Fapea Kings 2:13 - Buka Blahi Ka Cheke Holo

¹³ Kate haghe mae Elija kligna na, nogna pohe mana na ne khoko soru pari ka glose na. Aonu mae Elisa hata pohe igne neke pulo mei ne kegra ka geri Khoꞌu biꞌo Jordan.

Fapea Kings 2:13 ပူးပေါင်းရင်းမြစ်များ

Ululahu Kings 19:19

Profet Elija jifla ka Thogele Sanai neke pulo Israel. Eghuteuna mana tei ne hironi mae Elisa, thugna mae Safat. Elisa loku ka nogna nagare na ka kaisei plao te korho ka phei buluka. Eghuteuna nogna mae gloku mana re loku ka keha nabotho kaisei plao mala dokha glose. Aonu mae Elija ne hata koko nogna pohe brahu na ne nhaꞌa lao ka mae Elisa, igne kaisei fagaglana eigna mae Elisa teke tughuni mana na.

Ululahu Kings 9:26

King Solomon jaola ne horo kmana vaka Esion-Geba rhegna Elat, ka gratha Thongna Ukru Idom.

Fapea Kings 2:8

Eghuteuna mae Elija hata koko nogna pohe brahu na ne lolhopo na ne proprosa pohe igne ka khoꞌu Jordan. Eghuteuna khoꞌu na ne fnota pea. Aonu khoꞌu na khapra ne kasa phiamare ka keha phile na.

Hibru 11:37

Kehare fada falehe ka thina nei kehare ne alha pea thinidire nei kehare aꞌaknu falehedi ka naflahi. Kehare kuma fara eghuteuna mare pipichi kolho ka guli sipu nei nanigot. Eghuteuna mae naokare paradi fara mare nei edi kmana nafnata glepo te diꞌa ranghidi.

Fapea Kings 2:12

Mae Elisa ne filoni mae Elija te tei na ne eha eghu, “Mama! Mama! Iara filodi chariot nei maedi Israel te saghe ka hose!” Kate haghehi mae Elija kligna na, mae Elisa ne diꞌanagnafagna fara ne rerheku nogna pohe na.

Fapea Kings 2:14

Mana hata nogna pohe mae Elija igne ne prosa ka khoꞌu na. Eghuteuna kate prosa ka khoꞌu na, mana ne cheke eghu, “Ba, nogna God mae Elija gne au balugu iara signea?” Eghuteuna kate prosa mana ka khoꞌu na, khoꞌu na ne fnota pea ka phei vido, eghuteuna mae Elisa ne nolo ne kasa ka keha phile.

Ululahu Samuel 28:14

Mae Sol ne cheke eghu, “Jateula mae ihei eghu te filoni iagho na?” Naꞌa ne cheke eghu, “Iara ne filoni kaisei mae khuekuꞌe te haghe na. Mana fahaghe kaisei pohe brahu.” Mae Sol laseni mae igne, mae Samuel ngala. Aonu mana ne pogho soru pari ka glose na.