Fapea Kings 17:8 - Buka Blahi Ka Cheke Holo

⁸ eghuteuna mare leghuni nodi kastom iheire Lord teke khi fajifladi ka nodi vido glose naiknodi Israel. Eghuteuna mare leghuni kastom majaghani teke farirhiu hatimare mae king di Israel.

Fapea Kings 17:8 ပူးပေါင်းရင်းမြစ်များ

Fapea Kings 16:3

Mana leghudi puhidi mae king di Israel te diꞌa tifa ra. Eghuteuna mana neke gahu thofno thugna na neke fafara ka mumuju. Glepo igne thofno leghuni puhidi naiknodi tifa te thofno diꞌa fara ra, eghuteuna Lord neke khi fajifladi naikno bongihehe igre ka nodi vido glose naiknodi Israel.

Diutronomi 18:9

Mae Moses ne cheke eghu, “Kate tei ghotilo ka glose aheva Lord nomi God teke tusu lao ka ghotilo na, ghotilo thosei leghudi puhidi naikno te diꞌa te au ka vido tuana.

Levitikas 18:3

Tifa na ghotilo neke au Ijep, eghuteuna gognarona iara hata ghami ghotilo tei Kenan, nu ghotilo thosei leghudi puhi te diꞌa te edi naiknodi phei kantri Ijep ghe Kenan.

Profet Maeka 6:16

Glepo igre ginau thoke ghami ghotilo, naugna ghotilo ne leghudi fabrahu puhidi phei king te diꞌa igre, King Omri ghe thugna mana King Ehab. Eghume iara ginauna goigoni namono igne, eghuteuna naikno te gnafa ka kantri gne mare ginauna ghatho fapari ghami ghotilo nei cheke fadiꞌa ghami ghotilo.”

Profet Hosia 5:11

Naꞌau papara te brana fara jateula khaꞌaghi teu igne ginauna jaola thoke mei Israel. Iara ginauna na fatedi mare, naugna mare ne tei hiro nodi mae king delei mala mei toghodi. Nu mae king igne ginauna theome tangomana nate mei te toghodi mare na.

Profet Jeremaea 10:2

Lord ne cheke eghu, “Thosei leghuni puhidi naiknodi keha kantri are. Eigna mare tangomana te filodi thua nafnata fagaglana te thakle mei ka maloa. Nu neuba mare ne mhaghudi fagaglana tuare, ghotilo thosei mhaghudi.

Fapea Kings 21:2

King igne neke theome keli ka tathagna Lord. Mana leghudi fabrahu puhidi naikno di Israel tifa ra. Naugna igne Lord teke khi fajifladi ka nodi namono naiknodi Israel.

Fapea Kings 17:19

Nu neuba, naiknodi Juda gre jaola theome leghudi nogna vetula Lord nodi God na. Mare leghuni puhi majaghani te mala tarai te fufunu haghe naiknodi Israel igre.

Fapea Kings 16:10

Kate tei King Ehas Damaskas mala filoni King Tiglat-Pilesa tekuna na, mana ne filoni kaisei olta jare. Aonu mana ne eni kaisei te ikoi jateula olta igne teuna neke hata neke pulo ka mae Pris Uraea Jerusalem.

Ululahu Kings 21:26

Mana leghuni puhigna khetogna na ne pogho soru ka mumuju jateula teke edi naikno di Amo tifa ra neu. Lord neke khi fajifladi ka nodi vido glose teke tusu lao ka naiknodi Israel.)

Ululahu Kings 12:28

Kate ghaoghatho fakelini igne, mae Jeroboam ne edi phei mumuju buluka nalhaꞌudi ka gol. Aonu mana ne cheke eghu ka naiknore, “Kmana fata ghotilo tei tarai koba Jerusalem, nu gognarona ghotilo thosei ke tei jare. Filo si ghotilo. Igre phei nomi god ghotilo maemi Israel ra. Phiamare neke hata kuꞌemi ghotilo tifa ra neke jifla Ijep.”

Profet Esikiel 5:6

Neuba, naikno te gnafa Jerusalem igre theome magnahaghedi kolho nogu cheke iara re. Puhidi te diꞌa re thono diꞌa fara salaꞌudi puhidi naiknodi keha kantri te au lithuidi mare are. Mare tirodi leghu ghau iara, ba fanomho ka nogu cheke iara re, eghuteuna mare theome magnahaghei te leghudi nogu vetula iara re.

Eksodas 23:24

Ghotilo thosei pogho soru ba tarai ka nodi mumuju god naikno te au ka namono tuare. Ghotilo thosei atha nafnata tharai te edi naikno tuare. Ghotilo roꞌe fahui mumuju god te pogho mare tadi are, nei jaola kuri leuleghu thina blahi te kegra teu ka vido te mala tarai mare na are.

Levitikas 26:1

Lord ne cheke eghu, “Ghotilo thosei horo mumuju blahi, ba kaisei nafnata glepo mala tarai ghotilo tagna. Eghuteuna ghotilo mala thosei fakegra haghe thina mumuju brahu mala pogho soru ghotilo tadi, naugna iara Lord, nomi God ghotilo.

Fapea Kings 17:40

Nu naiknodi keha kantri te mei te au Samaria igre mare theome fanomho ka cheke igre. Mare leghudi kolho nodi kastom tiatifa thedi re.