Fapea Kings 18:9 - Buka Blahi Ka Cheke Holo

⁹ Ka fafati finogha te funei King Hesekaea Juda igne, King Salmanesa gna Asiria mei balugna nogna armi na ne kegra faligohoni namono biꞌo Samaria. Ka narane tuana, King Hosea ne king gna Israel ka fafitu finogha na.

Fapea Kings 18:9 ပူးပေါင်းရင်းမြစ်များ

Profet Hosia 10:14

Eghuteuna mae naokare ginauna mei goigoni nomi namono biꞌo ghotilo te bara te maku igre. Uve, goigoni nate eni mare igne na jateula teke eni king Salman teke groꞌe namono biꞌo Bet-Abel tifa ia eghu. Ka magra igne mare neke goigonidi fara goro gaꞌase nei thudi teure neke koko tafri ka namono na.

Fapea Kings 18:1

Ka fatilo finogha te king mae Hosea thugna mae Ela Israel igne, mae Hesekaea thugna King Ehas ne king Juda.

Profet Jeremaea 50:17

Lord ne cheke eghu, “Naiknodi Israel igre jateula sipu te ngolhi tafridi lion ra eghu. King gna Asiria teke kulu goigonidi mare na jateula lion te ghamudi sipu ra teku. Eghuteuna King Nebukadnesa gna Babilonia igne mae leghu lahu teke kina ngujadi mare jateula lion te kathu nguanguja nhubra sipu ra neku.”

Profet Isaia 36:17

Eghuteuna ghotilo ginauna au fakeli nomi ghilei thokeni narane nate hata ghami te tei iara ka namono delei te jateula nomi namono ghotilo igne teuna. Iara ginauna lisei ghami ka kaisei namono te au nagare grep, nei jaola au famane glose te mala karha wit mala eꞌei bret.

Profet Maeka 1:6

Naugna igne, Lord ne cheke eghu, “Iara ginauna goigoni fahui namono biꞌo Samaria igne. Eghuteuna namono igne ginauna jateula tothoghei chara ka glalaba ra eghu filogna na, eghuteuna ginauna jateula vido mala joꞌu gaju grep eghu kolho. Thina gringni gna namono igne, iara ginauna pili tei ka glogu ro, eghuteuna thina mala famamhaku gna namono igne ginauna fiti au kolho ka vido te krogha.