Fapea Kings 19:20 - Buka Blahi Ka Cheke Holo

²⁰ Profet Isaia ne fatei cheke ka King Hesekaea ne cheke eghu ka mana, “King, igne unha te chekeni Lord, nodi God maedi Israel na, ‘Iara nomhinihi nou tharai iagho eigna King Senakerib gna Asiria.’

Fapea Kings 19:20 ပူးပေါင်းရင်းမြစ်များ

Fapea Kings 20:5

Lord ne cheke ranghini profet mala tei ka king mala cheke eghu ka mana, “King Hesekaea, Lord nogna God mae kuꞌemu King Devet na ne cheke eghu: Iara la nomhinihi nou tharai iagho ia, eghuteuna iara filoni te tanhi nei diꞌanagnafa teu iagho ia. Iara ginauna nake fakeli fapulo nigho, eghuteuna ka fatilo narane ke leghugna gognarogne iagho tangomana te tei ka Sugablahi na.

Mae Khuru 10:31

ne cheke eghu, ‘Ghema Konilias, God na la nomhidihi nou tharai iagho ra nei la filodihi unha teke edi iagho te mala toghodi naikno te kuma ra.

Profet Jeremaea 33:3

Tutuani fara! Jame te eha mei ghotilo ka iara mala togho ghami teuna, iara ginauna nomhi ghami nei togho ghami eghu ghotilo. Eghuteuna iara ginauna chekeni glepo te thofno keli fara te theome tangomana kaisei naikno teke laseni tifa na.

Profet Isaia 65:24

Neuba mare ne theome kilo mei ka iara, iara kulu nomhidihi mare. Neuba mare ne tarai fabrahu ka iara, iara kulu enihi unha te toreni mare na.

Mae Khuru 10:4

Mae Konilias ne mhaghu fara ne filo tutu ka engel ne cheke eghu, “Unha sia Lord?” Engel ne cheke eghu ka mana, “God la nomhidihi nou tharai iagho ra, nei jaola filodihi unha te edi iagho te mala toghodi naikno te kuma ra.

Jone 11:42

Iara lase nigho te nomhini koba nogu tharai iara na. Nu iara chekedi glepo igre ka iagho eidi naikno te kegra faligoho ghau teu iara igre. Iara magnahaghedi mare te fatutuani nigho iagho mae teke kuru mei ghau iara na.”

Fapea Samuel 17:23

Kate laseni mae Ahitofel te theome leghuni mare nogna cheke na, mana saghe ka nogna dongki na neke pulo ka nogna namono na. Kate fadoglidi te gnafa tharakna gna nei nogna bisnis teure, mana froro ne lehe. Tharakna gna mana re hata thinigna mana na ne giugilui ka nodi beku thedi na.

Fapea Samuel 15:31

Kate nomhini king te tei mae Ahitofel te toghoni mae Absalom igne, mae Devet ne tarai eghu, “Lord God, iagho figri nogna farirhiu mae Ahitofel igne mala fameomekro kolho!”

Profet Isaia 58:9

Eghume, jame te tarai ghotilo ka iara na, iara ginauna nomhi ghami ghotilo. Eghuteuna jame te eha mei ghotilo ka iara na, iara ginauna tarabana mala togho ghami ghotilo. “Jame te koko ghotilo puhi te faparidi keha naiknore, diꞌa ranghidi, tusu khamedi, cheke fadiꞌadi teu keha naiknore,

Nodi Khoje Hatimare Mae Jiu 50:15

Eghume jame te eha ghotilo ka iara kate au ghotilo ka hoholo na iara na togho ghami ghotilo, eghuteuna ghotilo ginauna na pala hagheni nanghagu iara na.”

Thoutonu Eigna Mae Job 22:27

Eghuteuna kate tarai iagho ka mana na, mana ginauna nomhi nigho iagho. Eghuteuna iagho ginauna tangomana te edi gobigna lepo teke nhaꞌa cheke iagho ka mana mala edi teku ra.

Nodi Khoje Hatimare Mae Jiu 65:2

Naugna te nomhidi iagho nomi tharai ghehati gre, naikno te gnafa ka namono te gnafa gre ginauna na ari mala fafara ka iagho.

Fapea Kings 18:13

Ka nabotho fati finogha te funei King Hesekaea Juda igre, King Senakerib gna Asiria ne mei Juda balugna nogna armi na ne magra heta ne ghilei hata namono te bara te ligoho ka thina igre.

Nodi Khoje Hatimare Mae Jiu 65:3

Ghehati ghathodi nakhibomire ne eni igne. U najafra te edi ghehati igre thofno fapari ghami ghehati fara, nu te laseni ghehati na iagho tangomana te hata fadeleidi nakhibomi ghehatire.