Fapea Kings 19:31 - Buka Blahi Ka Cheke Holo

³¹ Neuba naoka gre ne aknu falehe kmana naikno ka ghotilo, iara ginauna fakarhidi keha ka ghotilo Jerusalem ka Thogele blahi Saion mala thovu nogu naikno iara re. Naugna igne unha te magnahagheni fara iara Lord te au nolaghi fateote'o na.”

Fapea Kings 19:31 ပူးပေါင်းရင်းမြစ်များ

Profet Isaia 9:7

Puhigna mana te mala funei frunidi nogna naiknore ginauna thofno keli fara. Eghuteuna namono aheva te funei fruni mana igne ginauna au ka pharikeli fabrahu. Uve, mana ginauna kaisei king ka vikegna King Devet. Nogna nolaghi nei puhigna teu mana te mala fatedi naiknore ginauna au fabrahu tifa tifa. Lord, iagho au nou nolaghi fateote'o, eghuteuna iagho au nou gaoghatho rheta te mala edi gobigna lepo te magnahaghedi iagho themu re.

Letas Teke Riso Tei Mae Pol Ka Khiloau Rom 11:5

Jateula tuana eghu, gognaro na keha naikno ghu kolho te au nga teure, iheire God teke kulu vahidi ka nogna khokofakasai na.

Letas Teke Riso Tei Mae Pol Ka Khiloau Rom 9:27

Mae Isaia ne eha eghu eidi maedi Israel, “Neuba naiknodi Israel gre ne kmana fara jateula nusu ka glilihi neu, God ginauna fakarhadi keha ghu kolho.

Profet Isaia 10:20

Ka narane igne, keha naiknodi Israel kolho nate karha na. Eghuteuna naiknore ginauna theome rouronu ka king gna Asiria, mae ihei te thono paradi fara mare igne. Nu mare ginauna na rouronu kolho ka Lord nodi God te Blahi mae Israel.

Jone 2:17

Kate chekeni mana igne, mae fanomhore neke ghatho fapuloni unha te cheke eghu ka grioriso te blahi na ia, “God, leghu fata na iara ghatho tahuni koba nou suga iagho gne.”

Profet Sekaraea 1:14

Aonu engel igne neke cheke eghu ka iara, “Iagho mala eha fabiꞌo ka Lord mae ihei te au nolaghi fateote'o igne, cheke eghu, ‘Namono Jerusalem te au ke kligna Thogele blahi Saion, nogu namono iara, eghuteuna iara au nogu gaoghatho rheta tagna!

Profet Esikiel 20:9

Nu iara neke theome eni igne, naugna jame laseni naiknodi Ijep gre igne meuna, mare ginauna faparini nanghagu iara na. Naugna iara neke nhaꞌa chekehi ka naiknodi Israel te au farihoteidi naiknodi Ijep igre te mala hata fajifladi iara nogu naiknore ka kantri Ijep. Jame te theome leghuni iara nogu nhaꞌa cheke na, naiknodi Ijep igre ginauna faparini nanghagu iara na.

Profet Esikiel 5:13

“Ke leghudi glepo igre, papara igne ginauna hui, eghuteuna diꞌatagu iara ka mare igne ginauna jaola hui. Eghuteuna mare ginauna lase ghau iara Lord te chekeni papara igne te mala thokedi mare na naugna iara ne diꞌatagu fara ka mare.

Profet Jeremaea 44:14

Theo kaisei naikno gna Juda te mei au Ijep igre nate rikha, ba nate karha teke figri Juda na. Neuba mare ne magnahaghei fara teke figri na, keha naikno ghu kolho nate rikha teke figri na.’ ”

Profet Isaia 63:15

Lord, iagho king, iagho au ka namonomu te blahi kligna, eghuteuna siasiglamu nei nou nolaghi teu iagho na fodu ka namono igne. Nu iagho filo soru mala filo ghami. Naugna unha sagho te theome fakakhana nou nolaghi biꞌo na ka ghehati gnea? Iagho theome fakakhana nou kokhoni ghami nei namha teuna ka ghehati. Ba, iagho theome magnahaghei ghami ghehati sia?

Profet Isaia 59:17

Puhigna Lord te doglo igne jateula phoko aean mala magra ra eghu, eghuteuna nogna nolaghi mana te mala fakarha naikno igne, jateula khepi eghu. Eghuteuna gaoghathogna mana te rheta te mala fadoglini puhi te theome doglo igne, jateula kaisei pohe te mala pipichi ra eghu.

Fapea Kings 19:4

King gna Asiria igne neke kuru meini kaisei nogna mae komanda mala cheke faparini God mae ihei te karha te tifa. Tahati toreni Lord noda God mala nomhidi cheke te diꞌa igre, eghuteuna Mana ginauna paradi mare. Eghume tore ka God eida tahati naikno te karha nga teu gre!”

Fapea Kings 19:37

Kaisei narane ke leghudi igre, King Senakerib ne tei tarai ka nogna Sugablahi god Nisrok, eghuteuna phei thugna mana igre, mae Adramelek ghe mae Saresa, ne aknu faleheni mana. Eghuteuna phiamare rikha ne tei Ararat ka nohi te khaba fara. Eghuteuna keha thugna mana, mae Esahadon neke king tughuni mana Asiria.

Profet Isaia 10:12

Kate paradi te gnafa naikno te au ka Thogele blahi Saion nei Jerusalem, Lord ginauna parani king gna Asiria, naugna mana ne fafnaknoni thegna ne cheke fahaehaghe fara.

Profet Isaia 37:32

Neuba mae naoka gre ne aknu falehe kmana naikno ka ghotilo, iara ginauna fakarhidi keha ka ghotilo Jerusalem ka Thogele blahi Saion, mala thovu nogu naikno iara re. Iara Lord mae ihei te au nolaghi fateote'o, nogu gaoghatho rheta iara na ginauna thoke mei gobigna lepo igre.”

Profet Isaia 10:22

Gognarona naiknodi Israel igre thono kmana fara jateula nusu ka gratha ra eghu, nu ka narane tuana kmana naikno ginauna lehe, eghuteuna ginauna keha ka ghotilo kolho nate theome lehe na teke pulo mei na. Puhigna Lord mae ihei te au nolaghi fateote'o igne thofno doglo fara, eghuteuna mana neke kulu chekehi nate goigonidi nogna naiknore. Uve, mana ginauna goigoni fahui nomi vido te gnafa ghotilo ka kantri igne.

Profet Joel 2:18

Aonu naiknore ne tughu nagnafa, eghuteuna Lord ne ghatho tahuni nogna glose na ne kokhonidi nogna naiknore.