Fapea Kings 21:22 - Buka Blahi Ka Cheke Holo

²² Mana neke figri tagruni Lord, nodi God mae kuꞌegna ra neke tirogna leghuni chekegna Lord.

Fapea Kings 21:22 ပူးပေါင်းရင်းမြစ်များ

Fapea Kings 22:17

Naugna nogu naikno iara igre neke tei koko ghau iara neke gahu insens ka keha god delei, eghuteuna iara thono diꞌatagu fara ka mare eidi gobigna lepo te edi naikno igre. Eghuteuna diꞌatagu iara ka naiknore igne ginauna theo ka huigna.

Ululahu Kings 11:33

Iara ginauna eni igne, naugna mae Solomon baludi naiknodi Israel igre ne tei koko ghau iara, nei mare pogho soru ka god Astarot nodi god gaꞌase naiknodi Saedon, eghuteuna Kemos nodi god naiknodi Moab, eghuteuna Molek nodi god naiknodi Amon. Mare theome leghuni puhigu iara na. Eghuteuna mare theome eni unha te doglo ka tathagu iara na, mare theome leghudi nogu vetula nei nogu cheke teu iara re jateula King Devet kmagna mae Solomon teke edi tifa ra eghu.

Ululahu Kronikols 28:9

King Devet ne cheke eghu ka Solomon, “Thuguo, ghatho tahuni Lord noda God. Iagho mala thofno leghuni mana, nei iagho mala sasaꞌa fara mala edi nogna gloku mana re. Lord na lasedi gaoghathoda tahatire, eghuteuna mana lasedi fara gobigna lepo te magnahaghedi tahati re eghu. Jame te hironi mana iagho na, iagho ginauna tangomana te filoni mana na, nu jame te figri tagruni iagho mana na, mana ginauna figri tagru nigho iagho fabrahu.

Profet Jona 2:8

“Iheire te loku maku ka mumuju igre, naikno igre theome ghatho tahu nigho iagho.

Profet Jeremaea 2:13

Naugna nogu naikno iara igre ne edi phei najafra te thono diꞌa fara igre. Naikno igre figri tagru ghau iara. Iara jateula glokha te fura haghe te mala koꞌu te karha naiknora eghu, nu mare tei koko ghau iara. Eghuteuna, mare leghudi god teke sari thedire. Uve, god igre jateula baket teke horo kolho naikno, nu phosa me theo kaisei khoꞌu tagna teura eghu kolho.

Diutronomi 32:15

“Ghotilo iheire te doglo ra neke blokha fara. Ghotilo au ghemi kmana gano fara eghuteuna ghotilo ghamu neke ghilei blokha neke salaꞌui. Eghume ghotilo leghuni puhi te theome doglo na eghuteuna ghotilo tei kokoni God mae ihei teke vuavuha ghami na. Ghotilo figri lao thagrumi re ka God mae ihei nomi vido keli te mala poru ghotilo na.

Fapea Kings 21:21

Mana leghuni puhigna kmagna na, eghuteuna mana neke pogho soru ka mumuju teke pogho sorudi mae kmagna re.

Profet Isaia 1:2

Lord ne cheke faheta eghu, “Ghopa maloa ghe nauthoglu ra! Ghopa fanomho mei ka nogu cheke iara igre! Funu ka narane te ikodi teku thugu iara igre, iara neke reireghi fakelidi, nu gognarona mare tirodi fanomho ka nogu cheke iara re.

Profet Isaia 1:4

Ghotilo nogu naikno iara igre thono diꞌa fara! Eghuteuna puhimi ghotilore jaola thono diꞌa fara. Ghotilo naikno mala tapla jafra fabrahu ka nakhibo kolho. Eghuteuna ghotilo la tei kokonihi Lord. Uve, ghotilo tiromini nodi God maedi Israel te thono blahi fara igne la figri tagrunihi mana.