Fapea Kings 19:18 - Buka Blahi Ka Cheke Holo

¹⁸ Eghuteuna mare gnubra fahui nodi god naiknore ka khaꞌaghi, nu god igre theome tutuani, naugna neke horo kolho naikno ka gaju nei thina eghu.

Fapea Kings 19:18 ပူးပေါင်းရင်းမြစ်များ

Mae Khuru 17:29

“Tutuani fara, tahati kafe goro thugna God. Nu God na jateula kaisei mumuju teke ghathoni ba hohoro naikno kolho sia thosei eghu ka gaoghathomire. Theo. Mana theome glepo jateula gol ba silva ba thina.

Fapea Samuel 5:21

Maedi Filistia igre rikha ne lisei faleghu nodi mumujure Baal Perasim. Aonu mae Devet baludi nogna soldia re hata mumuju igre ne tei baludi.

Fapea Kings 19:17

“Lord! Tutuani fara, ghehati lasedi king di Asiria igre goigonidi kmana naikno nei nodi kantri teu igre.

Profet Isaia 10:10

Ghehati goigonidi fara kantri te gnafa te tufru soru ka mumuju god. Nodi god mare igre kmana fara salaꞌudi nodi god naiknodi Jerusalem nei Samaria.

Fapea Kings 10:26

Aonu mare pala ne jifla mumuju thina blahi teke au jare na ne gnubra ka khaꞌaghi.

Profet Jeremaea 16:20

Ba, naikno na tangomana te hohoro nogna god thegna na? Theo. Unha glepo te hohoro naikno na theome god tutuani.”