Fapea Kings 2:6 - Buka Blahi Ka Cheke Holo

⁶ Phia mare au neu Jeriko, eghuteuna mae Elija ne cheke eghu ka mae Elisa, “Iagho ofou agne, naugna Lord na neke cheke ka iara mala tei ka khoꞌu Jordan.” Nu mana ne cheke eghu, “Ka nanghagna Lord mae ihei te karha te tifa, iara thofno cheke kate tutuani fara, iara ginauna tei balumu iagho, eghuteuna iara ginauna theome tei koko nigho iagho.” Aonu phiamare ne kafe tei ka khoꞌu Jordan.

Fapea Kings 2:6 ပူးပေါင်းရင်းမြစ်များ

Fapea Kings 2:2

Aonu profet Elija ne cheke eghu ka profet Elisa, “Iagho ofou agne, eigna Lord na neke cheke ka iara mala tei Betel.” Nu profet Elisa ne cheke eghu, “Ka nanghagna Lord te karha te tifa, iara thofno cheke kate tutuani fara, iara ginauna tei balumu iagho, eghuteuna iara ginauna theome tei koko nigho iagho.” Aonu phiamare ne kafe tei Betel.

Josua 3:8

Kate thoke ka khoꞌu biꞌo na, iagho chekedi mae pris ra mala soru kegra ke lamna khoꞌu.”

Ululahu Samuel 20:3

Nu mae Devet ne cheke eghu, “Mae kmamu iagho na lase nigho iagho te namha ghau fara iara na. Mana jame theome falalase ka iagho unha te magnahaghei eni mana na. Naugna mana theome magnahaghei te diꞌa nagnafamu iagho na. Ka nanghagna Lord te karha, iara cheke kate tutuani, iara namo lehehi.”

Jenesis 22:6

Mae Ebraham ne hata gaju te mala fafara gre ne fapala lao ka mae thugna na. Eghuteuna mae Ebraham ne hata naflahi na balu khaꞌaghi. Aonu phia mare ne kaisei thei ne tei.

Jenesis 22:8

Mae Ebraham ne cheke eghu, “Thuguo, God ginauna na tusu ranghi ghita u lam te mala fafara na.” Aonu phia mare ne kaisei thei ne tei.

Thoutonu Eigna Rut 1:16

Nu Rut ne cheke eghu ka Naomi, “Ido, iara theome magnahaghei te tei koko nigho iagho na, iara gne magnahaghei te tei ngala balumu iagho. Thosei ke kuru fafigri ghau iara. Aheva te tei iagho na, iara na jaola tei jare. Kheramu iagho re mala jaola kheragu iara, eghuteuna nodi God mae Israel te pogho soruni iagho na jaola pogho soruni iara.

Ululahu Samuel 1:26

Hana ne cheke eghu ka mana, “Mae biꞌo, iagho filo glani ghau ngau iara ba theo? Iara ngala gaꞌase teke filoni iagho teke kegra teke tarai ka Lord Saelo ia.

Fapea Kings 4:30

Nu naikno biꞌo na ne cheke eghu ka mae Elisa, “Ka nanghagna Lord mae ihei te karha te tifa, jame te theome mei iagho balugu iara na, iara ginauna theome tangomana teke pulo na.” Aonu mae Elisa ne tei balugna naꞌa.