Fapea Kings 17:24 - Buka Blahi Ka Cheke Holo

²⁴ King gna Asiria hata mei naikno funudi ka namono biꞌo Babilonia, Kut, Ava, Hamat, nei Sefavaem, mare ne au sukha Samaria ke tughudi naiknodi Israel te tei au sosolo ka kantri Asiria. Mare khotogna namono Samaria nei ka namono te gnafa te au faligohoni vido igne.

Fapea Kings 17:24 ပူးပေါင်းရင်းမြစ်များ

Fapea Kings 18:34

Aheva si nodi god naiknodi maedi Hamat, Apad, Sefavaem, Hena nei Iva teura? God tuare theome tangomana te fakarhini kolho Samaria ka nogu nolaghi iara na!

Fapea Kings 19:13

King di Hamat, Apad, Sefavaem, Hena, nei Iva teura au si ra? Theo. Aknu falehehi ghehati sira.”

Matiu 10:5

Ka narane te kuru fajifladi mana nabotho phei nogna mae fanomhore, mae Jisas ne cheke eghu ranghidi mala edi mare glepo igre, “Ghotilo thosei tei ka nohi te theome au mae Jiu nei ka namonodi mae Samaria.

Profet Isaia 37:13

King di Hamat, Apad, Sefavaem, Hena, nei Iva teura au si ra? Theo. Aknu falehehi ghehati si ra.”

Profet Isaia 36:19

Ka teke tei magra ghehati ka namono biꞌo Hamat, nei Apad, nei Sefavaem tekura? Ahevau si nodi god mare ra neke theome mei fakarhadi mare? Eghuteuna ka narane teke tei magra ghehati Samaria ia, nodi god mae Samaria ra neke fakarhadi mare neke tapla fapari ghami ghehati? Theo kolho!

Profet Isaia 10:9

Mare uludihi namono Kakemis, Kalno, Apad, Hamat, Damaskas nei Samaria.

Fapea Kronikols 33:11

Aonu Lord ne snakredi komandadi armi gna Asiria mala mei magra ka mare. Mare ne lokini Manase, ne fachakhi lao thagho ka nehugna mana na. Mare haruni mana chen teke horo ka bras, eghuteuna mare hatani mana ne tei Babilon.

Fapea Kings 18:31

“Thosei fanomho ka mae Hesekaea. King gna Asiria igne cheke ghami ghotilo mala jifla mei ka namono na mala lisei soru ghami themi ka khamemi ghehati. Jame te leghuni ghotilo cheke igne na, ghehati ginauna snakre ghami ghotilo mala kafe ghamu grep ka nomi nagare are nei fig teke joꞌu ghotilo are eghu. Eghuteuna ghotilo ginauna tangomana te koꞌu ka nomi seu are teuna.

Fapea Kings 17:6

Ke lamnadi nheva finogha te funei King Hosea Israel igre, king gna Asiria ne uluni namono biꞌo Samaria, aonu king gna Asiria igne huhurudi naiknodi Israel igre hata ne tei ka nogna kantri na. Kehare au ka namono Hala, kehare au rhegna khoꞌu biꞌo Habor ka nohi Gosan, eghuteuna kehare ka namono Media.

Ululahu Kings 8:65

Aonu King Solomon nei naikno te gnafa Israel igre ne ei gaghamu biꞌo eigna grorofe, mare ne eni gaghamu igne fitu narane. Eghuteuna ke leghugna igne mare neke eni gaghamu igne nabagna keha fitu naranei. Ka narane igre kmana naikno fara te mei funu ka namono ke raru Lebo-Hamat, tei posa ka khoꞌu ikoi ka nohi ke mata Ijep.

Profet Isaia 37:18

“Lord! Tutuani fara king di Asiria te goigonidi kmana naikno ke lamnadi kantri igre.

Profet Jeremaea 21:2

“Tarai ka Lord mala fakarhi ghita, naugna mae Nebukadnesa mae king gna Babilonia balu nogna soldia meihi mala magra ka tahati. Glahu eni Lord kaisei kofubobhoi jateula teke eni mana tifa ia eghu, mala ke figri mae king igne balugna nogna armi na.”

Profet Jeremaea 50:1

Igne cheke gna Lord teke toutonu ranghini profet Jeremaea eigna namono biꞌo Babilon baludi keha namono biꞌo te au ka kantri Babilonia. Lord neke cheke eghu:

Profet Isaia 11:11

Ka narane tuana, Lord ginauna fakakhana nogna nolaghi na mala ke hata fapulo nogna naiknore ka nodi thofno namono re, naikno te au teu Asiria, Ijep, Sudan, Elam, Babilonia, Hamat nei ka moumolu te au ka nhorora Mediterenian.