Fapea Kings 19:22 - Buka Blahi Ka Cheke Holo

²² Ihei gne te cheke faparini iagho na? Ihei gne te eha fabiꞌoni nei cheke faparini teu iagho na? Iara nodi God maedi Israel te Blahi fara, nu iagho cheke fapari ghau iara!

Fapea Kings 19:22 ပူးပေါင်းရင်းမြစ်များ

Profet Isaia 5:24

Naugna igne, Lord ginauna thono para ghami ghotilo, jateula khaꞌaghi te ghamu buburu te brango ra eghu. Uve, Lord ginauna goigoni ghami ghotilo jateula gaju te boto glathigna na, eghuteuna chechenge gna na brango eghuteuna pala me tei nuri delei teura eghu. Mana eni igne, naugna ghotilo ne tiromi fanomho ka nogna farirhiu noda God tahati maeda Israel mae ihei te au nolaghi fateote'o igne.

Nodi Khoje Hatimare Mae Jiu 71:22

Nogu God, iara ginauna cheke fakeli nigho balu gita. Uve, iara ginauna cheke fakeli nigho, naugna iagho ne tathaji fabrahu nou nhaꞌa cheke na. Iagho nomi God ghehati naiknomi Israel, nei iagho thono blahi fara, eghuteuna iara ginauna lalahu gita mala koje kilo fnakno nigho.

Fapea Tesalonika 2:4

Mana ginauna cheke fadiꞌadi gobigna lepo te tufru sorudi naiknore balu nodi thua nafnata god. Eghuteuna ginauna mana na ghatho tahuni thegna jateula kaisei mae te uludi gobigna lepo te tufru sorudi naikno igre eghu, eghuteuna mana ginauna tei gnokro lamna nogna Sugablahi God eghuteuna mana na chekeni te mana ngala God na.

Profet Jeremaea 51:5

Iara Lord mae ihei te au nolaghi fateote'o nei iara nodi God mae Israel te blahi fara. Iara ginauna eni igne ka naiknodi Babilonia, naugna iara theome ghatho ihodi nogu naikno te au Israel nei Juda. Neuba mare ne nabadi te mala au papara eidi nakhibo biꞌo teke edi mare re, nu iara theome ghatho ihodi mare.

Profet Isaia 30:15

Lord nodi God maedi Israel te blahi igne, mana cheke eghu fabrahu, “Jame te koko ghotilo puhimi te diꞌare teke figri mei ka iara na, iara ginauna na fakarhi ghami ghotilo. Uve, jame te fatutuani ghau iara ghotilo te au kmu ka puhigu iara na, iara ginauna na farerheta ghami ghotilo. Nu ghotilo tiromi te eni igne na!

Fapea Korin 10:5

Eghuteuna ghehati tangomana te tapla sorudi thua nafnata cheke fahaehaghe te edi naiknore eigna thofno glalase nogna God. Ghehati fariuriu mala tuthughu gaoghathodi naiknore, mala thofno leghuni Kraes.

Profet Isaia 10:15

Nu Lord ne cheke eghu, “Ba, nhirama gne te fagrofo gaju na, ba naikno te kato gne? Ba, soa gne te alha gaju na, ba naikno te loku soa gne? Ba, khodo gne te lokuni naikno na, ba naikno gne te loku ka khodo igne?”

Proveb 30:13

Keha naiknore fahaehaghe fara, eghuteuna mare filo faparidi keha naiknore.

Nodi Khoje Hatimare Mae Jiu 73:9

Mare cheke fadiꞌani God mae ihei te au teu kligna na, eghuteuna mare fahaehaghedi fara e cheke eghu, “Ghehati ngala te funei frunidi naikno te au ka nauthoglu igne!”

Fapea Kings 19:4

King gna Asiria igne neke kuru meini kaisei nogna mae komanda mala cheke faparini God mae ihei te karha te tifa. Tahati toreni Lord noda God mala nomhidi cheke te diꞌa igre, eghuteuna Mana ginauna paradi mare. Eghume tore ka God eida tahati naikno te karha nga teu gre!”

Eksodas 9:17

Nu iagho ne maku fara nagnafamu na ne theome snakredi nogu naikno iara gre mala tei neu.

Eksodas 5:2

Nu king igne ne cheke eghu, “Ihei Lord na mala leghuni iara mana? Iara theome laseni mana, eghume iara ginauna theome tangomana nate snakre ghami te tei ghotilo na!”

Fapea Kings 19:6

mana neke fatei cheke igre ka mana. “King, igne unha te chekeni Lord na: Iagho thosei mhaghudi nodi cheke nogna mae gloku mae king gna Asiria igne. Mare khogla cheke fapari ghau iara kolho!

Nodi Khoje Hatimare Mae Jiu 78:41

Kmana fata mare magnahaghei te fariuriuni noda God tahati naiknoda Israel. Uve, mare tirodini mae ihei te blahi fara na.

Profet Isaia 10:13

King igne ne cheke eghu fabrahu, “Ka nogu nolaghi nei glalase eghu iara thegu, iara ne uludi keha kantri igre ka magra. Eghuteuna iara jaola tuthugha nodi nohidi keha kantri igre mala nogu namono iara gognarona. Eghuteuna gognarona iara hatahi nodi gobigna lepo mare re. Iara nheta fara jateula kaisei buluka nalhaꞌugna neu ne uludi king di keha kantri are.

Profet Daniel 8:11

Hona ikoi igne ne fafnaknoni thegna, eghuteuna mana ne cheke faparini God mae ihei te funei ka armi gna kligna na. Mana jaola lhotidi naiknore te fafara leghu narane ka God na. Eghuteuna mana goigonini nogna Sugablahi mana na.