Fapea Kings 20:14 - Buka Blahi Ka Cheke Holo

¹⁴ Profet Isaia mei ka King Hesekaea ne ghusna eghu ka mana, “King, mae igre neke mei funudi aheva, eghuteuna unha te chekeni mare ka iagho na?” King ne cheke eghu, “Mare mei funudi ka kantri te khaba fara, funudi Babilonia.”

Fapea Kings 20:14 ပူးပေါင်းရင်းမြစ်များ

Profet Isaia 13:5

Mae soldia igre mei funudi ka kaisei kantri te au khaba fara. Eghuteuna naugna te thono diꞌatagna fara na, mana ginauna snakredi mae naokare mala mei roꞌeni nomi kantri ghotilo igne.

Proveb 25:12

Nogna cheke te rheta mae te autagna gaoghatho te keli te cheke ka mae te lase fanomho na, famane fara jateula famane ring gol nei chen eghu.

Nodi Khoje Hatimare Mae Jiu 141:5

Keli kolho ka iara jame te mei cheke ghau nei farirhiu ghau teu kaisei mae te keli puhigna na, te mala doglo iara nakarhagu na. Nu iara thono tirogu fara te leghuni kaisei mae te diꞌa puhigna na te mala nogna naikno mana na, naugna leuleghu fata na iara toreni Lord koba mala paradi mana naikno te diꞌa puhidire tuare.

Josua 9:9

Mare ne cheke eghu ka mana, “Ghehati mei funu ka kaisei kantri te khaba fara. Ghehati nomho kmana thoutonu eigna Lord nomi God ghotilo te edi ka naiknodi Ijep.

Josua 9:6

Mare ne tei ka mae Josua baludi naiknodi Israel te au teu Gilgal igre ne cheke eghu ka mare, “Ghehati mei funu ka kantri te khaba fara. Eghuteuna ghehati magnahaghei ghami ghotilo te eni kaisei nhaꞌa cheke balumi ghehati mala kaisei loku fodu tahati.”

Diutronomi 28:49

“Lord ginauna hata mei kaisei armi gna kaisei kantri te khaba fara mala mei magra ka ghotilo. Nodi namono na au ka keha philegna nauthoglu igne, eghuteuna ghotilo theome laseni nodi cheke mare na. Mare ginauna mei ka ghotilo jateula kaisei gaghata te flalo te sukha ra eghu.

Fapea Kings 20:13

King Hesekaea ne keli tagna fara kate filodi naikno igre, eghuteuna mana ne fakakhana ka mare nogna dedei, nogna silva, gol, khuromu, oel nei nogna glepo mala magra teure. Mare ne filodi gobigna lepo te au ka suga gna mana re, nei jaola filodi gobigna lepo te au ke lamnagna nogna kantri mana na.

Fapea Kings 20:15

Mae profet Isaia ne cheke eghu, “Unha te filoni mare ke lamnagna nou suga iagho na?” Mae Hesekaea ne cheke eghu, “Mare filodihi gobigna lepo fateote'o te au ke lamnagna nogu suga iara na, theo kaisei glepo te poruni iara ka mare na.”

Naba 22:9

Ka bongi tuana, Lord ne mei ka mana ne ghusna eghu ka mana, “Maedi heva site au balumu iagho igrea?”