Fapea Kings 20:9 - Buka Blahi Ka Cheke Holo

⁹ Isaia ne cheke eghu ka king, “Lord ginauna eni kaisei fagaglana ka iagho, mala laseni iagho mana te tajini nogna nhaꞌa cheke na. Ba, iagho magnahaghei te filoni naungo na te tugha faꞌulu nabotho nathapla, eghuteuna ke tugha faleghu keha nabotho nathapla re teuna?”

Fapea Kings 20:9 ပူးပေါင်းရင်းမြစ်များ

Fapea Kings 19:29

Aonu profet Isaia ne cheke eghu ka King Hesekaea, “Igne kaisei fagaglana nate thoke mei ginauna. Finogha igne ghotilo ginauna ghamu gano te kotu thedi ka nagare di tifa are. Eghuteuna finogha te mei igne, ghotilo ginauna ghamu gano nate kotu haghe ke leghu re. Nu ka fatilo finogha na, ghotilo ginauna tangomana teke loku ka nagare na, mala teke au ghemi gano na, eghuteuna ghotilo ginauna tangomana te joꞌu grep te mala ghamu fuꞌa gna na.

Fapea Kings 20:8

Mae Hesekaea ne ghusna eghu ka mae Isaia, “Unha nafnata fagaglana gne Lord nate fakeli ghau iara ginauna, eghuteuna iara ginauna haghe ka Suga gna Lord ka fatilo narane na?”

Fapea Kings 20:10

Eghuteuna king ne cheke eghu, “Bligi fara naungo igne te tugha faꞌulu nabotho nathapla na! Chekeni sagho naungo igne mala tugha faleghu nabotho nathapla!”

Profet Isaia 38:1

Theome raugha ke leghugna igne, armi gna Asiria haghe ne snura Juda. Ka narane igre King Hesekaea ne fogra fara, ne ghilei namo lehe. Aonu mae profet Isaia thugna mae Emos tei ne cheke eghu ka mana, “Igne nogna cheke Lord na: Te keli na iagho fadoglini puhimu na, eigna iagho ginauna lehe, eghuteuna iagho ginauna theome tangomana na teke keli fapulo na.”

Josua 10:12

Ka narane igne, Lord ne toghoni mae Josua balu armi gna Israel ne uluni vikegna mae Amo. Eghume, mae Josua ne tarai eghu ka Lord ke uludi naiknore, “Naprai, iagho kegra snoto mala agha soru ke kligna Gibeon. Glaba, iagho kegra snoto mala agha soru ke kligna glogu Aijalon.”

Ululahu Samuel 14:10

Nu jame te cheke mare mala haghe tapa ka mare teuna, tapa ginauna tei, naugna tuana kaisei fagaglana te eni Lord ka tapa te mala uludi mare na.”