Fapea Kings 2:23 - Buka Blahi Ka Cheke Holo

²³ Mae Elisa jifla jare Jeriko ne haghe Betel. Kate haghe mana ka nabrou na mana ne thafoni kaisei tothoghei biꞌo mae sitei nalhaꞌu te mei funudi ka namono tuana. Mare maꞌeni mana ne cheke eghu, “Ei, iagho mae phaꞌu klaja, tei delei! Iagho phaꞌu klaja, fasnagla ka vido igne!”

Fapea Kings 2:23 ပူးပေါင်းရင်းမြစ်များ

Fapea Kronikols 36:16

Nu mare maꞌedi mae profet igre, eghuteuna mare theome magnahaghedi nodi cheke mare re. Mare cheke faparidi mae profet igre, eghuteuna Lord ne ghilei diꞌatagna fara ka mare mala theo kaisei nabrou te mala fakarhidi mare na.

Thoutonu Eigna Mae Job 30:1

“Gognaro na iara kuekuꞌe, eghuteuna mae majaghani igre mare maꞌe ghau iara. Kmadi re theo nafudi fara. Mae kuekuꞌe igre theome nabadi te toghodi nogu khuma iara re mala reireghidi sipu re!

Thoutonu Eigna Mae Job 19:18

Goro sua re jaola maꞌe ghau iara. Kate mei iara rhedi mare na, mare cheke goigoni ghau iara.

Nodi Khoje Hatimare Mae Jiu 31:18

Fofotho foflodi mae te patugama igre sagho, eigna mare lase cheke fahahage nei cheke fadiꞌadi mae te doglore igre neu. Nu mare mae lase cheke chaichaghi kolho eghu.

Hibru 11:36

Keha naikno te fatutuani ni God re, mae naoka gre maedi nei puridi. Eghuteuna kehare, mare haru ka chen khamedi nei ghahedi teure mala koko lao kau suga sosolo.

Galesia 4:29

Ka narane tuana, sua teke karha mei jateula sua te gnafa teu igne, mana neke parani mae Isak mae ihei teke karha mei leghuni Tharunga te Blahi na. Eghuteuna jaola nanaba gognaro.

Profet Emos 7:13

Iagho thosei chekeni nou cheke na agne Betel, naugna namono igne nogna namono blahi king mala tarai!”

Profet Emos 5:5

Ghotilo thosei tei tarai ka namono biꞌo Bereseba, ba fariuriu tei hiro ghau iara ka namono biꞌo Betel, naugna namono igre ginauna groꞌe ka mae naoka. Ghotilo thosei tei tarai ka namono biꞌo Gilgal, naugna naiknodi Gilgal are ginauna tei sosolo ka namono delei.”

Profet Emos 4:4

Lord ne cheke eghu, “Ghotilo naiknomi Israel ra, ghotilo tei tarai koba ka namono Betel, nu ghotilo eni koba puhi te diꞌa na ka vido te blahi na. Ghotilo tei tarai koba ka namono blahi Gilgal, nu neuba ghotilo ne edi igre, nu ghotilo raꞌe salaꞌui ka puhi te diꞌa na. Leuleghu hamerane na, ghotilo hata mei gano mala fafara ka iara, eghuteuna ghotilo tusu mei ka iara fabothodi nomi gobigna lepore ka fatilo narane na.

Profet Emos 3:14

Ka narane igne, iara ginauna paradi mae Israel eidi nakhibo teke edi mare ra. Iara ginauna jaola roꞌe fahui olta te au ka namono Betel. Eghuteuna iara ginauna lolhopa koko soru pari fati glepo te au ka fati khukrudi olta are. Uve, iara ginauna goigonidi gnafa vido mala poru ghotilo are.

Profet Hosia 10:15

Ghotilo naikno te au ka namono Betel: Ghotilo edi kmana puhi te diꞌa, eghuteuna kaisei glepo te thofno diꞌa fara na ginauna mei ka ghotilo. Ka narane igne, hamerane boibongi kate haghegna naprai na mae naokare ginauna aknu falehe king gna Israel.”

Profet Hosia 10:5

Buluka gol te au ka namono Betel igne ginauna diꞌa, eghuteuna naikno te au ka namono biꞌo Samaria na igre ginauna mhaghu nodi nei diꞌanagnafa eghu ka buluka igne. Naikno te gnafa baludi mae pris igre ginauna tanhi nei diꞌanagnafa eghu eigna mumuju buluka igne. Naugna mae Asiria igre ginauna hata koko gol teke au ka thinigna mumuju buluka igne.

Profet Hosia 4:15

“Ghotilo naiknomi Israel, ghotilo jateula gaꞌase vine eghu tei koko ghau iara. Nu ghotilo naiknomi Juda ra, ghotilo thosei leghudi nafnata puhi te diꞌa te edi naiknodi Israel igre. “Ghotilo thosei tei ka namono Gilgal, ba Bet-Aven mala tei tarai ka mumuju, ba tei mala nhaꞌa cheke ka nanghagu iara mae ihei te karha te tifa.

Profet Jeremaea 7:18

Goro suara salo gaju mei, eghuteuna mae kmadira eꞌei khaꞌaghi, eghuteuna idodira ngigno flaoa mala eꞌei bret mala fafara ka god gaꞌase Kuin Gna Kligna. Mare jaola toatofa waen ka keha god te mala pogho soru mare tadi re. Mare edi igre mala goigoni ghau iara kolho.

Profet Isaia 3:5

Naiknore ginauna fari pholai fari thedi. Naiknore ginauna theome keli ranghidi kheradi fofodure, eghuteuna mae nalhaꞌu majaghani nei gaꞌase majaghani teu igre ginauna theome ghatho tahudi naikno biꞌo nei mae biꞌo teure. Eghuteuna naiknore ginauna maꞌedi kolho nomi mae funei ghotilore.

Profet Isaia 1:4

Ghotilo nogu naikno iara igre thono diꞌa fara! Eghuteuna puhimi ghotilore jaola thono diꞌa fara. Ghotilo naikno mala tapla jafra fabrahu ka nakhibo kolho. Eghuteuna ghotilo la tei kokonihi Lord. Uve, ghotilo tiromini nodi God maedi Israel te thono blahi fara igne la figri tagrunihi mana.

Eklesiasti 11:10

Nomi narane te mala majaghani teu ghotilo na theome brahu. Jateula glepo te theo nafudi ra eghu kolho. Eghume ghotilo thosei nanga nomi ka puhi biꞌo nate thoke ghami ghotilo are. Eghuteuna ghotilo thosei leghudi puhi nate fakabrudi thinimi are.

Proveb 22:15

Gaoghatho fameomekro na fodu ka thiꞌagna sua na, nu te keli na puphuri ngala mala gnafa nafnata gaoghatho te fameomekro tuana.

Proveb 22:6

Farirhiudi suare mala leghuni puhi te doglo na, kate biꞌo haghe na, mare ginauna na theome ghatho ihoni farirhiu tuana.

Proveb 20:11

Neubane sua, unha te edi manare kakhana ka puhigna mana na. Eghuteuna iagho ginauna laseni puhigna mana te keli nei doglo ba theo teuna.

Nodi Khoje Hatimare Mae Jiu 35:15

Nu kate au iara ka puhi na, mare kelitadi fara, mare khapru falithui ghau iara mala maꞌe ghau iara. Keha mae te theome lasedi iara re, mare theome gnafa te fathoro mei puhi te diꞌa ka iara na.

Jenesis 21:9

Nu tifa na Hega, gaꞌase gna Ijep gne, neke karha kaisei thugna nalhaꞌu ka mae Ebraham. Kaisei narane Sera ne filoni mae sitei thugna Hega igne ne maꞌeni mae Isak.

Fapea Kings 2:11

Phiamare toutonu nolo ne tei. Aonu kaisei khaꞌaghi te jateula chariot mala magra te korho ka hose ra teuna ne mei salaꞌu farihoteidi phiamare. Eghuteuna ka vido tuanala, kaisei seseuru ne mei hatani mae profet Elija ne haghe kligna.

Levitikas 13:40

“Neuba kaisei mae ne khoko khaklagna re ne klaja phaꞌugna na, ba greregna na, mana klino ka tathagu iara na.

Fapea Kings 2:22

Eghume, khoꞌu igne kela keli fapulohi ghilei mei thoke ka narane gognarogne, jateula teke chekeni mae Elisa ia eghu.

Nodi Khoje Hatimare Mae Jiu 31:17

Lord, iara kilo nigho mala togho mei ghau. Eghume, iagho thosei snakredi hatimare mae naokare mala famamaja ghau. Mae igre diꞌa fara puhidire, te keli na iagho famamajadi mare. Te keli na iagho fofotho foflodire, eghuteuna snakre teidi ka namonodi mae tela lehehira.

Fapea Kings 2:2

Aonu profet Elija ne cheke eghu ka profet Elisa, “Iagho ofou agne, eigna Lord na neke cheke ka iara mala tei Betel.” Nu profet Elisa ne cheke eghu, “Ka nanghagna Lord te karha te tifa, iara thofno cheke kate tutuani fara, iara ginauna tei balumu iagho, eghuteuna iara ginauna theome tei koko nigho iagho.” Aonu phiamare ne kafe tei Betel.

Profet Jeremaea 20:7

Lord, iara loku leghudi unha te chekedi iagho ra, nu iagho chaghi ghau iara kolho. Iagho nheta ulu ghau iara, eghuteuna nou nolaghi iagho na ulu ghauhi iara. Leuleghu fata na naiknore maꞌe ghau iara balu tibri.

Profet Jeremaea 20:8

Kate toutonuni iara chekemu iagho na, iagho neke snakre ghau iara mala cheke fabiꞌo nei fnaja eghu eidi puhi nate paradi iagho naiknore. Nu leuleghu fata na mare maꞌe ghau nei cheke fapari ghau eghu iara.