Fapea Kings 17:7 - Buka Blahi Ka Cheke Holo

⁷ Namono biꞌo Samaria igne ne snagu ka armi gna Asiria, naugna naikno di Israel igre ne theome doglo ka tathagna Lord nodi God, mae ihei teke fakarhidi ka nogna nolaghi king gna Ijep. Naiknodi Israel igre mare tarai ka keha god delei,

Fapea Kings 17:7 ပူးပေါင်းရင်းမြစ်များ

Josua 23:16

Lord na noda God tahati. Jame te huhughuni ghotilo nogna nhaꞌa cheke mana teke eni baluda tahati ia, eghuteuna jame te tei ghotilo te pogho soru ka keha god delei na, mana ginauna diꞌatagna fara ka ghotilo eghuteuna ginauna thofno para ghami ghotilo. Eghuteuna jame te eghu ghotilo na, theo kaisei ka ghotilo nate au ka famane glose teke tusu ari mana ka ghotilo ana.”

Profet Jeremaea 10:5

Mumuju igre tharu maei kolho, jateula thotogale naikno te mala famamhaghu nanghaji ka nagare sopho ra eghu kolho. Mumuju god igre theome tangomana te cheke na nei jaola theome tangomana te nolo na. Ghotilo thosei mhaghudi, eigna mare theome tangomana te goigoni ghami ghotilo na, nei jaola theome tangomana te togho ghami ghotilo na.”

Nehemaea 9:26

“Nu neuba ngau, mare figri tagru nigho nei theome leghu nigho, nei theome magnahaghedi nou vetulare. Mare falehedi nou mae profet, mae iheire te mala cheke ranghidi mala teke pulo mei mare ka iagho. Mare edi thua nafnata glepo te diꞌa mala goigoni nigho iagho.

Eksodas 20:2

“Iara Lord, nomi God ghotilo. Iara neke atha fajifla ghami ghotilo ka naꞌau sosolo Ijep neke atha mei ghami ghotilo agne.

Fapea Kronikols 36:5

Ka narane te king Jehoakim Juda na, mana neke varadaki glima finogha gna. Eghuteuna mana king Jerusalem nabotho kaisei finogha. King igne mana edi glepo te diꞌa ka tathagna Lord nogna God.

Fapea Kings 17:35

Lord neke eni kaisei nhaꞌa cheke baludi naiknodi Israel gre neke cheke eghu ka mare, “Thosei tarai ka keha god delei: thosei pogho soru tadi ba loku ranghidi ba fafara tadi.

Fapea Kings 16:2

Ka narane tuare, mana varadaki finogha gnahi. Eghuteuna mana king Jerusalem nabotho namno finogha. Nu mana theome leghuni puhigna King Devet, kuꞌegna tifa ia. Mae Ehas gne edi fabrahu glepo te theome doglo ka tathagna Lord.

Ululahu Kings 15:3

King Abaeja leghuni puhigna kmagna te diꞌa na. Mana theome ghatho tahuni Lord, nogna God na, jateula teke eni kuꞌegna King Devet tifa ia neku.

Ululahu Kings 11:4

Kate kueku'e mana na, khetogna mana igre batuni gaoghathogna mana na mala tarai ka mumuju god. Gaoghathogna mana na theome ghatho tahuni Lord, nogna God na. Mana ne theome jateula King Devet, mae kmagna teke ghatho tahuni Lord.

Jajis 6:10

Ka narane tura iara neke cheke eghu ka ghotilo, ‘Iara Lord, nomi God ghotilo, eghume ghotilo thosei ghatho tahudi nodi god chaichaghi naiknodi Amoa, neuba ghotilo ne au ka nodi glose mare igne.’ Nu ghotilo theome fanomho kolho ka nogu cheke iara na.”

Diutronomi 31:29

Iara laseni ke leghugna te lehe iara na, ghotilo ginauna na thofno diꞌa fara, eghuteuna ghotilo ginauna figri tagrudi glepo te farirhiu ghami iara igre. Eghume ka narane nate mei are puhi biꞌo ginauna thoke ghami ghotilo, naugna ghotilo ne edi glepo te diꞌa te diꞌatagnadi fara Lord re.”

Ululahu Kronikols 5:25

Naiknodi thilo vike igre theome ghatho tahuni nodi God mae kuꞌedi tifa ra. Mare ne funu tarai ka nodi mumuju god iheire teke roꞌedi God ka namono Kenan.

Profet Esikiel 39:24

Iara paradi mare nabadi puhi mare te thono diꞌa fara ka tathagu iara na, eigna iara theome magnahaghei te filodi mare.

Profet Hosia 12:14

Nu ghotilo vikedi mae Israel igre edi kmana puhi te thono diꞌa fara. Nu Lord ginauna thofno para ghami ghotilo maemi Israel, naugna ghotilo tapla jafra ka nakhibo ne cheke faparini nanghagna mana na.

Nodi Khoje Hatimare Mae Jiu 78:12

God neke eni kaisei kofubobhoi mala filoni mare neku ka sare na jare Soa ka kantri Ijep.

Profet Isaia 57:5

Kate tarai ghotilo ka nomi god te chaichaghi are na, ghotilo tei eni puhi te diꞌa na baludi goro gaꞌase vine ke pari gaju biꞌo. Ghotilo tei ka gluma thina te au ka geri glogu, eghuteuna ghotilo aknu falehe thumire mala fafara ka nomi mumuju god.

Profet Hosia 4:12

Eghuteuna ghotilo tarai koba ka mumuju teke hohoro kolho naikno igre, mala falalase ranghi ghami gaoghathodi nomi mifire. Te chekeni koba ghotilo na, vido gaju teke hohoro ghotilo themi igre nate falalase ka ghotilo unha te magnahaghei laseni ghotilo na. Ka puhi igre te ghatho iho ghau iara ghotilo na, eghume, ghotilo jateula gaꞌase te ghatho ihoni khetogna na te snakreni thinigna na ka keha nalhaꞌu delei ra eghu. Ghotilo lisa lao ghami themi mala nogna naikno mumuju, mala funei frunidi mumuju nakarhami are.

Profet Hosia 4:13

Ghotilo tei fafara nei gahu insens eghu ka mumuju ke pari gaju biꞌo ka thogele blahi are. Eghume, thumi gaꞌase ghotilo are ginauna khasidi ka ghotilo mala vine, nei mala gaꞌase glalaba eghu tafri kolho.