Fapea Kings 2:5 - Buka Blahi Ka Cheke Holo

⁵ Kaisei tothoghei profet na jaola au jare Jeriko. Mare mei ne filoni mae profet Elisa, eghuteuna mare ne cheke eghu ka mana, “Gognaro na Lord ginauna hata tei nou mae funei iagho igne. Iagho laseni igne ba theo?” Eghuteuna mae Elisa ne cheke eghu, “Iara lasenihi, nu ghotilo theome tangomana te cheke eigna igne na.”

Fapea Kings 2:5 ပူးပေါင်းရင်းမြစ်များ

Fapea Kings 2:3

Kaisei tothoghei profet na au jare Betel. Mare mei ne filoni profet Elisa, ne cheke eghu ka mana, “Gognaro na Lord ginauna hata tei nou mae funei iagho gne. Iagho laseni ngau tuana ba theo?” Mana ne cheke eghu, “Uve, iara lasenihi, nu ghotilo theome tangomana te cheke eigna igne na.”

Mae Khuru 1:11

Phiamare ne cheke eghu ka mare, “Ghotilo maemi Galili, naugna unha site kegra filo haghe teu ghotilo kau maloa na gnea? Mae Jisas teke hata haghe God kligna ia mana ginauna nake pulo mei nathuꞌu nauriha, jateula te filoni ghotilo teke pulo haghe mana kligna tuana eghu.”

Mae Khuru 1:2

te ghilei posa kau narane God teke hata hagheni mana kligna. Ame haghe nga kligna teku na, mae Jisas neke kulu cheke ka nogna nolaghi mae Tharunga te Blahi unha te magnahaghei te mala eni nogna mae khuru teke vavahidi mana re.

Luku 24:51

Kate fablahidi mare na, mana jifla kokodi mare, eghuteuna God ne hatani mana ne haghe kligna.

Profet Habaku 2:20

Nu Lord na theome jateula mumuju eghu. Theo. Mana au ka nogna Sugablahi kligna, eghuteuna naikno te gnafa ka nauthoglu igne mala au kmu nei fanomho eghu ka mana.

Profet Isaia 41:1

Lord ne cheke faheta eghu, “Ghotilo naikno te au ka kantri igne te ghilei tei posa ka moumolu te khaba ra! Ghotilo au kmu, mala fanomho mei ka iara! Ghotilo tarabana mala kegra haghe ka fate, mala chekedi nomi cheke re. Te keli na tahati gnokro fodu, mala laseni tahati ihei te doglo na.

Eklesiasti 3:7

Narane mala reku pohe nei narane mala susuki pohe. Narane mala au kmu nei narane mala cheke.

Jenesis 48:19

Nu mae kmagna na tirogna ne cheke eghu, “Iara laseniu, thuguo, iara laseniu. Mae Manase gne ginauna na jaola kaisei vike biꞌo la ngau. Nu vikegna mae tahigna mana igne ginauna na kaisei vike biꞌo fara uluni vikegna mae Manase gne eghu. Eghuteuna goro sua nate karha mei ke leghu re ginauna kmana fara.”

Mae Khuru 26:25

Mae Pol ne cheke eghu ka mana, “Ghema Gavana Festas, iara theome meomekro. Nogu cheke iara igre tutuani fara. U cheke igre theome nogna cheke kaisei mae te meomekro.

Ululahu Samuel 10:5

“Eghuteuna ke leghugna igne, iagho ginauna tei posa Gibea rhegna vido blahi aheva te au teu tagna mae soldia di Filistia. Kate tei namo ka namono tuana, iagho ginauna thafoni kaisei tothoghei profet te mei funudi ka vido blahi holo ka thogele ro. Keha mae lalahu ka thua nafnata gita, nei lalahu ka belo ikodi, nei ifu ka phoposa, mae igre ginauna tei ke uludi hatimare mae profet. Eghuteuna Tharunga gna God na ginauna mei mala batudi mae profet igre, eghuteuna mare ginauna ragi nei koje eghu mala kilo fnaknoni God.

Profet Emos 7:14

Nu iara ne cheke eghu ka mana, “Nogu gloku iara na theome jateula nodi gloku mae profet ra eghu. Theo. Iara mae mala reireghi buluka nei nogu sipu gre eghu, eghuteuna iara reireghidi kolho nogu nagare gaju fig teu igre.

Ululahu Kings 20:35

Ka narane igne, cheke gna Lord na ne mei ka kaisei mae profet te au ka kaisei tothoghei profet. Lord neke cheke ka mae profet igne mala chekeni kaisei mae mala cheke eghu mana, “Puri ghau iara sagho!” Nu mae ihei teke cheke lao mana tagna igne ne tirogna.

Fapea Kings 4:1

Kaisei narane, khetogna kaisei mae ka tothoghei mae profet tifa igre mei ne tanhi eghu ka mae Elisa, “Khetogu iara na la lehehi. Iagho laseni, mana neke jateula kaisei nou mae gloku iagho neku, eghuteuna mana neke ghatho tahuni Lord. Tifa na mana neke kaoni ka kaisei mae, eghuteuna gognarona mae igne magnahaghei te mei hata phei thugu nalhaꞌu iara gre mala nogna sneka.”

Fapea Kings 5:22

Mae Gehasi ne cheke eghu, “Uve, gobigna lepore keliau kolho, nu nogu mae funei iara na kuru mei ghau iara mala cheke eghu ka iagho, ‘Gognaro ao ngala phei mae profet majaghani ne mei ka sugagu iara na. Phiamare mei funudi ka thogele ka nohi Efrem. Iagho famei tolufulu fati kilo silva, eghuteuna phei famane pohe eghu maladi phiamare.’ ”

Fapea Kings 6:1

Aonu kaisei narane keha mae ka tothoghei profet igre ne cheke eghu ka mae Elisa, “Nomi suga ghehati igne, thono ikoi fara! Theome nabami ghehati.

Fapea Kings 9:1

Kaisei narane, profet Elisa ne kilo meini kaisei mae profet majaghani, ne cheke eghu ka mana, “Iagho tarabana mala tei Ramot-Gilead. Eghuteuna iagho hata botol oliv oel igne.