Fapea Kings 20:17 - Buka Blahi Ka Cheke Holo

¹⁷ Hesekaea, ginauna na thoke mei kaisei narane te mala mei armi gna Babilonia te hata fahui gobigna lepo teke tathaji teku kuꞌemu iagho tifa ke lamnagna nou suga na te ghilei thoke mei ka narane gognarogne. Naiknodi Babilonia ginauna mei hata tei gobigna lepo tuare ka nodi namono re. Eghuteuna ginauna na theo kaisei glepo nate au na.

Fapea Kings 20:17 ပူးပေါင်းရင်းမြစ်များ

Fapea Kings 24:13

King Nebukadnesa ne jateula teke kulu chekeni Lord tifa ra neu ne hata ne tei gobigna lepo te keli teke au ka nogna Sugablahi Lord, nei sugagna king teure. Mana ne hata koko gol teke lilisei King Solomon ka Sugablahi na.

Fapea Kronikols 36:10

Kate gnafadi narane te reka nei nakhete teu igre, King Nebukadnesa chekedi nogna soldia re mala hata soruni Jehoakin Babilonia. Eghuteuna mare jaola hata tei glepo blahi gna nogna Sugablahi Lord. Aonu mana hata Sedekaea nebugna King Jehoakin mala king gna Juda Jerusalem.

Fapea Kronikols 36:18

Eghuteuna King Nebukadnesa ne hata fajifla gobigna lepo teke au teku ka nogna Sugablahi God na baludi gobigna lepo teke au ka chogho te mala lilisei glepo ka Sugablahi na. Eghuteuna mana jaola hata nogna famane glepo King Sedekaea, nei nodi nogna mae biꞌo mana re. Mana hata ne tei gobigna lepo igre Babilonia.

Levitikas 26:19

Kate fahaehaghe nei thofno patu gama fara teu ghotilo na, iara ginauna faparidi kolho nomi gaoghatho ghotilo re. Uve, theo kaisei nakhete nate soru mei ka nomi vido ghotilo re, eghuteuna nomi glose ghotilo re ginauna khapra fara, eghuteuna maku jateula aean eghu.

Fapea Kings 20:16

Aonu mae Isaia ne cheke eghu ka mae Hesekaea, “Iagho fanomho mei ka nogna cheke Lord mae ihei te au nolaghi fateote'o igne.

Profet Jeremaea 20:5

Eghuteuna iara ginauna snakre lao ka mae naokare gobigna lepo te keli fateote'o ka namono biꞌo igne, neubane famane glepo teke edi ghotilo themi ba nogna dedei mae king gna Juda. Mare ginauna atha fahui gobigna lepo igre pala tei Babilonia.