Fapea Kings 2:9 - Buka Blahi Ka Cheke Holo

⁹ Ke leghu kate kasahi phiamare na, mae Elija ne cheke eghu ka mae Elisa, “Lord na la namo mei hati ghauhi iara, eghuteuna iara ginauna na tei koko nigho iagho gognaro na. Jame te au iagho kaisei glepo te magnahaghei ghau iara te kulu eni ranghi nigho na, te keli na iagho cheke ranghi ghau iara.” Eghuteuna mae profet Elisa ne cheke eghu, “Iara magnahaghei nigho iagho te tusu mei ka iara u nolaghi teke tusu ari God ka iagho teke edi iagho nogna gloku mae profet igre. Eghuteuna eni sagho ka iara u nafnata puhi te eni mae mama ka thugna ulu lahu na te tusu lao kmana glepo ka mana ra, mala tangomana iara te hata sapemu iagho na te mala eni nogna gloku mae profet na.”

Fapea Kings 2:9 ပူးပေါင်းရင်းမြစ်များ

Naba 11:17

Iara ginauna soru mala cheke balumu iagho jare. Eghuteuna iara ginauna atha keha nolaghi gna nogu Tharunga te Blahi ka iagho ra, mala ke tufa lao ka mare. Mala tangomana mare te togho nigho mala reireghidi naiknore, mala nu theome nanga nou iagho eghu.

Diutronomi 21:17

Kate tufa mana nogna gobigna lepo re, mana falalase ihei teke kulu karha na, thugna gaꞌase teke theome namhani fara mana na. Neuba glepo te tusu lao mana ka fapea nalhaꞌu na igre, mana mala tusu lao phia fata ka glepo igre ka thugna ulu lahu na naugna ulu lahu nei nogna nolaghi eghu mana.”

Jone 16:7

Nu tutuani fara te chekeni iara ka ghotilo na. Te mala kelimi ghotilo na iara ginauna tei koko ghami ghotilo, naugna jame te theome tei iara na, mae mala totogho, mae Tharunga te Blahi na theome mei ka ghotilo. Nu jame te tei iara na, iara ginauna kuru meini mana ka ghotilo.

Mae Khuru 8:17

Aonu mae Pita ghe mae Jone ne taofidi mare mala hatini mare u Tharunga te Blahi na.

Profet Sekaraea 12:8

Ka narane tuana, iara ginauna jateula kaisei greoreo eghu mala reireghi fakelidi naikno te au Jerusalem. Neubane glaꞌe fara keha ka mare, nu iara ginauna kafe tusu lao nanheta ka mare mala nheta mare jateula King Devet tifa ia eghu. Eghuteuna mare ka tharakna gna King Devet, ginauna jateula God eghu ka mare, nei jateula nogu engel iara Lord mae ihei te batudi fabrahu mare.

Naba 11:25

Aonu Lord ne soru mei ka kaisei gromno ne cheke balugna Moses. Lord ne atha keha nolaghi gna nogna Tharunga te Blahi teke tufa ka mae Moses re, ne tufa lao ka fitusalei mae lida re. Kate mei Tharunga te Blahi na te au ka mare na, mare ne cheke jateula mae profet neu, nu kaisei fata kolho eghu.

Ululahu Timoti 5:17

Mae biꞌo te baubatu fakeli ka khiloau nei tulao iheire te loku heta kate toutonuni nei farirhiuni teu chekegna God na naba te hata taba na.

Ululahu Korin 12:31

Nu ghotilo heta mala hata khokofakasai te thofno keli fara teke tusu mei mae Tharunga te Blahi. Gognaro na, iara na cheke ka ghotilo eidi unha te thofno ulu fara re.

Mae Khuru 1:8

Nu ka narane nate soru mei mae Tharunga te Blahi na ke klignami ghotilo na, ghotilo ginauna na fodu kau nolaghi te mala toutonu eigu iara. Ghotilo ginauna mala toutonu eigu iara agne Jerusalem, nei Judia tongana, nei Samaria tongana, ghilei tei thoke ka namono te gnafa ka nauthoglu igne.”

Profet Sekaraea 9:12

Ghotilo jateula te au ka suga sosolo eghu. Nu ghotilo iheire te au nomi fatutuani ka Lord te mala fakarhi ghami na, ghotilo gognarona tangomana teke pulo mei ka nomi vido mala poru na! Eghuteuna naugna ghotilo te papara fara na, ka narane igne nhaꞌa cheke, iara ginauna fablahi ghami nei phei fata nhaꞌa ari glepo te keli ke klignadi puhi biꞌo teke thoke ghami ghotilo tifa ra.

Nodi Khoje Hatimare Mae Jiu 72:20

Igne huigna nogna tharai mae king Devet, thugna mae Jesi.

Ululahu Kings 3:9

Eghume tusu ranghi ghau gaoghatho te keli nei glalase eghu mala tangomana iara te funei frunidi nou naikno iagho igre ka puhi te doglo. Eghuteuna mala filo glanidi iara unha te doglo, nei unha te jafra. Jame te theo na, iara na theome laseni te mala funei frunidi naikno igre.”

Diutronomi 34:9

Eghuteuna mae Josua thugna mae Nun neke tughuni mae Moses, eghuteuna Lord ne toghoni mae Josua ne lalase fara, naugna mae Moses neke taofinihi mana. Aonu naiknodi Israel igre ne leghuni mana ne edi jateula teke chekedi Lord ka mae Moses ra neu.

Nodi Khoje Hatimare Mae Jiu 72:1

God, ghehati tore nigho iagho mala tusu lao glalase ka nomi king gne mala fatedi mana naiknore ka puhi te doglo jateula iagho themu eghu. Tusu lao glalase ka mana mala tangomana mana te fadogli thua nafnata puhi te edi naikno gre.

Ululahu Kings 19:16

Eghuteuna iagho tofa oel ka phaꞌugna mae Jehu, thugna mae Nimsi mala king gna Israel. Eghuteuna iagho tofa oel ka phaꞌugna mae Elisa, thugna mae Safat maegna Abel-Mehola, fablahini mana mala profet ke tughu nigho iagho.