Fapea Kings 17:27 - Buka Blahi Ka Cheke Holo

²⁷ Aonu king ne cheke eghu ka nogna naiknore, “Ghotilo kuru fapuloni kaisei mae pris gna Samaria teke hata teke fasosolodi tahati ra, ghotilo snakreni mana mala ke pulo au jare, mala tangomana mana te farirhiudi naiknore nogna vetula God gna namono tuana.”

Fapea Kings 17:27 ပူးပေါင်းရင်းမြစ်များ

Fapea Kronikols 11:15

Jeroboam fablahidi nogna pris thegna re te mala loku ka vido blahire. Mare tarai tufru soru ka mumuju nanigot nei ka sua buluka.

Ululahu Kings 13:2

Eigna Lord ne diꞌatagna fara ka olta igne ne cheke ranghini mae profet igne mala tei cheke eghu mana. “Iagho olta! Igne unha teke chekeni Lord na, ‘Kaisei mae sua ginauna karha mei ka vikegna mae Devet, nanghagna na mae Josia. Mana ginauna hata mae pris teke fafara ke klignamu iagho ra mala falelehe ke klignamu iagho. Eghuteuna mana ginauna gahu nhubradi re ke klignamu iagho.’ ”

Ululahu Kings 12:31

King Jeroboam jaola ne horo kaisei Sugablahi ikoi ke kligna thogele mala tarai ka mumuju. Eghuteuna mana ne vavahi keha mae te theome vikegna mae Livae mala pris.

Jajis 17:13

Eghuteuna Maeka ne cheke eghu, “Iara gognarona laseni Lord ginauna mana fablahi ghau iara, naugna kaisei mae Livaet la nogu pris iara.”

Fapea Kings 17:26

Aonu keha naikno ne toutonu ka king gna Asiria na eidi naikno te au sukha ka namono te gnafa Samaria igre te theome laseni nogna vetula God gna namono tuana, aonu God igne kurudi lion re ne ghamu keha ka mare.

Fapea Kings 17:28

Aonu kaisei mae pris gna Samaria teke hata mare igne neke pulo mei neke au Betel, eghuteuna mana ne funu farirhiudi naiknore eigna puhi te mala tarai ka Lord na.

Esra 7:25

“Iagho ghema Esra, loku ka famane gaoghatho te keli teke tusu ranghi nigho nou God na mala vavahi mae funei nei mae mala fate mala tangomana mare te fate ka puhi te doglo. Naikno te au ka provins ke mosu Khoꞌu biꞌo Iufretis igre mare leghudi nogna Vetula nou God iagho na. Eghuteuna jame ihei te theome lasedi Vetula igre na, te keli na, iagho mala farirhiudi.