Fapea Kings 21:2 - Buka Blahi Ka Cheke Holo

² King igne neke theome keli ka tathagna Lord. Mana leghudi fabrahu puhidi naikno di Israel tifa ra. Naugna igne Lord teke khi fajifladi ka nodi namono naiknodi Israel.

Fapea Kings 21:2 ပူးပေါင်းရင်းမြစ်များ

Profet Esikiel 16:51

Eghuteuna Samaria gne, nakhibogna re theome thokedi kolho keha vidogna nakhibomu iagho re. Iagho edi glepo te thono diꞌa fara re salaꞌudi glepo teke edi mare re. Kate fananaba nigho iara baludi phei greghamu iagho re, iagho thofno diꞌa fara, nu filogna na repa doglou kolho.

Profet Jeremaea 15:4

Eghuteuna kate ghathoni igne na, naiknogna nauthoglu igne ginauna mhaghu nodi fara. Iara ginauna edi glepo igre mala thokedi mare eidi puhi te diꞌa teke edi mae king Manase thugna mae King Hesekaea Jerusalem kani teke king mana Juda tifa ia.” Igne chekegna Lord.

Fapea Kronikols 36:14

Eghuteuna keha glepo na, nodi lida mae pris nei naiknore teu igre, mare leghuni puhidi naiknodi keha kantri te au faligohodi mare ra. Mare tarai nei tufru soru eghu ka keha god delei, eghuteuna mare goigoni nogna Sugablahi Lord teke fablahi mana Jerusalem.

Fapea Kings 22:17

Naugna nogu naikno iara igre neke tei koko ghau iara neke gahu insens ka keha god delei, eghuteuna iara thono diꞌatagu fara ka mare eidi gobigna lepo te edi naikno igre. Eghuteuna diꞌatagu iara ka naiknore igne ginauna theo ka huigna.

Fapea Kings 21:16

King Manase jaola ne aknu falehe kmana naikno fara, aonu dadaradi naikno te theo kaisei nakhibodi igre ne fodu ka namono Jerusalem. Nu jaola, mana neke batudi naiknodi Juda igre neke edi glepo te diꞌa ka tathagna Lord.

Fapea Kings 21:7

Mana hata mumuju gna god Asera igne ne lilisei ka nogna Sugablahi Lord na. Nu Lord neke cheke eghuhi ka King Devet ghe mae thugna na, King Solomon, “Iara neke vahini Jerusalem ka nodi vido nabotho phei vikegna Israel mala babana haghe nogu Sugablahi na mala pogho soruni fabrahu mare Nanghagu Iara na.

Diutronomi 12:31

Ghotilo thosei leghudi puhidi mare re kate pogho soruni ghotilo Lord nomi God. Naugna kate pogho soru mare ka nodi god re, mare edi glepo te thono diꞌa fara te tirognadi fara Lord. Ghotilo laseni, mare gahu thudire mala fafara ka nodi god re.

Fapea Kings 21:11

“Mae Manase king gna Juda igne mana edi glepo te thono diꞌa fara igre. Mana edi kmana nakhibo ke tulaodi naiknodi Amo tifa ra, mana fatutuanidi mumuju igre ne batudi naiknodi Juda ka nakhibo.

Fapea Kings 21:20

Mana jateula mae Manase mae kmagna na neku neke edi kmana glepo te diꞌa ka tathagna Lord.

Fapea Kings 23:32

Mana neke edi keha puhi te diꞌa ka tathagna Lord jateula kuꞌegna tifa ra neku.

Fapea Kings 24:9

Mae Jehoiakin neke edi unha te diꞌa ka tathagna Lord, jateula kmagna neku.

Eklesiasti 9:18

Gaoghatho te keli na thofno keli fara salaꞌuni glepo mala magra na, nu kaisei mae te diꞌa puhigna na tangomana te goigonidi kmana glepo te keli.

Profet Isaia 66:4

Eghume, iara ginauna na edi puhi biꞌo te mhaghudi fara ghotilo ra mala thoke ghami ghotilo, naugna kate kilo ghami iara na, ghotilo theome cheke tughu ka iara. Eghuteuna kate cheke iara ka ghotilo na, ghotilo theome fanomho ka iara. Leuleghu fata na ghotilo tiromi leghu ghau iara, edi fabrahu ngala puhi te diꞌare.

Fapea Kings 17:2

Mana jaola ne edi glepo te diꞌa re ka tathagna Lord, nu mana theome raꞌe edi jateula king di Israel teke kulu funei ululahu ra neku.

Fapea Kings 21:21

Mana leghuni puhigna kmagna na, eghuteuna mana neke pogho soru ka mumuju teke pogho sorudi mae kmagna re.

Profet Esikiel 11:12

Ka glepo igre, ghotilo ginauna laseni te iara Lord. Eghuteuna ghotilo ginauna laseni kate leghudi ghotilo nodi vetula keha kantri te lithui ghami ghotilo are, ghotilo huhughu di nogu vetula iara re, eghuteuna theome leghudi nogu cheke iara re.”

Profet Esikiel 22:3

Iagho cheke ka mare, igne unha te chekeni Lord God na: ‘Ghotilo naiknomi Jerusalem! Ghotilo aknu falehe kmana naikno eghuteuna ghotilo tarai ka mumuju teke sari themire, eghuteuna ghotilo fathona ghami themi ka tathagu iara.