Fapea Kings 18:8 - Buka Blahi Ka Cheke Holo

⁸ Mana tei magra Filistia ne uludi mare, aonu mana vavaro nodi gobigna lepore funu ka namono ikodi tei posa ka namono biꞌo. Eghuteuna mana neke uludi namono te gnafa igre ne ghilei tei posa Gasa nei vido te gnafa te au faligohoni namono biꞌo igne.

Fapea Kings 18:8 ပူးပေါင်းရင်းမြစ်များ

Profet Isaia 14:29

Lord ne cheke eghu, “Ghotilo naiknomi Filistia ra! Theome keli te glealeꞌa fabrahu ghotilo na! Tutuani, khodo teke puri ghami iara ia la klopahi. Nu keha khodo na au ngau. Khodo igne jateula kaisei mogo faghughumhu tela lehehi ra eghu, nu thugna te karha teuna jaola faghughumhu.

Fapea Kings 17:9

Naiknodi Israel gre edi poru glepo te theome magnahaghedi Lord nodi God na. Mare hohoro nodi vido blahi mala tarai ka nodi mumuju god re ka namono te gnafa funu ka namono ikodi tei posadi namono biꞌo re.

Fapea Kronikols 28:18

Ka narane tuarela armi gna Filistia mei ne magra ka namono te au ka thogele ikodi ke mosu, nei ka namono nagou ke mata Juda. Mare uludi mae Juda ne hata namono Bet-Semes, Aejalon, Gederot, Soko, Timna, Gimso baludi namono ikodi te au faligohodi namono igre ne au ka namono te hata mare igre.

Profet Isaia 5:2

Mana dokha koko thina te au ka glose igne mala joꞌu grep. Mana horo kaisei suga mala toetoe mala reireghi vido igne. Mana eni kaisei vido ka thina mala poji sisi grep. Eghuteuna mana ginauna rouronu sisi te keli, nu sisi te diꞌa kolho te thakle mei na.

Fapea Kronikols 26:10

Eghuteuna mana jaola neke horo suga rheta mala toetoe ke lamna namono nagou. Mana dokha kmana seu, naugna mana au nogna kmana buluka ka thogele ke mosu, nei ka sare langau eghu. Mana kaisei mae te magnahaghei loku ka nagare, aonu nogna mae gloku manare joꞌu nagare grep ka thogele, eghuteuna mare tobi ka vido aheva te au glose te keli.

Ululahu Kronikols 4:41

Nu ka narane te king mae Hesekaea Juda igre, hatimare mae biꞌore tei ka nohi rhegna Gedoa igne ne goigoni nodi suga vikedi mae Ham ghe mae Meumu te au ka nohi tuana. Mare ne aknu falehe naiknore ne horo nodi suga jare naugna jare na ne au kmana gano maladi nodi sipu re.

Diutronomi 2:23

Eghuteuna jateula igne neu namono te au rhegna Thongna Mediterenian, naiknodi Krit igre hata kasa ne au tagna. Tifa te mei na, namono igre nodi namono vikegna Avim, nu naiknodi Krit igre neke aknu falehedi neke gnafa, eghuteuna mare neke hata kasa ka mare nodi namono mare igre ne tei posa ke mata Gasa.)

Josua 15:47

Eghuteuna keha namono re Asdod baludi namono te gnafa nei namono ikodi te gnafa teu te lithui, eghuteuna namono Gasa baludi namono te gnafa nei namono ikodi te gnafa teu te gnafa igre, tei posani khoꞌu ikoi te fofotagna nodi glose naiknodi Ijep ke mata na, eghuteuna tei me posani Thongna Mediterenian ke mosu na.

Ululahu Kings 5:4

Nu gognarona Lord nogu God iara na toghodi keha kantri te funei frunidi iara igre mala au ka pharikeli balumi ghehati. Eghume, jare na theo kaisei naoka ba puhi biꞌo te mala goigoni ghami ghehati na.