Fapea Kings 20:13 - Buka Blahi Ka Cheke Holo

¹³ King Hesekaea ne keli tagna fara kate filodi naikno igre, eghuteuna mana ne fakakhana ka mare nogna dedei, nogna silva, gol, khuromu, oel nei nogna glepo mala magra teure. Mare ne filodi gobigna lepo te au ka suga gna mana re, nei jaola filodi gobigna lepo te au ke lamnagna nogna kantri mana na.

Fapea Kings 20:13 ပူးပေါင်းရင်းမြစ်များ

Profet Isaia 39:2

King Hesekaea ne keli tagna fara te filodi naikno igre, aonu mana ne fakakhana ka mare nogna thua nafnotu fateote'o te keli fara te au ka manare. King Hesekaea atha ne tei naikno igre ka vido aheva te au nogna gobigna lepo te kelire mala filodi mare nogna silva, gol, khuromu, oel nei nogna thua nafnata glepo mala magra. Mare ne filodi gobigna lepo te au ka sugagna nei jaola filodi gobigna lepo te au ke lamnagna nogna kantri na igre.

Eklesiasti 7:20

Tutuani, theo kaisei naikno te doglo fara te au ka nauthoglu igne. Uve, theo kaisei naikno te doglo fara te theome tapla jafra ka nakhibo na.

Proveb 23:5

Dedei tuare ginauna kmeri tatha kolho tei dofidi jateula nanghaji te flalo te tei nogna ia eghu.

Ululahu Kings 10:25

Leuleghu finogha na naiknore hata mei namha ka King Solomon. Mare hata mei glepo te horo ka gol nei silva, famane pohe, glepo mala magra, sitha mala insens, hose nei dongki.

Ululahu Kings 10:15

Eghuteuna mana jaola hata sileni ka takis te foli hatimare mae bisnis ka mana, hatimare mae king di Arebia, nei hatimare mae gavana ka provins te gnafa Israel folini mana koba.

Ululahu Kings 10:10

Aonu Kuin gna Seba hata ne mei fati thogha kilo gol, balu glepo te famane sisiri kelidi te mala gahu insens, nei famane thina eghu ne namha ka King. Ke leghugna igne, theo kaisei naikno te hata mei kmana glepo mala gahu insens salaꞌuni unha teke hata teke mei Kuin gna Seba ka King Solomon.

Ululahu Kings 10:2

Naꞌa ne posa mei Jerusalem balugna kmana naikno nei kamel te fodu ka glepo te famane sisiri kelidi, famane thina, nei kmana gol. Kate mei te filoni mae Solomon na, naꞌa ne ghusna ka mana.

Fapea Kings 20:14

Profet Isaia mei ka King Hesekaea ne ghusna eghu ka mana, “King, mae igre neke mei funudi aheva, eghuteuna unha te chekeni mare ka iagho na?” King ne cheke eghu, “Mare mei funudi ka kantri te khaba fara, funudi Babilonia.”

Fapea Kings 20:15

Mae profet Isaia ne cheke eghu, “Unha te filoni mare ke lamnagna nou suga iagho na?” Mae Hesekaea ne cheke eghu, “Mare filodihi gobigna lepo fateote'o te au ke lamnagna nogu suga iara na, theo kaisei glepo te poruni iara ka mare na.”

Nodi Khoje Hatimare Mae Jiu 62:11

Kmana fata iara nomhi ni God na cheke eghu, “Iara God, iara au nogu nolaghi biꞌo. Eghuteuna iara namhadi fara nogu naiknore.” Lord, iagho ngala te tangomana te taba ghami ghehati te gnafa na, eidi gloku teke edi ghehati na.

Profet Jeremaea 9:22

Lord ne cheke eghu ka iara, “Thinidi naikno te lehehire ginauna naga tafri jateula chara, ba jateula kharaꞌo wit te theo ihei nga te tei pala ka nagare ra eghu.”