Fapea Kings 19:6 - Buka Blahi Ka Cheke Holo

⁶ mana neke fatei cheke igre ka mana. “King, igne unha te chekeni Lord na: Iagho thosei mhaghudi nodi cheke nogna mae gloku mae king gna Asiria igne. Mare khogla cheke fapari ghau iara kolho!

Fapea Kings 19:6 ပူးပေါင်းရင်းမြစ်များ

Fapea Kings 18:35

Theo kaisei nodi god kantri igre te tangomana te fakarhidi mare ka iara na! Eghume, faꞌunha eghu tangomana Lord te fakarhini Jerusalem ka nogu nolaghi iara na?”

Fapea Kings 18:17

King Senakerib au neu ka namono Lakis, aonu ne kuruni nogna mae komanda na, baludi keha phei mae biꞌo nei kmana mae soldia mala tei filoni King Hesekaea Jerusalem. Mare tei ne au ka nabrou te tei thoke ka vido te mala titihi pohe na. Mare kegra neu rhegna vido te jajaja soru khoꞌu ka kholo igne.

Fapea Kronikols 20:15

Aonu mae Jahasiel kegra haghe ne cheke eghu, “King Jehosafat nei ghotilo te gnafa te au Jerusalem nei Juda teura, fanomho fakeli ghotilo ia. Igne unha te chekeni Lord na, ‘Neuba ghotilo ne magra ka armi biꞌo, ghotilo thosei snakredi nagnafami are mala glaꞌe soru, ba mhaghu eghu. Naugna magra igne theome nomi ghotilo, nu nogu iara.

Thakle 13:6

Mana ne tothora foflogna na mala cheke faparini God. Mana cheke faparani nanghagna God na nei cheke faparini vido aheva te au mana na, nei cheke faparidi iheire te au balugna mana kligna re.

Profet Isaia 51:7

“Ghotilo iheire te leghuni puhi te doglo na, nei ghotilo iheire te loku famaku chekegu iara na ka nagnafamire teu ra, thosei mhaghudi naikno te maꞌe ghami nei cheke fadiꞌa ghami teu are.

Nodi Khoje Hatimare Mae Jiu 74:23

Nou naoka iagho gre mare eha fadiꞌa nigho fabrahu kolho. Eghume iagho thosei ghatho iho te mei paradire eghu.

Nodi Khoje Hatimare Mae Jiu 74:18

Lord God, ghathodi sagho mae naoka te maꞌe nigho gre. Mare theome fatutuani nigho, nei cheke fapaiparini eghu nanghamu iagho na.

Fapea Kronikols 20:17

Ka narane tuana, ghotilo thosei magra ka mare. Nu ghotilo kegra heta, tarabana ofou kolho. Iara ginauna magra ranghi ghami ghotilo, eghuteuna ghotilo ginauna filo ghau iara Lord nate uludi mare na. Ghotilo thosei mhaghu nei glaꞌe soru eghu. Nathuꞌu na ghotilo ginauna tei ke uludi mare, eghuteuna iara ginauna au balumi ghotilo.’ ”

Fapea Kings 18:30

Eghuteuna thosei snakreni mana mala figri nagnafami are mala rouronu ka Lord. Thosei ghathoni Lord nate fakarhi ghami ginauna, eghuteuna mana ginauna na fanograni armi gna Asiria gne nate mei te hata nomi namono biꞌo ghotilo igne teuna.

Fapea Kings 6:16

Nu mae Elisa ne cheke eghu, “Thosei mhaghu. Tutuani, mare au kmana soldia, nu tahati au tothoghei biꞌo salaꞌudi mare te mala togho ghita na.”

Josua 11:6

Aonu Lord ne cheke eghu ka mae Josua, “Iagho thosei mhaghudi, naugna iara Lord ginauna togho nigho iagho. Nathuꞌu jateula narane gognarogne teuna mae te kmana tuare ginauna kafe lehe hui. Eghuteuna ke leghugna magra igne, nodi hose mala magra mare are ginauna kafe blughu, eghuteuna nodi chariot mala magra mare are ginauna kafe ghamu khaꞌaghi hui.”

Diutronomi 20:1

Mae Moses ne cheke eghu, “Kate tei ghotilo te magra ka nomi naokare, ghotilo jame filodi kmana hose nei kmana chariot mala magra, nei kmana soldia salaꞌu ghami ghotilo. Nu ghotilo thosei mhaghudi mare, naugna Lord nomi God, mae ihei teke hata fajifla ghami ghotilo Ijep ia ginauna au balumi ghotilo.

Levitikas 26:8

Glima mae ka ghotilo kolho nate ngolhi fajifladi kaisei gobi naoka! Eghuteuna kaisei gobi mae kolho ka ghotilo na ginauna ngolhi fajifladi nabotho thogha naoka! Nomi naoka ghotilo igre ginauna kafe lehe ka nomi naflahi mala magra ghotilo re.

Eksodas 14:13

Nu mae Moses ne cheke eghu ka naiknore, “Thosei mhaghu! Kegra heta eghuteuna ghotilo ginau na filoni Lord nate fakarha ghami ghotilo ka mae Ijep gre gognaro na! Ghotilo filodi mae Ijep are gognaro na, nu ke leghu na ghotilo ginau na nake theome filodi tathadire tifa tifa.

Fapea Kings 19:5

Kate hata mae Isaia nogna cheke King Hesekaea igre,

Fapea Kings 19:22

Ihei gne te cheke faparini iagho na? Ihei gne te eha fabiꞌoni nei cheke faparini teu iagho na? Iara nodi God maedi Israel te Blahi fara, nu iagho cheke fapari ghau iara!

Profet Jeremaea 42:9

Mana ne cheke eghu ka mare, “Ghotilo neke kuru ghau iara mala tore ka Lord unha te magnahagheni ghotilo na. Igne unha te chekeni Lord nodi God maedi Israel:

Profet Isaia 10:24

Lord mae ihei te au nolaghi fateote'o igne neke cheke eghu, “Ghotilo nogu naikno iara te au ka namono Saion ra, thosei mhaghudi maedi Asiria. Neuba mare ne para ghami jateula teke edi mae Ijep ka ghotilo tifa ra neu.

Lamentations 3:57

Iagho neke mei rhegu iara mala togho ghau iara neku neke cheke eghu ka iara, “Thosei mhaghu.”