Fapea Kings 18:31 - Buka Blahi Ka Cheke Holo

³¹ “Thosei fanomho ka mae Hesekaea. King gna Asiria igne cheke ghami ghotilo mala jifla mei ka namono na mala lisei soru ghami themi ka khamemi ghehati. Jame te leghuni ghotilo cheke igne na, ghehati ginauna snakre ghami ghotilo mala kafe ghamu grep ka nomi nagare are nei fig teke joꞌu ghotilo are eghu. Eghuteuna ghotilo ginauna tangomana te koꞌu ka nomi seu are teuna.

Fapea Kings 18:31 ပူးပေါင်းရင်းမြစ်များ

Ululahu Kings 4:25

Ka narane te King Solomon igre, naiknodi Juda nei Jerusalem teu igre ne au ka pharikeli, funu ka namono Dan ke raru tei posa mhata namono Bereseba. Mare te gnafa na au fakeli ka ghedi nagare thedire, aheva mare te joꞌu grep nei fig.

Profet Sekaraea 3:10

“ ‘Kate thoke mei narane tuana, ghotilo te gnafa na ginauna tangomana te eha meidi kherami re mala mei gnokro balumi paridi nomi gaju fig nei gaju grep ghotilo te kafe kelitamidi, te au fakeli.’ ”

Ululahu Kings 4:20

Ka narane te funei King Solomon igre naiknodi Israel nei naiknodi Juda teu igre vuragha kmana fara jateula nusu ka geri thongna ra eghu theome tangomana te kahadire. Leuleghu narane na mare ghamu nei koꞌu eghu balu glealeꞌa.

Proveb 18:16

Jame te magnahaghei mei filoni iagho kaisei mae biꞌo na, iagho hata mei kaisei namha ka mana, mana ginauna kelitagna te mei iagho te filoni mana na.

Jenesis 33:11

Eghume iara gognaro na thofno tore nigho iagho te mala hata nogu namha iara te tusu ari ka iagho igre. Eigna God na neke fablahi ghau iara neke tusu ranghi ghau iara glepo kmana fara.” Eghuteuna naugna ka te cheke heta fara mae Jekop igne mae Iso ne hata u namha tuana.

Jenesis 32:20

Ghotilo mala cheke eghu ka mana, ‘Uve, nou mae gloku iagho Jekop na ke leghumi ghehati mei!’ ” Mae Jekop ne cheke eghu ka gaoghathogna thegna na, “Ka puhi igne mae thabusigu iara na ginauna na ke ghatho ihodi teke diꞌatagna ka iara ra. Eghuteuna ka te thafo ghau iara na, mana ginauna nake keli tagna ka iara eghu.”

Fapea Kings 18:30

Eghuteuna thosei snakreni mana mala figri nagnafami are mala rouronu ka Lord. Thosei ghathoni Lord nate fakarhi ghami ginauna, eghuteuna mana ginauna na fanograni armi gna Asiria gne nate mei te hata nomi namono biꞌo ghotilo igne teuna.

Proveb 27:18

Te reireghi ni gaju te au sisigna na, iagho ginauna ghamu fuꞌa gna na. Te reireghini nogna funei na, iagho ginauna hata nafnakno biꞌo.

Profet Jeremaea 14:3

Mae biꞌore ginauna kurudi nodi mae glokure mala tei toho khoꞌu, nu seu te gnafare ginauna kafe krango hui. Mare ginauna nake pala ke figri kolho botol te besore. Mare mamaja nodi fara na toku tafru tathadi nei foflodi teure.

Ululahu Kings 5:5

Eghume, gognarona iara magnahaghei te babana kaisei Sugablahi te mala kilo fnaknoni nanghagna Lord nogu God, jateula Lord teke chekeni mana ka mae kmagu iara Devet. Lord neke cheke eghu ka mana, ‘Mae thumu iagho mae ihei nate gnokro ka sape nafnakno te mala tughu nigho iagho igne ginauna babana Sugablahi te mala kilo fnaknoni nanghagu iara na.’