Fapea Kings 19:3 - Buka Blahi Ka Cheke Holo

³ Kate filoni mae profet na, mare ne cheke eghu ka mana, “Profet, King Hesekaea neke cheke eghu: Gognarogne kaisei puhi biꞌo thoke ghita tahati, eghuteuna tahati thono mamaja noda fara! Tahati jateula kaisei gaꞌase te namo karha sua, nu theome karha kolho teura eghu.

Fapea Kings 19:3 ပူးပေါင်းရင်းမြစ်များ

Profet Hosia 13:13

Mare thono fameomekro fara, naugna mare ne tirodini na au te keli na. Igne jateula sua te au teu ka thiꞌagna idogna na nu tirogna jifla mei teu ia eghu kolho.

Profet Isaia 66:9

Kate fufunu iara nogu gloku na, iara magnahaghei te eni fahui gloku igne. Ba, kate tarabana mala fakarha sua teu gaꞌase na, iara tangomana te lhotini naꞌa te mala theome fakarha sua naꞌa na? Theo!

Profet Hosia 5:15

Uve, iara ginauna nake pulo mei ka nogu namono na mala ghilei filo glani mare najafra teke edi thedire. Kate au ka hoholo na, mare ginauna nake figri mei nake hiro ghau iara.”

Nodi Khoje Hatimare Mae Jiu 95:8

“Ghotilo thosei maumaku jateula teke edi ku'emi tifa ka namono nagou Meriba te kiloi Masah.

Nodi Khoje Hatimare Mae Jiu 39:11

Kate diꞌatamu fara iagho ka mae ihei te tapla jafra ka nakhibo na, iagho fadidiꞌa unha te magnahaghedi fara mana re, jateula gnata te ghamu fadidiꞌa gobigna lepo ra eghu. Tutuani fara, nakarhagna nafnata naikno igne ghosei ari gnafa kolho.

Fapea Kings 18:29

Mana cheke ranghi ghami ghotilo mala thosei snakreni King Hesekaea mala chaghi ghami. Mana theome tangomana te fakarhi ghami ghotilo na!

Fapea Kings 19:2

Mana ne kurudi mae Eliakim mae biꞌo te mala reireghi gna nogna suga biꞌo king na, ghe mae Sebna mae sekretri na, baludi hatimare mae pris biꞌo mala tei filoni profet Isaia thugna mae Amos. Mare jaola ne pipichi ka pohe thona.

Fapea Kings 19:4

King gna Asiria igne neke kuru meini kaisei nogna mae komanda mala cheke faparini God mae ihei te karha te tifa. Tahati toreni Lord noda God mala nomhidi cheke te diꞌa igre, eghuteuna Mana ginauna paradi mare. Eghume tore ka God eida tahati naikno te karha nga teu gre!”