Fapea Kings 21:23 - Buka Blahi Ka Cheke Holo

²³ Nogna mae funei mana re ne roghe poru ne aknu faleheni mana ka nogna suga na.

Fapea Kings 21:23 ပူးပေါင်းရင်းမြစ်များ

Fapea Kings 12:20

Mae Josabad thugna mae Simeata ghe mae Jehosabad thugna mae Soma, phei nogna mae biꞌo King Joas igre ne ghaoghatho mala faleheni mana. Aonu phiamare ne aknu faleheni mana Jerusalem ka vido teke fasasare mare rhegna nabrou te tei posa Sila. Mare ne giugiluni mana ka bekudi mae kuꞌegna re ka nogna namono biꞌo mae King Devet, eghuteuna thugna mana, mae Amasaea igne neke king tughuni mana.

Fapea Kings 14:19

Keha mae jare Jerusalem ghaoghaho mala faleheni King Amasaea, nu mana rikha ne tei Lakis. Nu mare ne kurudi keha mae ne tei ke leghugna mana ne aknu faleheni mana ka namono igne.

Fapea Kings 15:30

Ka varadaki finogha te king mae Jotam thugna King Asaraea Juda igre, mae Hosea thugna mae Ela igne ne ghaoghatho mala aknu faleheni King Peka. Aonu mae Hosea mei ne magra ne aknu faleheni mae Peka. Aonu mae Hosea neke king tughuni mana.

Fapea Kings 15:25

Kaisei mae komanda ka nogna armi mae Peka, thugna mae Remalaea, mana ne ghaoghatho mala aknu faleheni King Pekahaea. Aonu mae Peka ne hata glimafulu maedi Gilead, eghuteuna mare mei ne aknu faleheni King Pekahaea ka vido mala poru ke lamnagna suga biꞌo mae king na jare Samaria. Eghuteuna mare jaola ne falehedi mae Agob ghe mae Arie. Aonu mae Peka neke king tughuni mana.

Ululahu Kings 16:9

Simri kaisei mae komanda, mana mala magra ka King Ela. Mae Simri mae funeigna kaisei nogna tothoghei chariot. Aonu mae Simri ne hironi kaisei nabrou te mala faleheni King Ela. Kaisei narane, king au neu Tiasa, mana koꞌu waen neu ka sugagna mae Arasa mae ihei te mae biꞌo ka sugagna king.

Ululahu Kings 15:27

Eghuteuna mae Basa, thugna mae Ahaeja ka vikegna mae Isaka igne ne hironi kaisei nabrou te mala aknu faleheni King Nadab. Aonu mae Basa ne faleheni mana ka narane mana nei hatimare nogna mae soldia re eghu te bara ligohoni namono Gibeton jare Filistia mala magra ka mana. Aonu mae Basa neke tughuni mae King Nadab neke king gna Israel.

Fapea Kings 9:27

King Ahasaea filoni Jehu te aknu faleheni King Joram igne ne figri nogna chariot na rikha ne tei Bet-Hagan. Nu mae Jehu ne ngolho leghuni mana ne cheke eghu ka nogna mae soldiare, “Fadi faleheni!” King Ahasaea ne leghu nabrou ne tei Gua, eghuteuna kate tei namo ka namono Ibleam igne, mare ne fadini King Ahasaea. Nu mana rikha ne tei thoke Megido ne lehe jare.