Fapea Kings 20:3 - Buka Blahi Ka Cheke Holo

³ “Lord, ghatho mei ghau. Iara loku ranghi nigho iagho ka nogu nolaghi fateote'o nei ka gaoghathogu fateote'o, eghuteuna iara fariuriu mala edi gobigna lepo te magnahaghedi iagho re.” Eghuteuna mana ne funu tanhi fabiꞌo.

Fapea Kings 20:3 ပူးပေါင်းရင်းမြစ်များ

Nehemaea 13:22

Iara cheke ka hatimare mae Livaet mala tei fagaedi thedi ka tathagna God. Gnafa teuna, mae Livaet mala reireghi grengatha igre tei ne filo ka grengatha tuare, mala laseni naiknore te leghu fakelini vetulagna narane Sabat gne ba theo. Nogu God, naugna glepo igne iara jaola ne eni igne, ghatho ghau nei keli ranghi ghau eghu iara, naugna iagho ne ghatho tahu ghau iara fara.

Nehemaea 13:14

Nogu God, ghatho ghau nei thosei ghatho ihodi unha gloku te keli te edi iara ka nou Sugablahi igne, nei iara fadoglidi puhi te mala tufru soru nigho iagho.

Nehemaea 5:19

Aonu Nehemaea ne tarai, “Nogu God, ghathodi glepo te keli teke edi iara ranghidi naikno igre.”

Nehemaea 13:31

Iara chekedi naiknore mala hata mei gaju mala gahu fafara ka soasopai narane ka finogha na mala loku mae igre. Eghuteuna iara chekedi naiknore mala hata mei gano saro ulu ka nodi nagare re, mala fei ghedi mae pris nei mae Livaet nei keha glepoi langau eghu te nabadi mare. Nogu God, ghatho ghau nei keli ranghi ghau eghu.

Luku 1:6

Nu puhidi repa igre doglo fara ke ulugna God, naugna repa ne thofno leghudi nogna vetula nei farirhiu teu God re.

Ululahu Kings 8:61

Nu ghotilo mala thofno ghatho tahuni Lord noda God. Ghotilo mala thofno ghatho tahudi mala leghudi nogna vetula nei nogna cheke teu mana re, jateula te edi ghotilo gognaro igre eghu.”

Fapea Korin 1:12

Igne unha te fahaehagheni nei thofno laseni teu ghehati ka nagnafamire, eigna ghehati theome leghuni nogna glalase naikno na kate edi gobigna lepore ka nakarhamire. Theo. Tutuani, naugna God tusu mei u khokofakasai ranghi ghami, ghehati leghuni kolho puhi te doglo te magnahagheni God na nei ghehati cheke tutuani koba. Leuleghu fata ka nakarhami kani au teku balumi ghotilo na, ghehati neke eni fara igne.

Jone 1:47

Mae Jisas filoni mae Natanel te mei ke ulugna mana na, ne cheke eghu eigna mana, “Filoni si ghotilo. Mae igne ngala thofno mae gna Israel na, naugna mana theome tangomana te chaghi na.”

Profet Jeremaea 4:2

Jame te magnahaghei nhaꞌa cheke ghotilo ka nanghagu iara na, ghotilo cheke eghu, ‘Iara thofno nhaꞌa cheke ka nanghagna Lord mae ihei te karha te tifa.’ Jame te eni tutuani ghotilo igne na, iara ginauna fablahi ghami ghotilo naikno te gnafa ka nauthoglu igne.”

Profet Isaia 63:11

Ka narane igne, mare ghathoni tifa ka naranegna mae Moses baludi nogna naiknore Ijep. Aonu mare ne ghusna eghu ka mana, “Ahevau Lord na? Tifa na mana neke atha mae mala baubatu ka naiknore neke kasa ka thongna na. Ahevau Lord na? Tifa na mana neke snakreni nogna Tharunga te Blahi na mala au baludi mare.

Profet Isaia 38:14

Iara kabru ghegu fara ne tanhi fabiꞌo. Nu nogu natanhi iara igne, jateula te tanhi balhu ra eghu kolho. Eghuteuna kate filo haghe iara kligna na, tathagure jaola kabru. Lord, togho ghau! Hoholo thoke ghau iara.”

Nodi Khoje Hatimare Mae Jiu 145:18

Leuleghu fata na mana kaikalitiu kolho te mala toghodi iheire fateo te eha lao ka mana ka nagnafa te doglo na.

Nodi Khoje Hatimare Mae Jiu 119:49

Lord God, thosei ghatho ihoni u nhaꞌa cheke teke eni iagho ka iara nou mae gloku gne, naugna iara rouronuni iara u nou nhaꞌa cheke iagho na.

Nodi Khoje Hatimare Mae Jiu 102:9

Naugna iagho thono diꞌatamu fara ka iara, iagho koko fadelei ghau iara jateula chara eghu kolho. Diꞌanagnafa iara te biꞌo fara na jateula ghegu gano eghu iara, eghuteuna kholodi tathagu gre jateula ghegu khoꞌu eghu iara.

Nodi Khoje Hatimare Mae Jiu 89:50

God, naikno gre la cheke fapari ghau iara, thosei ghatho iho ghau iara sagho. Uve, naikno bongihehe igre eꞌei puhi te mala thoke ghau iara na.

Nodi Khoje Hatimare Mae Jiu 89:47

Ghatho mei ghau iara sagho. Iara gne khogla naikno kolho, eghuteuna nakarhagu iara na theome brahu kolho. Iagho neke vuavuha ghami ghehati mala karha neku, eghuteuna ke leghu na ghehati ginauna mala kafe lehe kolho.

Nodi Khoje Hatimare Mae Jiu 32:2

Mae ihei Lord te theome filoni kaisei najafra ka nakarhagna na nei theome leghuni puhi te chaichaghi na teuna, mae tuana thono keli tagna fara.

Nodi Khoje Hatimare Mae Jiu 25:7

Lord, ghatho ihodi nakhibo nei najafra eghu teke edi iara kani mae majaghanigu ra. Naugna iagho namha ghau nei keli ranghi ghau eghu iara koba.

Nodi Khoje Hatimare Mae Jiu 6:6

Iara eha la eha la ghilei glaꞌe soru nogu. Leuleghu bongi na iara tanhi nogu fabrahu kolho. Nogu sape na la ghilei bothu ka kholodi tathagure. Nogu kokhogu na la jaola la bothu ka kholodi tathagure.

Thoutonu Eigna Mae Job 1:8

Lord ne cheke eghu ka Satan, “Ba, iagho filo glani puhigna nogu mae gloku iara Job igne? Theo kaisei mae ka nauthoglu igne te jateula mana teuna. Mana kaisei mae keli nei doglo eghu. Eghuteuna mana ghatho tahu ghau iara nei theome magnahaghei te eni kaisei glepo te diꞌa.”

Thoutonu Eigna Mae Job 1:1

Kaisei mae nanghagna na Job, mana au ka kantri te kiloi Us. Mana kaisei mae te keli nei doglo eghu. Mana ghatho tahuni God nei theome magnahaghei te eni kaisei glepo te diꞌa.

Fapea Kronikols 16:9

Leuleghu fata na Lord filo fabrahu ka vido te gnafa ka nauthoglu igne, eghuteuna mana tangomana te farhetadi naikno te leghuni mana re. Nu iagho theome leghuni mana fabrahu, eghume mae naokare ginauna mei magra ka nou kantri iagho igne.”

Ululahu Kings 15:14

Neuba mana ne theome paꞌe soru nodi vido blahi keha god re, nu ka nagnafagna na mana thofno ghatho tahuni fabrahu Lord ka nakarhagna na.

Ululahu Kings 11:4

Kate kueku'e mana na, khetogna mana igre batuni gaoghathogna mana na mala tarai ka mumuju god. Gaoghathogna mana na theome ghatho tahuni Lord, nogna God na. Mana ne theome jateula King Devet, mae kmagna teke ghatho tahuni Lord.

Ululahu Kings 3:6

Aonu mae Solomon ne cheke eghu, “Kmagu iara na neke thofno leghu nigho iagho tutuani neke eni unha te doglo na. Eghume, leuleghu fata na iagho thofno magnahagheni fara mana. Eghuteuna gognarona, iagho jaola vahi ghau iara mae thugna mana na mala tughuni mana te mala king na.

Ululahu Kings 2:4

Jame te leghuni iagho Lord na, mana ginauna eni unha teke nhaꞌa chekeni ka iara tifa ia. Mana neke cheke eghu ka iara, ‘Jame thofno leghu ghau iara fabrahu iheire te karha mei ka vikemu iagho igre ka nakarhadi nei gaoghathodi teure meuna, leuleghu fata na kaisei ka mare ginauna mala king gna Israel.’

Jenesis 17:1

Kate nheva salei nheva finogha gnahi mae Ebram na, Lord ne thakle ka mana ne cheke eghu, “Iara God te nolaghi fara. Iagho mala leghu ghau iara fabrahu, nei eni unha te doglo ka tathagu iara na eghu.

Jenesis 8:1

God ne theome ghatho ihoni mae Noa nei glepo tautagu te au teu balugna mana ka vaka na. Aonu God ne kuru meini kaisei nuri ne mei ka nauthoglu gne. Eghuteuna khoꞌu na neke funu thugha soru pari.

Jenesis 5:24

Kaisei narane God ne hata fadeleini mae Enok mala au balugna eghu teuna naiknore ne theome filoni mana. Naugna mae Enok igne neke thofno kheragna tutuani God.

Jenesis 5:22

Ke leghugna te karha mae Metusela na, mae Enok ne kheragna tutuani God, neke au balugna God thilo gobi finogha. Mana jaola neke au keha thugna nalhaꞌu nei keha thugna gaꞌase neku.

Hibru 5:7

Kate au nga tekeu mae Jisas ka nauthoglu gne mana neke tarai balu tanhi fabiꞌo ka God Kmagna mae ihei tangomana te mala toghoni mana te mala theome lehe na. God neke nomhini nogna tharai mana na, naugna mae Jisas neke loku leghuni nagnafagna God na nei ghatho tahuni eghu mana.

Ululahu Kings 9:4

“Iagho mala leghuni kolho puhigu iara te doglo gne, jateula kmamu King Devet tifa ia eghu. Iagho mala leghudi nogu vetula iara gre, eghuteuna edi gobigna lepo teke chekedi iara ka iagho ra.

Fapea Kings 20:2

Aonu king ne figri lao fei gringni ne tarai,

Fapea Kings 20:4

Kate theome jifla nga teu profet ka nogna suga king na, nogna cheke Lord na ne mei ka mana.

Nodi Khoje Hatimare Mae Jiu 26:1

Lord, kilo ghau iara kaisei mae te doglo ka tathamu na sagho, naugna iara ne eni koba puhi te magnahaghedi iagho re nei iara fatutuani nigho koba neu.

Nodi Khoje Hatimare Mae Jiu 26:3

Naugna iara theome ghatho ihoni nou namha biꞌo iagho te saghe leghu ghau fabrahu teu iara na. Iara laseni nigho te au ke ulugu iara te mala falalase nabrou na ka iara.

Ululahu Kings 8:23

ne tarai, “Lord, iagho nomi God ghehati naiknomi Israel, theo kaisei god te au kligna ba te au ka nauthoglu te jateula iagho teuna. Iagho leghuni fabrahu nou nhaꞌa cheke teke eni iagho ka ghehati. Eghume ghehati thofno gleꞌa fara te leghuni puhimu iagho na.

Thoutonu Eigna Mae Job 4:6

Naugna unha sagho te theome ronuni puhi teke ghatho tahuni iagho God ia? Eghuteuna ne faꞌunha sagho teke theome leghuni puhimu iagho te doglo ia?”

Thoutonu Eigna Mae Job 16:20

Mana togho ghau iara eghuteuna mana mae kheragu iara ka narane te oro soru kholodi phei tathagu iara gre, naugna iara tanhi fara ka God.

Nodi Khoje Hatimare Mae Jiu 6:7

Nogu naoka gre e fatanhi ghau iara fabrahu, la ghilei huge tathagure. Gognarona iara theome tangomana te fifilo na.

Nodi Khoje Hatimare Mae Jiu 39:13

Ame lehe nga iara me dofi ghau ka nauthoglu igne teuna lisa lao ghau mala ke keligu iara nagnafagu na. Iara tore nigho mala thosei para ghau iara.”

Nodi Khoje Hatimare Mae Jiu 119:26

Farirhiu ghau nou vetula iagho ra, naugna iara neke toutonudihi gobigna lepo teke edi iagho ra, eghuteuna iagho cheke tughu ghau iara.

Profet Emos 5:4

Igne unha te chekeni Lord ranghini Israel, “Ghotilo mei ka iara, eghuteuna ghotilo ginauna na hatini u karha na.