Fapea Kings 18:5 - Buka Blahi Ka Cheke Holo

⁵ Mae Hesekaea fatutuani ni Lord, nodi God mae Israel. Theo kaisei king gna Juda teke funei ke ulugna mana, ba ke leghugna mana, te thofno keli fara jateula mana teuna.

Fapea Kings 18:5 ပူးပေါင်းရင်းမြစ်များ

Fapea Kings 23:25

Theo kaisei king te keli fara jateula Josia teku tifa na, ba ke leghugna mana na, thono theo fara. Mana thofno ghatho tahuni Lord ka nagnafagna fateote'o, ka gaoghathogna fateote'o, nei nanhetagna fateote'o, jateula te chekeni ka nogna Vetula mae Moses.

Fapea Kings 19:10

“Iagho thosei snakreni God te fatutuani ni iagho igne mala chaghi nigho! Mana chekeni iara balugna nogu armi na ginauna theome tangomana nate hata namono Jerusalem.

Matiu 27:43

Mana au nogna grouronu ka God chekeni koba ne Thugna God teuna. Eghuteuna te ghathoni mana tutuani God na lisa laoni mala mei God fakarhini mana.”

Efesus 1:12

Naugna igne, God neke vahi ghami ghehati mala fafnaknoni thegna ka iheire teke kulu fatutuani ni mae Kraes.

Nodi Khoje Hatimare Mae Jiu 84:12

Lord God, mae ihei te au nolaghi fateo, iheire te fatutuani nigho iagho re te thofno glealeꞌa nodi fara re.

Nodi Khoje Hatimare Mae Jiu 13:5

Nu tutuani, iagho ginauna kokhoni ghau iara koba naugna iagho ne namha ghau iara fabrahu. Eghuteuna iara thofno glealeꞌa fara ka iagho, eigna iagho ginauna na togho ghau iara.

Thoutonu Eigna Mae Job 13:15

Neuba God na falehe ghau iara, iara tangomana te ofoni mana te mala fakarhi ghau na. Eghume iara ginauna cheke fadoglo ka tathagna mana na mala fakakhana puhigu iara te doglo na.

Fapea Kronikols 20:35

Kaisei fata, King Jehosafat neke eni kaisei nhaꞌa cheke balugna King Ahasaea gna Israel mae ihei te edi kmana glepo te diꞌa.

Fapea Kronikols 20:20

Hamerane boibongi ka keha narane na, hatimare mae soldia ne tarabana mala tei ka namono nagou rhegna namono Tekoa. Eghuteuna kate tei mare na, King Jehosafat ne cheke eghu ka mare, “Ghotilo maemi Juda nei Jerusalem, fanomho fakeli ghotilo ia! Fatutuani ka Lord, noda God, eghuteuna mana ginauna farheta ghami ghotilo. Ghotilo fatutuanidi nodi cheke nogna mae profet manara, eghuteuna ghotilo ginauna tangomana te uludi mae naoka re.”

Fapea Kronikols 14:11

Aonu King Asa ne tarai ka Lord nogna God. Mana ne tarai eghu, “Lord, theo kaisei jateula iagho teuna. Iagho ngala tangomana te togho ghami ghehati mae te glaꞌe fara gre, eigna ghehati theome naba te magra ka mae te nheta fara igre. Iagho togho ghami ghehati gognarogne. Lord, iagho nomi God ghehati, ghehati rouronu kolho ka iagho. Soldia igre kmana fara, nu ghehati mei ka vido igne mala magridi mare ka nanghamu iagho. Lord, iagho nomi God ghehati, iagho thosei snakreni mae tuana mala ulu ghami ghehati.”

Profet Isaia 36:7

Nu jame te cheke eghu iagho ka iara na, ghehati rouronu ka Lord nomi God kolho sia teuna, nomi Lord ghotilo tuana ginauna theome tangomana nate togho ghami ghotilo na. Naugna mae Hesekaea neke goigonidihi nogna vido blahi nei olta teu mana ra. Eghuteuna ke leghu na mana neke cheke faheta ka ghotilo naiknomi Jerusalem nei Juda mala kafe mei mala tarai kolho ka kaisei olta Jerusalem. Jame te eni mana nafnata puhi igne ka god igne na, Lord ginauna glaꞌe fara na theome tangomana te togho ghami ghotilo na.

Profet Isaia 38:3

“Lord, ghatho ghau. Iara loku ranghi nigho ka nogu nolaghi fateote'o nei ka gaoghathogu fateote'o, eghuteuna iara fariuriu fara te mala edi gobigna lepo te magnahaghedi iagho re.” Eghuteuna kate tore te gnafa na, mana ne funu tanhi fabiꞌo naugna mana ne diꞌanagnafa fara.

Fapea Kings 18:19

Mae komanda gna Asiria igne ne cheke ka thilo mare eigna mae king biꞌo gna Asiria gne magnahaghei te laseni unha te farhetani gaoghatho gna King Hesekaea,