Fapea Kings 18:28 - Buka Blahi Ka Cheke Holo

²⁸ Aonu mae komanda igne kegra haghe ne eha eghu fabiꞌo ka cheke Hibru, “Tore! Fanomho ka unha te chekeni king biꞌo gna Asiria igne si ghotilo!

Fapea Kings 18:28 ပူးပေါင်းရင်းမြစ်များ

Thakle 19:6

Aonu iara ne nomhidi kmana naikno fara ne eha eghu fabiꞌo. U naogla igne jateula oa'onghadi galo biꞌo ka thongna, nei jateula fila biꞌo neu ne cheke eghu, “Tahati cheke fakelini God! Noda Lord God mae ihei te au nolaghi te gnafa, iagho ngala mae King na ke uludi naikno te gnafare.

Profet Esikiel 29:3

Iagho cheke ka mare te iara Lord God te cheke eghu igne: “ ‘King gna Ijep! Iara nou naoka iagho. Iagho jateula kaisei nasava biꞌo te thuru teu ka phesigna Khoꞌu biꞌo Nael ia eghu. Eghuteuna iagho cheke eghu koba, “Khoꞌu biꞌo igne nogu iara! Iara neke eni malagu thegu!”

Nodi Khoje Hatimare Mae Jiu 47:2

Tahati mala mhaghuni Lord. Mana God te fnakno kligna lahu. Mana te mae nolaghi fara te funei frunidi naikno te gnafa ka nauthoglu igne.

Esra 7:12

“Iara King Atasekses, mae ihei te king frunidi keha king te gnafa ka nauthoglu igne, “Iara tusu ari cheke igne ka iagho Pris Esra, iagho mae velepuhigna nogna vetula God gna kligna. “Iara kubae nigho.

Fapea Kronikols 32:18

Eghuteuna mae biꞌodi Asiria igre ne eha fabiꞌo eidi glepo igre ka cheke Hibru. Mare eni igne mala mhaghu nei bobolo nodi fara eghu naiknodi Jerusalem kate bara te lithui ka thina igne. Ka gaoghathodi mare na, puhi igne nate tangomana mare nate uluni namono biꞌo igne.

Fapea Kings 18:19

Mae komanda gna Asiria igne ne cheke ka thilo mare eigna mae king biꞌo gna Asiria gne magnahaghei te laseni unha te farhetani gaoghatho gna King Hesekaea,

Fapea Kings 18:17

King Senakerib au neu ka namono Lakis, aonu ne kuruni nogna mae komanda na, baludi keha phei mae biꞌo nei kmana mae soldia mala tei filoni King Hesekaea Jerusalem. Mare tei ne au ka nabrou te tei thoke ka vido te mala titihi pohe na. Mare kegra neu rhegna vido te jajaja soru khoꞌu ka kholo igne.

Fapea Kings 18:27

Nu mae komanda gna Asiria igne ne cheke eghu ka thilo mae igre, “Ba, nogu king iara na neke kuru mei ghau iara mala chekedi glepo igre ka ghotilo balugna nomi king na neku kolho sia? Theo, iara mala jaola mei mala cheke ranghidi naikno te gnokro teu ka gringni na are neku, mare ginauna mala ghamu chara te tei koko thedi mata are, nei koꞌu namosodi thedi are jateula ghotilo thilo mae tuare eghu ginauna.”

Fapea Kings 18:29

Mana cheke ranghi ghami ghotilo mala thosei snakreni King Hesekaea mala chaghi ghami. Mana theome tangomana te fakarhi ghami ghotilo na!