Fapea Kings 2:14 - Buka Blahi Ka Cheke Holo

¹⁴ Mana hata nogna pohe mae Elija igne ne prosa ka khoꞌu na. Eghuteuna kate prosa ka khoꞌu na, mana ne cheke eghu, “Ba, nogna God mae Elija gne au balugu iara signea?” Eghuteuna kate prosa mana ka khoꞌu na, khoꞌu na ne fnota pea ka phei vido, eghuteuna mae Elisa ne nolo ne kasa ka keha phile.

Fapea Kings 2:14 ပူးပေါင်းရင်းမြစ်များ

Jone 14:12

Tutuani fara te chekeni iara ka ghotilo na. Mae ihei te fatutuani ghau iara na, mana ginauna edila glepo te edi iara re. Mana ginauna na edi glepo ke kmanadi te edi iara igrei, naugna iara na tei kokoni nauthoglu igne mala tei au balugna mae Mama.

Nodi Khoje Hatimare Mae Jiu 42:10

Nodi cheke mae te diꞌa fara are ngala te jaꞌi ghau iara re. Leuleghu fata na mare cheke eghu koba ka iara, “Aheva gne nou God iagho na?!”

Nodi Khoje Hatimare Mae Jiu 115:2

Keha naiknodi keha kantri te theome leghuni noda God tahati na mare ghusna eghu, “Aheva gneu nomi God ghotilo na?”

Mae Khuru 2:33

God neke hata hagheni mana kau sape nafnakno na mala gnokro rhegna thegna. Eghuteuna God mae Kmagna na neke tusu ranghini mana Tharunga te Blahi na, mala leghuni nogna nhaꞌa cheke na. Eghume unha te filoni nei nomhini teu ghotilo gognaro gne, glepo neke tusu meini God ka ghehati.

Nonomho Te Keli Teke Risoi Mae Mak 16:20

Ke leghugna igne, mae fanomhore jifla ne tei heva heva ka nauthoglu gne ne toutonuni Nonomho te Keli na ka naiknore. Eghuteuna Lord thegna ne loku baludi mare, mala farerheta unha te cheke mare re, ka thua nafnata kofubobhoi ka nogna nolaghi na.

Profet Joel 2:17

Ghotilo mae pris te loku ranghini Lord ka sugagna mana ra, ghotilo mala diꞌanagnafa nei tanhi eghu fari hotei grengatha nei olta. Ghotilo tarai eghu ka Mana, “Lord God, kokhoni ghami, thosei snakredi naiknodi keha kantri igre mala cheke fapari ghami nei cheke fadiꞌa ghami eghu. Eigna thofno diꞌa fara te cheke eghu mare na, ‘Aheva gne nomi God ghotilo na?’ ”

Nodi Khoje Hatimare Mae Jiu 42:2

God, iagho God te karha, iara magnahaghei nigho iagho fara jateula mae ihei te moja graragna na te magnahaghei koꞌura eghu. God, niha nau te mala ari iara te mala kegra ke ulumu te mala tarai na?

Jajis 6:13

Nu mae Gidion ne cheke eghu ka mana, “Mae biꞌo, jame te au teu Lord balumi ghehati na, naugna unha site thoke ghami ghehati glepo te diꞌa igrea? Kuꞌemi ghehati tifa ra neke toutonu eidi narane teke edi Lord glepo biꞌo teke hata fajifladi Ijep ra. Naugna unha si mana teke theome edi glepo igre ka ghehati gnea? Gognarona mana la tei koko ghamihi ghehati eghume ghehati auhi ka khamedi vikegna Midian.”

Fapea Kings 2:13

Kate haghe mae Elija kligna na, nogna pohe mana na ne khoko soru pari ka glose na. Aonu mae Elisa hata pohe igne neke pulo mei ne kegra ka geri Khoꞌu biꞌo Jordan.

Fapea Kings 4:29

Mae Elisa nomhini cheke igne, ne cheke eghu ka mae Gehasi, “Iagho tarabana mala tei. Hata nogu khodo iara na, eghuteuna faghose tei Sunem. Jame te thafoni iagho kaisei mae ka nabrou na, iagho thosei kegra snoto mala hamerane keli eghu ka mana. Iagho doglo tei ka sugagna naikno biꞌo ia, eghuteuna iagho hata nogu khodo iara gne lisei lao ke klignadi tathagna nei foflogna teu mae sitei na.”

Eksodas 14:22

Eghuteuna mae Israel gre ne kasa kate khapra na, aonu khoꞌu na ne kegra jateula bara neu ka phei philere!

Profet Jeremaea 2:6

Mare ghatho ihoni teke atha fajifladi iara ka kantri Ijep tifa ra. Eghuteuna iara neke batudi neke tei ke lamna namono nagou. Namono te theo kaisei khoꞌu nei theo kaisei naikno tagna. Neuba iara ne fakarhidi, mare theome ghatho ghau nei hiro ghau eghu iara.