Fapea Kings 18:24 - Buka Blahi Ka Cheke Holo

²⁴ Nu neuba, nomi armi ghotilo na glaꞌe fara, eghuteuna ghotilo theome tangomana te uluni kaisei nogu tothoghei armi ikoi iara na. Eghuteuna neuba ghotilo ne rouronu ka Ijep te mala famei tami chariot nei soldia teu te mala magra ka hose teuna, iagho ginauna theome tangomana te ulu ghau iara na.

Fapea Kings 18:24 ပူးပေါင်းရင်းမြစ်များ

Profet Isaia 10:8

Mae king Asiria igne fahaehagheni fara neke cheke eghu, ‘Mae komanda ka nogu armi iara igne thofno nheta fara salaꞌudi keha king are!

Profet Daniel 4:37

Iara mae Nebukadnesa, iara gognarona cheke fakelini God mae king gna kligna. Gobigna lepo fateote'o te edi Mana igre thofno keli fara nei doglo eghu. Eghuteuna Mana tangomana te nhaꞌa faparini ihei te magnahaghei nhaꞌa hagheni thegna kligna lahu na.”

Profet Daniel 4:22

King, gaju te filoni iagho igne, themu iagho ngala. Iagho kaisei mae fnakno fara nanghamu na ka tathadi naikno te gnafa igre. Eghuteuna iagho au nou nolaghi biꞌo te mala funei frunidi naikno te au ka vido te gnafa ka nauthoglu igne.

Profet Esikiel 17:17

Eghuteuna nogna soldia king gna Babilonia ginauna mei nali thina nei glose eghu ka pesigna gringni thina Jerusalem, mala bligi ranghidi mare te ruma lamna na. Eghuteuna mare ginauna pulei mei glose falithuini namono igne mala tangomana mare poru ke leghudi glose igre te mala fada falehedi mae naokare. Neuba soldiadi Ijep igre ne rheta fara, nu mare ginauna theome tangomana te toghoni mana te mala magra ka mare na.

Profet Esikiel 17:15

Nu king gna Juda igne ne theome leghuni nogna nhaꞌa cheke na. Mana ne fatei cheke Ijep mala hata hose nei armi biꞌo eghu mala mei toghoni nei mala magra ka king gna Babilonia. Ba, jame te eghuna, mana eghuteuna uluni Babilonia? Ba, mana tangomana te rikha na? Theo, mae ihei te huhughuni nogna nhaꞌa cheke na, mala au papara!

Profet Jeremaea 37:7

“Iara Lord, nodi God maedi Israel, igne nogu cheke iara na: Iagho tei cheke eghu ka king gna Juda, mae ihei teke kuru mei nigho ka iara igne, ‘Neuba armi gna Ijep igne ne mei togho ghami ghotilo, mare ginauna na theome tangomana nate mei posa agne na, nu mare nake figri kolho Ijep.

Profet Isaia 36:9

Nu neuba, nomi armi ghotilo na glaꞌe fara, eghuteuna ghotilo theome tangomana te uluni kaisei ofisa ka nogu armi iara na. Eghuteuna neuba iagho ne rouronu Ijep te mala famei chariot, nei soldia mala magra ka hose neu, iagho ginauna theome tangomana te ulu ghau iara na.

Profet Isaia 36:6

Iara lase nigho iagho khogla rouronu kolho ka king gna Ijep. Nu te chekeni iara ka iagho na! Ijep gne jateula kaisei gaju ikoi te nali klopara eghu kolho theome nheta! Jame te fariuriu kodo iagho tagna na, iagho ginauna fnera tagna. Tuana unha nate eni king gna Ijep ka ihei te rouronu ka mana na.

Profet Isaia 31:3

Naiknodi Ijep igre theome god, nu mare naikno kolho. Eghuteuna nodi hose re glepo tautagu kolho, reꞌe jaola tangomana te lehe na. Ka narane te fakakhana Lord nogna nolaghi na, mana ginauna goigonidi naiknodi Ijep ka magra. Mana ginauna jaola goigonidi iheire te rouronu kolho ka naiknodi Ijep.

Profet Isaia 31:1

Kokhoni ghami fara ghotilo naikno te soru te hiro thotogho Ijep are! Ba, ginauna na togho ghami nodi hose baludi chariot nei mae soldia te saghe ka hose na are neu si ghotilo ia? Theo fara! Lord nodi God te Blahi maedi Israel, nu ghotilo theome rouronuni mana kolho ba toreni mana mala togho ghami.

Fapea Kings 18:21

Iagho rouronu ka king gna Ijep te mala togho nigho na? Nu tuana jateula kaisei fora ikoi te kodo iagho tagna, eghuteuna klopa me fnera iagho khamemu na tagna teu ra eghu kolho. Tuana unha te eni king gna Ijep ka ihei te rouronu ka mana na.

Diutronomi 17:16

Eghuteuna king igne theome mala au kmana hose ka nogna armi na, ba kurudi keha mae mala ke pulo Ijep mala foli hose. Naugna Lord neke chekehi mala thosei ke pulo ghotilo Ijep.

Fapea Kings 18:23

“Iara ginauna eni kaisei baubahu ka iagho ka nanghagna king gna Asiria. Iara ginauna tusu ranghi nigho iagho phei thogha hose jame tangomana iagho te hirodi kmana mae te mala saghe tadi re!

Fapea Kings 18:25

Ba, ne mei iara leghuni nogu gaoghatho thegu na mala mei magra mala roꞌeni nou kantri igne neu sagho ia? Theo. Lord thegna neke kilo mei ghau iara mala goigonini kantri igne.”

Jenesis 50:9

Mae te saghe ka chariot nei saghe ka hose teure ne jaola ne tei balugna mae Josep. Jajagha biꞌo fara te tei na.

Ululahu Kings 20:10

Aonu, King Ben-Hadad neke fatei cheke igre ka King Ehab, “Iara ginauna kuru ari kmana soldia mala ari roꞌeni Samaria. Eghuteuna mare ginauna na paꞌe soru nomi suga ghotilo are ghilei vuhai chara kolho. Jame te theome eni iara igne na, nogu god iara igre ginauna falehe ghau iara.”

Profet Isaia 30:1

Igne nogna nonomho Lord. Mana neke cheke eghu, “Kokhoni ghami fara ghotilo mae mala baubatu te patugama fara ra! Naugna ghotilo ne leghuni kolho nomi gaoghatho themi te theome nogu gaoghatho iara na. Eghuteuna ghotilo nhaꞌa cheke baludi keha kantri delei mala togho ghami ka magra. Igne theome leghuni nogu gaoghatho iara na, naugna igne ghotilo tapla jafra fabrahu ka nakhibo.

Profet Esikiel 29:6

Eghuteuna naikno te gnafa Ijep igre ginauna thofno laseni te iara Lord. “ ‘Naiknodi Israel igre mala rouronu nigho iagho baludi nou naikno iagho re mala toghodi mare, jateula mae te rouronu ka nogna khodo na ia eghu. Nu ghotilo diꞌa kolho jateula kaisei gaju ka buburu te theome maku ia eghu kolho.