Fapea Kings 2:24 - Buka Blahi Ka Cheke Holo

²⁴ Nu mae Elisa figri ne filo tutu ka mare, eghuteuna mana ne eha ka nanghagna Lord mala thokedi hoholo mae igre. Theome raugha, phei bea gaꞌasedi megei nga ne suplu mei ka namhata na ne falehedi phiatutu phei mae ka mae sitei igre.

Fapea Kings 2:24 ပူးပေါင်းရင်းမြစ်များ

Mae Khuru 5:9

Mae Pita ne cheke eghu ka naꞌa, “Faꞌunha ne ghatho deni si ghopa puhi te mala fariuriu chaghini mae Tharunga te Blahi gnea? Filo sagho! Mae majaghani teke tei giugiluni khetomu iagho ia tela mei kegra teu ka grengatha na are. Mare ginauna nake pala fajifla nigho la iagho!”

Mae Khuru 5:5

Kate nomhini igne, mae Ananias khoko soru ke ulugna mae Pita ne lehe. Aonu naikno te gnafa te nomhini igne ne mhaghu nodi fara.

Profet Emos 7:17

“Nu igne unha te chekeni Lord na: “ ‘Khetomu iagho na ginauna na kaisei gaꞌase vine ke lamnagna namono igne, eghuteuna thumi ghopa igre ginauna lehe ka magra. Keha naiknore ginauna tufa nou glose iaghore ka thedi, eghuteuna iagho themu ginauna lehe ka nodi kantri naikno bongihehe. Eghuteuna mae naoka ginauna mei huhuru ghami ghotilo naiknomi Israel mala jifla kokodi ghotilo nomi namono re.’ ”

Profet Hosia 13:8

Iara ginauna na jateula bea te diꞌatagna te kathu sasaka glepo te tautagu te mei te blau thugna ra eghu ka ghotilo. Eghuteuna iara ginauna na kafe falehe ghami ghotilo hui jateula lion te faleheni buluka biꞌo na te ghamu fahui ia eghu.

Mae Khuru 8:20

Nu mae Pita ne cheke eghu ka mana, “Ghema, nou sileni iagho gre mala boto balumu Gehena, naugna iagho theome tangomana te foli ka sileni na u nogna nolaghi God na!

Nonomho Te Keli Teke Risoi Mae Mak 11:21

Mae Pita neke ghathoni teke cheke mae Jisas na ne cheke eghu ka mana, “Velepuhi, filo sagho ka gaju fig teke tibrini iagho ia la lehe hila sia!”

Nonomho Te Keli Teke Risoi Mae Mak 11:14

Mae Jisas ne cheke eghu ka gaju fig na, “Funu ka narane gognaro ao ghu te haghe na, theo kaisei naikno na teke ghamuni sisimu iagho na!” Mae fanomhore ne nomhini cheke mana igne.

Lamentations 3:65

Bobotho sagho nagnafadire mala thoke mei puhi biꞌo ka mare!

Profet Jeremaea 28:16

Naugna igne, Lord ne cheke eghu: Theome raugha, iara ginauna atha fadelei nigho iagho ka nauthoglu igne. Ka finogha igne iagho ginauna lehe, naugna cheke te edi iagho igre batudi naiknore mala theome leghuni nogu cheke iara na.”

Ululahu Kings 20:36

Aonu mae profet igne ne cheke eghu ka mana, “Naugna iagho ne theome leghuni chekegna Lord na, kaisei lion ginauna mei falehe nigho.” Kate jifla mana na kaisei lion mei faleheni mana.

Ululahu Kings 19:17

Kate king mae Hasael igne, mana ginauna na aknu falehe kmana naikno. Jame keha te rikhani mana na, mae Jehu ginauna aknu falehedi mare. Eghuteuna jame keha te rikhani mae Jehu na, mae Elisa ginauna aknu falehedi mare.

Ululahu Kings 13:24

Kate tei mana na, kaisei lion mei ne thafoni mana ka nabrou na ne faleheni mana, eghuteuna thinigna mana na ne khoko soru ka nabrou na. Eghuteuna lion balugna dongki na kegra neu rhegna thinigna mana na.

Fapea Samuel 17:8

Iagho lasenihi mae kmamu iagho ia, baludi nogna mae soldia mana ra thono lase magra fara. Eghuteuna gognarona mare thofno diꞌatadi fara jateula bea te diꞌatagna fara kate blau naiknore thugna ra eghu. Eghume ginauna bongi na mana na theome au baludi nogna soldiare.

Jajis 9:57

Eghuteuna naiknodi Sekem igre papara eidi glepo te diꞌa teke edi mare re, naugna igne, God ei puhi biꞌo mala thokedi mare. Eghume nogna thibri Jotam thugna Jerub-Baal igne ne thoke mei tutuani.

Eksodas 20:5

Thosei tuturupuku soru tarai ka mumuju god nei keha tothoghaledi keha god delei. Naugna kaisei Iara ngala nou Lord nei God teu ghotilo te mala loku ranghini na. Iara ginau na theome keli tagu ka naikno te tuturupuku soru te tarai ka mumuju ba tothoghale igre. Jame te theome magnahaghei ghau iara ghotilo na, iara ginau na para ghami ghotilo eigna u nakhibo te eni ghotilo tuana. Theome ka ghotilo kolho eghu, nu iara ginau na jaola na paradi goro thumi, grami nei fapea grami teu ghotilo are.

Jenesis 9:25

mae Noa ne cheke eghu, “Iara ginauna toreni God mala tibrini mae Kenan, thugna mae Ham! Mana ginauna mala nodi mae sneka kolho ka mae kheragna re.”

Fapea Korin 10:6

Kate laseni ghehati te thofno leghuni ghotilo Kraes na, ghehati ginauna kaikaliti mala fateni ihei te tirogna leghuni mana.

Proveb 28:15

Mae lida gna kantri te eni puhi te diꞌa na, eghuteuna tapla faparidi naikno te kumare teuna, mana jateula lion te rofo fara, ba jateula bosu mata te chari te mei ra eghu kolho.

Proveb 17:12

Iagho mhaghuni idogna sua khuma te blau mare thugna na. Nu te keli na iagho mala mhaghuni tulao puhigna mae te fameomekro na.

Jajis 9:20

Nu jame te theo ghotilo na, Abimelek ginauna jateula khaꞌaghi eghu nhako ghotilo mae iheire teke vahini mana te mala funei na, eghuteuna puhimi ghotilo naiknomi Sekem nei Bet-Milo teu igre ginauna na jateula khaꞌaghi eghu na jaola nhako Abimelek.”

Fapea Kings 2:25

Eghuteuna mae Elisa jifla jare ne tei ka Thogele Kamel, eghuteuna ke leghudi igre, mana neke pulo Samaria.

Levitikas 26:22

Iara ginauna kuru tei glepo tautagu mala kathu falehe thumi ghotilo re, baludi nomi glepo tautagu ghotilo re. Eghume ginauna na phei ba thiloi kolho nate karha na ghilei theo kaisei nate au te mala nolo ka nomi nabrou ghotilo are.

Proveb 19:29

Ihei te cheke diꞌa nei fahaehaghe teuna, mana ginauna au papara. Mae te fameomekro na ginauna soru khodo ka thagru na.