Fapea Kings 21:14 - Buka Blahi Ka Cheke Holo

¹⁴ Iara ginauna lisa lao naikno te karha nga teu igre ka khamedi mae naoka. Eghuteuna mae naoka igre ginauna uludi mare, eghuteuna mae naoka igre ginauna hata tei ka namono dire nodi gobigna lepore.

Fapea Kings 21:14 ပူးပေါင်းရင်းမြစ်များ

Profet Jeremaea 23:33

Lord ne cheke eghu ka mae profet Jeremaea, “Jame kaisei naikno ba kaisei mae profet ba kaisei mae pris mei ghusna eghu ka iagho, ‘Lord na au keha nogna cheke te tahu ba theo?’ Te eghu mana na, iagho cheke eghu ka mana, ‘Ghotilo pala tahu nogna Lord! Eghume, iara ginauna khi ghami ghotilo!’

Fapea Kings 19:4

King gna Asiria igne neke kuru meini kaisei nogna mae komanda mala cheke faparini God mae ihei te karha te tifa. Tahati toreni Lord noda God mala nomhidi cheke te diꞌa igre, eghuteuna Mana ginauna paradi mare. Eghume tore ka God eida tahati naikno te karha nga teu gre!”

Profet Emos 5:2

Khoje na igne: “Gaꞌase majaghani gna Israel, naꞌa la ukahi pari, eghuteuna naꞌa theome tangomana na teke kegra haghe na. Naꞌa thuru pari ka glose na, eghuteuna theo kaisei mae nabagna te mala toghoni naꞌa te mala ke kegra haghe na.”

Lamentations 5:20

Naugna unha sagho te ghatho iho ghami ghehati fabrahu gnea? Naugna unha sagho te tirou ghami ghehati gnea?

Lamentations 1:10

Mae bongihehe teke chekedi Lord mala thosei tei ruma lamna Sugablahi teku igre, Jerusalem ne filodi mare te tei ruma lamna Sugablahi na, eghuteuna mare blau glepo blahire.

Lamentations 1:5

Lord ginauna lisa lao na au papara ke klignadi, naugna mare ne tapla jafra fabrahu ka nakhibo ranghini Mana. Naoka mei funei fruni au fakeli nodi. Neubane goro sua ikodi, naoka mei hata fajifladi ka nodi namono re.

Profet Jeremaea 12:7

Lord ne cheke eghu, “Iara ginauna tei kokodi nogu naiknore. Uve, iara ginauna theome magnahaghedi iheire teke vahi fadeleidi mala nogu naikno iara teku igre. Iara ginauna lisa laodi iheire te namhadi fara iara igre ka khamedi mae naoka.

Profet Isaia 10:6

Iara ginauna kuru meidi mae naoka re mala magra ka ghotilo, naugna ghotilo ne tei koko ghau iara neke bongihehe fapulo. Iara ginauna snakredi mae naoka igre mala para ghami ghotilo, naugna ghotilo ne fa ngingiri ghau iara. Maedi Asiria ginauna mei goigoni nomi namono ghotilo gre, nei blau nomi glepo ghotilo gre eghu. Mare ginauna tapla ke klignami ghotilo, jateula ihei te tapla ke kligna chopu ra eghu.

Nodi Khoje Hatimare Mae Jiu 37:28

Lord na magnahagheni fara puhi te doglo na. Mana theome snakredi te lisa laodi nogna naiknore. Leuleghu fata na mana tangomana te baubatu fakeli nogna naiknore mala tei ka nabrou te fadoglo. Nu vikegna mae te diꞌa na mana ginauna brue fajifladi mala tei au delei.

Fapea Kings 24:2

Aonu Lord ne kuruni armi gna Babilonia, armi gna Siria, armi gna Moab nei armi gna Amon mala mei magra ka King Jehoiakim. Armi igre mei ne goigonini Juda leghuni nogna cheke Lord teke chekeni hatimare mae profet tifa ra.

Diutronomi 31:17

Aonu kate eni mare igne na, iara ginauna diꞌatagu fara ka mare, eghuteuna iara ginauna lisadi mare. Iara ginauna poru ka mare, eghuteuna kmana puhi ginauna mei goigonidi mare. Mare ginauna thokedi kmana puhi biꞌo, eghuteuna kate thoke mei glepo te diꞌa ka mare na, mare ginauna laseni te theome au iara baludi mare na.

Diutronomi 28:48

ghotilo ginauna rofo, nei roi koꞌu, nei soesole nei kmoꞌe ka gobigna lepo fateote'o. Glepo igre ginauna thoke ghami ghotilo naugna ghotilo ginauna na loku ranghidi nomi naoka ghotilo teke kuru mei Lord ka ghotilo are. Mare ginauna thofno para ghami fara ghotilo ka gloku biꞌo te ninhigrana fara ghilei ghotilo te gnafa na kafe lehe hui.

Diutronomi 28:25

“Lord ginauna toghodi mae naoka re mala ulu ghami ghotilo. Neuba ghotilo ne mei fodu ne kaisei mala magridi mare, ghotilo ginauna rikha ka soasopai nabrou. Eghuteuna naikno ka nauthoglu igne ginauna ghatho ghami ghotilo na kaisei glepo diꞌa kolho.

Levitikas 26:17

Iara ginauna figri tagru ghami ghotilo, eghuteuna nomi naoka ghotilo are ginauna ulu ghami ghotilo, eghuteuna iheire te susuku ghami ghotilo are ginauna funei fruni ghami ghotilo. Neubane theo kaisei naikno te ngolhi ghami ghotilo na, ghotilo ginauna rikha, naugna ghotilo ne thono mhaghu nomi fara!

Fapea Kings 21:13

Iara ginauna para ghami ghotilo, jateula teke paradi iara naiknodi Samaria balugna King Ehab nei vikegna teku mana ra. Iara ginauna hata fadelei ghami ghotilo mala famane gae namono igne, jateula tapera te famane titihi te gae, eghuteuna fapogru sukha teura eghu.

Fapea Kings 21:15

Iara ginauna eni igne ka ghotilo, naugna ghotilo ne edi glepo te diꞌa igre ka tathagu iara na ne ngigno hagheni diꞌatagu iara na, funu ka narane teke jifla mei Ijep kuꞌemi ghotilo ra te ghilei posa mei ka narane igne.”

Fapea Kings 23:27

Aonu Lord ne cheke eghu, “Iara ginauna khi fajifla ghami ghotilo naiknomi Juda gre jateula teke khi fajifladi iara naiknodi Israel tifa ra eghu. Iara ginauna tiroguni Sugablahi nei namono biꞌo Jerusalem teke vavahi iara igne. Iara neke cheke eghu eigna Sugablahi igne, ‘Jare te mala pogho soruni Nanghagu iara na.’ ”

Profet Jeremaea 44:27

Iara ginauna filoni unha puhi biꞌo nate thoke mei ka mare na, naiknodi Juda te au teu Ijep igre ginauna lehe ka magra, ba lehe ka vido te theo gano na.

Fapea Kings 17:18

Mana thono diꞌatagna fara ka naiknodi Israel, aonu mana khidi mala theome tangomana mare te au rhegna mana na. Vikegna Juda igne kolho te au balugna mana na.

Fapea Kings 17:19

Nu neuba, naiknodi Juda gre jaola theome leghudi nogna vetula Lord nodi God na. Mare leghuni puhi majaghani te mala tarai te fufunu haghe naiknodi Israel igre.

Fapea Kings 17:20

Lord ne thono tirognadi fara naiknodi Israel gre ne paradi mare. Eghuteuna mana ne lisa laodi ka khamedi nodi naokare, ghilei leghu lahu na mana theome magnahaghedi mare te mei namo ka mana na.

Fapea Kings 17:23

ghilei leghu lahu na, Lord ne theome magnahaghedi te mei rhegnai re jateula teke chekedi nogna mae gloku mana hatimare mae profet ra. Aonu armi gna Asiria igne mei ne hata fajifladi ka nodi namono re mala tei au Asiria ka namono aheva te khaba fara, eghuteuna mare au ka kantri igne ghilei mei posa ka narane gognarogne.

Nodi Khoje Hatimare Mae Jiu 74:1

God, naugna unha sagho te figri tagru ghami ghehati gnea? Ghehati gne jateula nou sipu eghu iagho kolho! Ba? Iagho ginauna diꞌatamu fabrahu ka ghehati sia?

Profet Jeremaea 19:7

“ ‘Eghuteuna ka vido igne iara ginauna goigonidi nodi gaoghatho maedi Juda nei Jerusalem. Iara ginauna snakredi nodi naoka mare are mala falehedi mare ka magra. Eghuteuna iara ginauna snakre lao ka nanghaji nei ka glepo te tautagu eghu mala ghamu fateo thinidire.