Fapea Kings 19:32 - Buka Blahi Ka Cheke Holo

³² Profet Isaia ne cheke eghu, “Eghume, igne unha te chekeni Lord eigna king gna Asiria na. King gna Asiria baludi nogna soldiare ginauna theome tangomana te ruma mei Jerusalem, ba nate fada mei kaisei jata tagna na. Theo kaisei soldia balu greoreo nate mei namo ka namono biꞌo igne. Eghuteuna mare ginauna theome tangomana nate salofodu thina nei glose teu ka pesigna gringni thina igne te mala fada mei lamna na.

Fapea Kings 19:32 ပူးပေါင်းရင်းမြစ်များ

Fapea Samuel 20:15

Aonu nogna soldia mae Joab igre nomhini te au teu mae Seba ke lamna gna namono igne ne tei bara ligohoni namono na. Mare pulei glose ne fafofodu ke kosigna bara igne mala tangomana mare te haghe ka bara gna namono na. Eghuteuna mare ne funu paꞌe soru bara gna namono na.

Profet Esikiel 21:22

Aonu mana korho fajifla jata na fei khame nhetagna aheva te ghodini Jerusalem. Jata igne cheke ranghini mana mala tarabana thaba biꞌo mala paꞌe soru gringni thina nei grengathagna teu namono igne, eghuteuna mana ehadi nogna mae soldia re eigna narane mala magra. Jata igne jaola cheke ranghini mana mala pulei mei thina nei glose eghu ka pesigna gringni thina gna namono Jerusalem, mala bligi mare te apla te tei lamna te mala hata namono igne, eghuteuna pulei mei glose falithuini namono igne mala poru ke leghudi mala fada falehedi naiknore.