Fapea Kings 19:7 - Buka Blahi Ka Cheke Holo

⁷ Iagho thosei mhaghu! Iara ginauna figri gaoghathogna king gna Asiria na kate nomhini mana ripot igne mala ke pulo mana ka nogna kantri na. Eghuteuna mare ginauna aknu faleheni mana ka magra jare.”

Fapea Kings 19:7 ပူးပေါင်းရင်းမြစ်များ

Profet Obadaea 1:1

Lord God neke tusu lao nogna cheke na ka profet Obadaea mala toutonu mana ranghidi naikno te au ka kantri Idom unha te magnahagheni God na. Mana ne cheke eghu, “Tahati la nomhinihi theda cheke teke cheke eghu mana igne, ‘Tarabana mala tei magra Idom!’ ”

Fapea Kings 7:6

Naugna Lord neke snakredi maedi Siria gre neke nomhini kaisei naogla te jateula naogla gna armi biꞌo balu hose nei chariot teu igne. Aonu mare ne cheke eghu fari thedi, “King gna Israel gne, mana jame neke folidi mae Hit nei king gna Ijep mala mei magri ghita tahati!”

Profet Jeremaea 51:46

Ghotilo thosei mhaghudi nei diꞌanagnafadi eghu kate nomhidi thua nafnata thoutonu te flalo tafri ka nauthoglu igne. Ka finogha te mei igre ghotilo ginauna nomhidi keha nafnata cheke te tei tafri are. Naiknore na cheke eidi magra ka keha namono, ba kaisei mae king te magra ka keha mae king na. Nu ghotilo thosei mhaghudi cheke igre eghu.

Profet Jeremaea 51:1

Lord ne cheke eghu, “Iara ginauna kuru mei kaisei nuri biꞌo mala mei roꞌeni namono biꞌo Babilon baludi naikno te gnafa te au ke lamnagna.

Profet Jeremaea 49:14

Lord neke kuruni kaisei mae mala atha tei nogna cheke na ka kantri igne. Iara nomhinihi nogna cheke mana igne. Mana neke cheke eghu ka mare, “Gognarona ghotilo tarabana mala tei magra tahati ka naiknodi Idom.” Lord ne cheke eghu ka naiknodi Idom.

Profet Isaia 11:4

nu mana ginauna fatedi naikno te kumare ka puhi te doglo. Mana ginauna famane fanomho fakeli ka fate igne mala ke hata fapulo unha teke nodi mare re. Ka nogna cheke te autagna nolaghi na mana ginauna paradi naiknogna nauthoglu igne. Eghuteuna kate cheke kolho mana na naikno te diꞌa re ginauna lehe.

Nodi Khoje Hatimare Mae Jiu 50:3

Noda God na la meihi, nu mana na theome au kmu. Khaꞌaghi te mala nhako gobigna lepore na mei ke ulugna mana, eghuteuna nuri blahi balu nakhete na au faligohoni mana.

Nodi Khoje Hatimare Mae Jiu 11:6

Mana ginauna na tofa soru khaꞌaghi te ngire na ke klignadi mala thunu mare thinidire. Mana ginauna paradi nafnata naikno igre, eigna mare ne eni puhi te diꞌa na.

Thoutonu Eigna Mae Job 15:21

Lamna ka nagnafagna na, mana haimidi glepo te mhaghudi fara mana re. Eghuteuna kate ghathoni mana ne au fakeli neu kolho teuna, mae te blau igre ginauna mei goigonini mana.

Thoutonu Eigna Mae Job 4:9

Nuri te mei funugna ka God na roꞌedi mare. Kate diꞌatagna te fnaja mana na, mare na dofidi.

Fapea Kronikols 32:21

Aonu, Lord ne kuruni kaisei engel mala aknu falehedi soldia te gnafa nei mae komanda di Asiria te au falithuini Jerusalem. Aonu king gna Asiria gne neke figri ka nogna kantri na, eghuteuna mana ne mamaja nogna fara ka tathadi nogna naiknore. Ke leghu, kate tei mana ka Sugablahi nogna god na, phei thugna mana re hata naflahi ne aknu faleheni mana.

Fapea Kings 19:28

Naugna iara laseni te fahaehaghe fara iagho na, nei iara laseni te cheke diꞌatamu fara iagho ka iara ra, iara ginauna lilisei kaisei thagho ka foflomu iagho na, nei kaisei vido aean ka foflomu iagho na, mala ke korho fapulo nigho ka nabrou aheva teke meimu iagho na.’ ”

Fapea Kings 19:33

Iara Lord, iara ginauna theome snakreni mana te ruma mei ka namono igne. Eghuteuna mana ginauna nake figri ka nogna namono na leghuni nabrou teke mei gna na.

Nodi Khoje Hatimare Mae Jiu 94:23

Mana ginauna paradi naikno te diꞌa puhidire. Uve, Lord mae ihei te noda God tahati na, ginau roꞌe fahuidi eidi nakhibodire.