Fapea Kings 19:25 - Buka Blahi Ka Cheke Holo

²⁵ “ ‘King Senakerib! Ba? Iagho theome laseni ngau? Iara Lord neke ghathoni igne funu tifa, mala edi iagho glepo igre, eghuteuna gognarona iara na eni igne mala thoke mei. Iara neke tusu ari nolaghi ka iagho mala goigonidi namono biꞌo te bara ligoho ka thina igre, mala vuhai bukrei thina kolho.

Fapea Kings 19:25 ပူးပေါင်းရင်းမြစ်များ

Profet Isaia 45:7

Iara neke vuhadi naphae ghe gromno. Eghuteuna iara neke jaola neke tusu lao nakarha te keli nei snakre lao hoholo biꞌo ka naiknore. Iara Lord te edi glepo igre.

Profet Isaia 54:16

“Iara neke tusu ari glalase ka mae iheire te gahu aean mala hohoro thua nafnata glepo mala magra. Iara jaola neke toghodi hatimare mae soldia mala atha glepo igre mala falehe naikno.

Profet Isaia 10:15

Nu Lord ne cheke eghu, “Ba, nhirama gne te fagrofo gaju na, ba naikno te kato gne? Ba, soa gne te alha gaju na, ba naikno te loku soa gne? Ba, khodo gne te lokuni naikno na, ba naikno gne te loku ka khodo igne?”

Nodi Khoje Hatimare Mae Jiu 76:10

Kate fagnafa aridi sagho nodi diꞌatadi nou mae naoka are, mare ginauna kafe ghatho tahu nigho iagho. Tutuani, neubane au neu katha vido fadiadiꞌa ka mare, tuana ginauna ari huiu ngala ka mare.

Nodi Khoje Hatimare Mae Jiu 33:11

Nu unha te vaovatoni mana na ginauna kegra maku fabrahu. Gaoghathogna mana re theome tangomana te tughu na.

Profet Maeka 1:6

Naugna igne, Lord ne cheke eghu, “Iara ginauna goigoni fahui namono biꞌo Samaria igne. Eghuteuna namono igne ginauna jateula tothoghei chara ka glalaba ra eghu filogna na, eghuteuna ginauna jateula vido mala joꞌu gaju grep eghu kolho. Thina gringni gna namono igne, iara ginauna pili tei ka glogu ro, eghuteuna thina mala famamhaku gna namono igne ginauna fiti au kolho ka vido te krogha.

Profet Isaia 45:8

“Maloa nei ghotilo khoveo teura! Ghotilo snakreni puhigu iara te doglo gne mala soru mei jateula nakhete eghu ka nauthoglu igne. Iagho glose ia! Iagho snakreni puhigu iara na mala fakarhidi naikno te kotu haghe jateula buburu teu igre, eghuteuna snakreni puhigu iara te doglo gne mala jaola kotu haghe. Iara Lord te edi glepo igre.”