Fapea Kings 2:11 - Buka Blahi Ka Cheke Holo

¹¹ Phiamare toutonu nolo ne tei. Aonu kaisei khaꞌaghi te jateula chariot mala magra te korho ka hose ra teuna ne mei salaꞌu farihoteidi phiamare. Eghuteuna ka vido tuanala, kaisei seseuru ne mei hatani mae profet Elija ne haghe kligna.

Fapea Kings 2:11 ပူးပေါင်းရင်းမြစ်များ

Fapea Kings 6:17

Eghuteuna mana ne tarai eghu, “Lord, tothora tathagna mana re mala filoni mana nou nolaghi iagho na.” Aonu Lord ne tothora tathagna mae gloku igne. Mana ne filoni thogele te au phiamare igne ne fodu ka hose nei chariot eghu ne jateula khaꞌaghi neu filodire. Mare ikotongana faligohoni mae Elisa.

Hibru 1:14

Mae unha si engel grea? Mare khogla tharunga kolho, mala loku ranghini God. Eghuteuna God kurudi mare mala toghodi iheire te athini u thofno karha na.

Nodi Khoje Hatimare Mae Jiu 68:17

Noda Lord na neke jifla mei ka Thogele Sanai neke mei au ka nogna suga te blahi na. Mana neke mei balu nogna soldia nei kmana thogha chariot mala magra.

Nonomho Te Keli Teke Risoi Mae Mak 16:19

Kate gnafa cheke Lord Jisas ka nogna mae fanomhore, God ne hata hagheni mae Jisas kligna. Eghuteuna mana gnokro fei nhetagna God.

Profet Sekaraea 3:8

“ ‘Pris biꞌo Josua, famane fanomho mei ka iara. Eghuteuna ghotilo keha pris te loku ke parigna nogna nolaghi mana ra, ghotilo jaola mala famane fanomho mei ka iara. Ghotilo te gnafa na mala jateula fagaglanadi eghu famane glepo nate thoke mei thogheiro. Nogu mae gloku iara nanghagna Grege igne, iara ginauna falalase ka ghotilo.

Profet Habaku 3:8

Lord, kate lhotidi iagho khoꞌu eghuteuna fofota thongna na teu igne, ba, iagho neke diꞌatamu ka ghehati sia? Theo! Kate mei toghodi iagho nou naiknore te mala uludi mae naokare, iagho neke mei jateula kaisei nou soldia nei hose nei chariot eghu.

Jenesis 5:24

Kaisei narane God ne hata fadeleini mae Enok mala au balugna eghu teuna naiknore ne theome filoni mana. Naugna mae Enok igne neke thofno kheragna tutuani God.

Fapea Kings 2:1

Namo ka narane Lord te hatani profet Elija te haghe kligna na, Lord ne kuruni kaisei seseuru biꞌo mala mei hatani mae Elija. Ka narane igne, profet Elija ghe profet Elisa jifla Gilgal ne nolo ne tei.

Thakle 11:12

Aonu ka vido tuana phei mae profet igre ne nomhini kaisei cheke ne cheke mei funu kligna, ne eha eghu fabiꞌo, “Mei, haghe agne!” Kate filo leuleghu teu nodi naoka phiamare re, phiamare ne haghe kligna ke lamnagna kaisei grokho.