Fapea Kings 17:9 - Buka Blahi Ka Cheke Holo

⁹ Naiknodi Israel gre edi poru glepo te theome magnahaghedi Lord nodi God na. Mare hohoro nodi vido blahi mala tarai ka nodi mumuju god re ka namono te gnafa funu ka namono ikodi tei posadi namono biꞌo re.

Fapea Kings 17:9 ပူးပေါင်းရင်းမြစ်များ

Fapea Kings 18:8

Mana tei magra Filistia ne uludi mare, aonu mana vavaro nodi gobigna lepore funu ka namono ikodi tei posa ka namono biꞌo. Eghuteuna mana neke uludi namono te gnafa igre ne ghilei tei posa Gasa nei vido te gnafa te au faligohoni namono biꞌo igne.

Profet Hosia 12:11

Neuba iara ne edi glepo igre, kmana ka ghotilo te au ka namono biꞌo Gilead igre edi kmana puhi te diꞌa. Ghotilo naikno te au ka namono tuana fafara ka mumuju. Eghuteuna ghotilo ginauna na kafe lehe kolho. Eghuteuna, nomi olta ghotilo te mala fafara ka mumuju tuare ginauna na jateula bukrei thina te au ka vido te gaera eghu theo nafudi kolho.

Profet Esikiel 8:12

Aonu Lord ne cheke eghu ka iara, “Maegna ka nauthoglu. Ba, iagho la filoni glepo te eni poru mae mala baubatu ka naiknodi Israel igre? Mare tei ne poru ke lamnagna nodi vido blahi na, mala tarai ka nodi mumuju god na. Eghuteuna mare ne cheke eghu, ‘Lord na theome tangomana te filo ghita na. Mana la tei kokonihi noda kantri tahati igne.’ ”

Thoutonu Eigna Mae Job 31:27

Iara theome poru te mala kilo fnaknodi phei glepo igre. Eghuteuna iara theome gnangho ka khamegu na mala pogho sorudi phei glepo igre.

Diutronomi 27:15

“ ‘Puhi biꞌo ginauna thokeni ihei te hata thaba ba thina ba aean mala hohoro mumujudi keha god delei, eghuteuna pophoru mala pogho soru tagna. Lord thono tirognadi fara nafnata mumuju igre!’ Eghuteuna naiknore ginauna cheke eghu, ‘Amen!’

Diutronomi 13:6

“Neubane thabusimi, ba thumu, ba khetomu ihei iagho te namhani fara, ba kaisei mae kheramu fofodu keli, jame kaisei ka mare mei cheke poru eghu ka iagho, ‘Tapa ari mala tarai ka keha god delei,’ iagho thosei fanomho ka mana! Jau mana magnahaghei ghami ghopa te tei tarai ka nodi god naikno te au rhemi ghotilo are, ba nodi god naikno te au khaba ka ghotilo are. Jau mana magnahaghei ghami ghopa te tei tarai ka nodi god naikno te au ka glose igne, god teke theome lasedi ghotilo nei kuꞌemi tifa ra. Nu iagho thosei fanomho tagna. Eghuteuna iagho thosei diꞌanagnafamu, nei iagho thosei pophoru mae igne mala theome thokeni mana papara na.

Diutronomi 29:25

“Eghuteuna naiknore ginauna cheke tughu eghu, ‘Naugna mare neke theome leghuni u nhaꞌa cheke teke eni mare balugna Lord nodi God mae kuꞌedi ra, kani teke hata fajifladi ka kantri Ijep.

Nodi Khoje Hatimare Mae Jiu 78:58

Mare fa eꞌei mala diꞌatagna fara God eghu, ka puhi te tarai mare ka keha god delei ka thogele na. Ka puhi te fakegra haghe mare mumuju na igne ngala te thofno diꞌatagna fara God na.

Profet Isaia 29:15

Tore! Kokhoni ghami fara ghotilo iheire te fariuriu pophoru ka Lord nomi gaoghatho te diꞌare. Ba? Na theo kaisei naikno nate filodi nomi gloku nei puhimi eghu te diꞌa tuare neu si ghotilo ia?

Profet Esikiel 20:28

Kate hata iara kuꞌemi ghotilo ra te tei au ka kantri teke nhaꞌa chekeni iara teke tusu falao ka mare igne na, mare neke filoni kaisei thogele kligna, ba kaisei gaju biꞌo te au kmana khaklagna mala fafara ka mumuju god ka vido tuana. Iara thono diꞌatagu fara kau fafara igre, nei ka waen te tusu lao mare ka god te chaichaghi igre.