Fapea Kings 18:27 - Buka Blahi Ka Cheke Holo

²⁷ Nu mae komanda gna Asiria igne ne cheke eghu ka thilo mae igre, “Ba, nogu king iara na neke kuru mei ghau iara mala chekedi glepo igre ka ghotilo balugna nomi king na neku kolho sia? Theo, iara mala jaola mei mala cheke ranghidi naikno te gnokro teu ka gringni na are neku, mare ginauna mala ghamu chara te tei koko thedi mata are, nei koꞌu namosodi thedi are jateula ghotilo thilo mae tuare eghu ginauna.”

Fapea Kings 18:27 ပူးပေါင်းရင်းမြစ်များ

Profet Esikiel 4:15

Aonu mana ne cheke eghu ka iara, “Uve, iara ginauna snakre nigho iagho mala hata charadi buluka are mala ei khaꞌaghi iagho mala kuki gheu bret.”

Profet Esikiel 4:13

Ka nafnata puhi igne, naiknodi Israel teke khi fajifladi iara te tei au ka keha kantri na are mare na ghamu gano thono thona fara ka tathagu iara na eghuteuna blahi fara te mala ghamu na.”

Lamentations 4:5

Tifa na, naiknore neke ghamu gano te keli. Gognarona, mare rofo lehe kolho ke lamna nabrou. Iheire teke biꞌo haghe ka sugadi mae te dedei ra, gognarona mare hiro gano ka chara.

Nodi Khoje Hatimare Mae Jiu 73:8

Mare maꞌedi naikno te doglo puhidire, eghuteuna mare chekedi ngala glepo te diꞌare. Mare thono fahaehaghedi fara, eghuteuna mare loku ka majora na malagna te goigonidi keha naiknore.

Fapea Kings 6:25

Mare au neu jare ne ghilei thoke mei narane te theo gano ka namono biꞌo igne. Aonu gano re theome naba sileni te mala folidi re, naugna foligna gna gano na thono haghe fara. Kaisei phaꞌugna dongki na, mare foli ka nhana salei silva, eghuteuna kaisei kapu bini na, mare foli ka glima silva.

Fapea Kings 18:17

King Senakerib au neu ka namono Lakis, aonu ne kuruni nogna mae komanda na, baludi keha phei mae biꞌo nei kmana mae soldia mala tei filoni King Hesekaea Jerusalem. Mare tei ne au ka nabrou te tei thoke ka vido te mala titihi pohe na. Mare kegra neu rhegna vido te jajaja soru khoꞌu ka kholo igne.

Fapea Kings 18:26

Aonu mae Eliakim, mae Sebna nei mae Joa eghu ne cheke eghu ka mana, “Komanda, cheke mei sagho ka ghehati ka cheke Arameik. Ghehati laseni. Thosei cheke ka Hibru, naugna naikno gnokro teu ka gringni na kligna are fanomhou.”

Fapea Kings 18:28

Aonu mae komanda igne kegra haghe ne eha eghu fabiꞌo ka cheke Hibru, “Tore! Fanomho ka unha te chekeni king biꞌo gna Asiria igne si ghotilo!

Profet Isaia 36:12

Nu mae komanda igne ne cheke eghu, “Nogu king iara na neke theome kuru ghau iara mala cheke kolho ka ghotilo balugna nomi funei na neku. Theo! Mae te au kligna ka gringni thina na are mala jaola nomhini cheke igne. Mare ginauna theome raugha ghamu chara te jifla mei ka thedi are, eghuteuna koꞌu ka kholo te jifla mei ka thedi are eghu. Ghotilo thilo mae igre ginauna na jaola eghu, naugna ginauna na theo kaisei gano nei khoꞌu eghu ka namono igne.”

Lamentations 4:4

Goro sua gegeꞌe re rodi koꞌu fara. Goro sua te ikodire tore ghedi gano, nu theo kaisei naikno te tusu ranghidi.