Fapea Kings 19:23 - Buka Blahi Ka Cheke Holo

²³ Iara nou mae Funei iagho, nu iagho kurudi nou mae mala hata nonomho ra mala cheke fadiꞌa ghau iara. Iagho neke cheke fahaehaghe eghu, “Ka nogu chariot iara gre, iara neke tei neke hata thogele biꞌo Lebanon. Iara neke kato soru gaju sida te brahu ra nei famane gaju paen ra eghu. Iara jaola neke tei thokedi thogele te haghe fara ra, ei ka vido aheva te au kmana gaju fara tadi ra.

Fapea Kings 19:23 ပူးပေါင်းရင်းမြစ်များ

Nodi Khoje Hatimare Mae Jiu 20:7

Keha naiknore rouronu ka armi, kehare rouronu ka chariot, nei kehare rouronu ka jata. Nu tahati na rouronu ka nogna nolaghi noda God.

Fapea Kings 18:17

King Senakerib au neu ka namono Lakis, aonu ne kuruni nogna mae komanda na, baludi keha phei mae biꞌo nei kmana mae soldia mala tei filoni King Hesekaea Jerusalem. Mare tei ne au ka nabrou te tei thoke ka vido te mala titihi pohe na. Mare kegra neu rhegna vido te jajaja soru khoꞌu ka kholo igne.

Profet Isaia 10:18

Khaꞌaghi igne ginauna ghamu fahui famane gaju biꞌo nei famane nagare te au kmana gano teu te au ka kantri Asiria. Eghuteuna khaꞌaghi igne ginauna goigoni vido te gnafa ka nogna kantri king na. Kantri igne ginauna na jateula mae ihei te fogra te glaꞌe soru te ghilei lehe ra eghu.

Profet Isaia 10:14

Kantri te gnafa ka nauthoglu na igre jateula kaisei gnoku nanghaji eghu. Eghuteuna iara hatahi nodi dedei mare igre, jateula te tei iara te hata nakredigna nanghaji igne, nu idogna na theome eha ba mei kathi ghau iara teu ra eghu kolho.”

Fapea Kronikols 32:17

Letas teke rioriso king gna Asiria igre thofno cheke faparini Lord nodi God mae Israel. Mana neke cheke fadiꞌa eghu, “Nodi god naiknodi keha kantri are theome tangomana te fakarhidi mare ka nogu nolaghi iara na, eghuteuna nogna god Hesekaea tuana ginauna jaola theome tangomana te fakarhidi nogna naikno mana re ka nogu nolaghi iara na.”

Fapea Kronikols 26:10

Eghuteuna mana jaola neke horo suga rheta mala toetoe ke lamna namono nagou. Mana dokha kmana seu, naugna mana au nogna kmana buluka ka thogele ke mosu, nei ka sare langau eghu. Mana kaisei mae te magnahaghei loku ka nagare, aonu nogna mae gloku manare joꞌu nagare grep ka thogele, eghuteuna mare tobi ka vido aheva te au glose te keli.

Fapea Kings 18:23

“Iara ginauna eni kaisei baubahu ka iagho ka nanghagna king gna Asiria. Iara ginauna tusu ranghi nigho iagho phei thogha hose jame tangomana iagho te hirodi kmana mae te mala saghe tadi re!

Profet Daniel 8:11

Hona ikoi igne ne fafnaknoni thegna, eghuteuna mana ne cheke faparini God mae ihei te funei ka armi gna kligna na. Mana jaola lhotidi naiknore te fafara leghu narane ka God na. Eghuteuna mana goigonini nogna Sugablahi mana na.

Fapea Kings 19:4

King gna Asiria igne neke kuru meini kaisei nogna mae komanda mala cheke faparini God mae ihei te karha te tifa. Tahati toreni Lord noda God mala nomhidi cheke te diꞌa igre, eghuteuna Mana ginauna paradi mare. Eghume tore ka God eida tahati naikno te karha nga teu gre!”

Nodi Khoje Hatimare Mae Jiu 20:8

Nu nafnata naikno te rouronu ka chariot nei jata teu te magra igre ginauna tothokei mala uka pari. Nu tahati ginauna kegra heta fabrahu tifa tifa.

Profet Isaia 10:13

King igne ne cheke eghu fabrahu, “Ka nogu nolaghi nei glalase eghu iara thegu, iara ne uludi keha kantri igre ka magra. Eghuteuna iara jaola tuthugha nodi nohidi keha kantri igre mala nogu namono iara gognarona. Eghuteuna gognarona iara hatahi nodi gobigna lepo mare re. Iara nheta fara jateula kaisei buluka nalhaꞌugna neu ne uludi king di keha kantri are.