Fapea Kings 21:11 - Buka Blahi Ka Cheke Holo

¹¹ “Mae Manase king gna Juda igne mana edi glepo te thono diꞌa fara igre. Mana edi kmana nakhibo ke tulaodi naiknodi Amo tifa ra, mana fatutuanidi mumuju igre ne batudi naiknodi Juda ka nakhibo.

Fapea Kings 21:11 ပူးပေါင်းရင်းမြစ်များ

Ululahu Kings 21:26

Mana leghuni puhigna khetogna na ne pogho soru ka mumuju jateula teke edi naikno di Amo tifa ra neu. Lord neke khi fajifladi ka nodi vido glose teke tusu lao ka naiknodi Israel.)

Fapea Kings 21:9

Nu naiknodi Juda igre neke theome leghuni Lord, eghuteuna King Manase neke batudi naiknore ka nakhibo te thono diꞌa fara salaꞌudi naikno bongihehe teke goigonidi Lord kani teke hata mei mana naiknodi Israel teke au ka kantri igne.

Profet Jeremaea 15:4

Eghuteuna kate ghathoni igne na, naiknogna nauthoglu igne ginauna mhaghu nodi fara. Iara ginauna edi glepo igre mala thokedi mare eidi puhi te diꞌa teke edi mae king Manase thugna mae King Hesekaea Jerusalem kani teke king mana Juda tifa ia.” Igne chekegna Lord.

Profet Esikiel 16:45

Iagho thono jateula idomu eghu, ihei te tirognani khetogna na baludi thugna ra. Eghuteuna iagho jaola phei greghamu iagho ra, thododi phei khetodi re baludi thudi re. Idomu iagho baludi phei greghamu iagho ra, neke karha mei ka vikegna mae Het, eghuteuna kmami ghotilo thiloi gre neke karha mei ka vikegna mae Amoa.

Profet Esikiel 16:3

Iagho cheke ranghidi, ‘Iara Lord God te chekeni igne: Jerusalem! Iagho jateula kaisei sua gaꞌase teke karha ka namono Kenan eghu. Kmamu iagho na neke karha mei ka vikegna mae Amoa, eghuteuna idomu iagho na neke karha mei ka vikegna mae Het. Mare neke theome fatutuani ni Lord.

Fapea Kings 21:21

Mana leghuni puhigna kmagna na, eghuteuna mana neke pogho soru ka mumuju teke pogho sorudi mae kmagna re.

Fapea Kings 21:16

King Manase jaola ne aknu falehe kmana naikno fara, aonu dadaradi naikno te theo kaisei nakhibodi igre ne fodu ka namono Jerusalem. Nu jaola, mana neke batudi naiknodi Juda igre neke edi glepo te diꞌa ka tathagna Lord.

Fapea Kings 21:2

King igne neke theome keli ka tathagna Lord. Mana leghudi fabrahu puhidi naikno di Israel tifa ra. Naugna igne Lord teke khi fajifladi ka nodi namono naiknodi Israel.

Ululahu Kings 16:19

Mana ne lehe naugna mana ne tapla jafra ka nakhibo, eghuteuna jaola mana edi kmana glepo te theome doglo ka tathagna Lord na jateula teke edi King Jeroboam tifa ra neu. Eghuteuna mana batudi naiknodi Israel mala jaola tapla jafra ka nakhibo.

Ululahu Kings 15:30

Glepo igne neke thoke mei ka tharaknagna King Jeroboam, naugna Lord God gna Israel igne neke diꞌatagna fara ka King Jeroboam ka nakhibo nei ka puhi te batudi mana naiknodi Israel ka nakhibo.

Ululahu Kings 14:16

Lord ginauna lisa koko ghita, naugna King Jereboam ne tapla jafra ka nakhibo, eghuteuna mana batudi naiknore mala jaola tapla jafra tahati ka nakhibo.”

Jenesis 15:16

Gramu iagho re ginauna na theome ghosei ke pulo mei ka namono igne. Mare nake pulo mei ka namono igne kate thokeni mare fati phagusu na. Naugna naiknodi Amor gre ginauna kulu edi kmana glepo te diꞌa fara ka namono igne. Ke leghugna igne, iara ginauna na paradi nei kuru fajifladi eghu naikno tuare ka namono igne.”

Fapea Kings 16:3

Mana leghudi puhidi mae king di Israel te diꞌa tifa ra. Eghuteuna mana neke gahu thofno thugna na neke fafara ka mumuju. Glepo igne thofno leghuni puhidi naiknodi tifa te thofno diꞌa fara ra, eghuteuna Lord neke khi fajifladi naikno bongihehe igre ka nodi vido glose naiknodi Israel.

Fapea Kings 21:10

Lord neke cheke eghu ranghidi nogna mae gloku hatimare mae profet,

Fapea Kings 21:20

Mana jateula mae Manase mae kmagna na neku neke edi kmana glepo te diꞌa ka tathagna Lord.

Fapea Kings 23:24

King Josia ne khi teidi iheire te loku ka khaekae, ba iheire te facheke ka naitu. Eghuteuna mana jaola hata koko mumuju te tathaji teu naiknore ka sugadi re, nei keha glepo te diꞌa te au Juda nei Jerusalem. Mana neke eni igne mala horoghoto ka Vetula teke risoni ka Buka teke filoni mae pris biꞌo Hilkaea ka nogna Sugablahi Lord na.

Profet Esikiel 18:12

Mana goigonidi koba naikno te kuma re eghuteuna mana blau koba. Eghuteuna mae igne loku fapulo koba glepo teke lilisei ka mana mae kheragna fofodu na, mala eni ghu mana kaisei nogna glepo teku na. Kate hata fapulo mae igne unha teke nogna re, mana theome tangomana teke tusu fapulo unha mae igne teke lisei soru teku ka mana na. Mana tei koba ka nodi vido mala tarai mae bongihehe ke kligna thogele, eghuteuna mana tarai koba ka mumuju te thono diꞌa fara.

Profet Esikiel 5:6

Neuba, naikno te gnafa Jerusalem igre theome magnahaghedi kolho nogu cheke iara re. Puhidi te diꞌa re thono diꞌa fara salaꞌudi puhidi naiknodi keha kantri te au lithuidi mare are. Mare tirodi leghu ghau iara, ba fanomho ka nogu cheke iara re, eghuteuna mare theome magnahaghei te leghudi nogu vetula iara re.