. Kate nomhini igne, mare laseni te theo kaisei ka vikegna Amon, ba ka vikegna Moab te au nodi nolaghi te mala gnokro baludi mae Israel ka nogna nakhapru God na.

Nehemaea 8:18

Eghuteuna leuleghu narane, funu ka narane gaghamu ululahu te posa ka narane leghu lahu na, mae Esra ne iuꞌiju ka nogna Vetula God. Naiknore ne eni nakhapru biꞌo igne nabagna fitu narane, eghuteuna ka fahana narane na, mare khapru ne tarai leghuni unha te chekeni ka Vetula na.

Fapea Kronikols 34:18

Aonu mae Safan ne cheke eghu ka king, “Pris biꞌo Hilkaea neke tusu mei buka igne ka iara.” Aonu mae Safan ne iuꞌiju ke ulugna king cheke te au ke lamnagna buka igne.

Fapea Kings 22:9

Eghuteuna kate iuꞌiju te gnafa na, mana figri ka king ne cheke eghu ka mana, “Ghehati hatahi sileni teke au ka suga gna Lord ra, eghuteuna ghehati tusu laohi ka hatimare mae gloku nei ka hatimare mae biꞌo te mala areare gna gloku ka Sugablahi igne.”

Fapea Kings 22:11

Kate nomhidi king cheke te au ka Buka Vetula na igre, mana diꞌanagnafa gna ne rerheku nogna pohe na.

Profet Jeremaea 36:13

Mae Mikaea kegra haghe ne toutonu ka mare cheke te gnafa teke iu'iju soru mae Baruk ka buka na igre.

Profet Isaia 66:2

Iara thegu teke vuavuhadi maloa ghe nauthoglu igre baludi gobigna lepo te au ke lamnadi. “Nu iara keli tagu fara ka nafnata mae te nhaꞌa faparini thegna igne, ba mae te diꞌa nagnafadi nakhibognare, mana thofno ghatho tahu ghau iara, eghuteuna leghuni nogu cheke iara na.

Profet Isaia 66:5

“Ghotilo naikno te leghu ghau nei ghatho tahu ghau teu iara ra, fanomho fakeli ka nogu cheke iara Lord. Naugna ghotilo ghatho tahu ghau iara fabrahu, eghuteuna keha naikno ka ghotilo theome magnahaghei te loku fodu balumi ghotilo. Eghuteuna mare maꞌe ghami ghotilo cheke eghu, ‘Snakreni Lord mala mei mana balu nogna nolaghi biꞌo mala filoni ghehati te glealeꞌa fara ghotilo na.’ Nu mare ginauna mamaja nodi fara.