Fapea Kings 17:21 - Buka Blahi Ka Cheke Holo

²¹ Ke leghugna te fotadi Lord Israel ghe Juda gre na, naiknodi Israel gre ne vahini mae Jeroboam, thugna mae Nebat igne te mala nodi king na. Mae Jeroboam lhotidi naiknore ka Lord, eghuteuna batudi ka nakhibo te thono diꞌa fara tulao.

Fapea Kings 17:21 ပူးပေါင်းရင်းမြစ်များ

Ululahu Kings 11:11

God ne cheke eghu ka mae Solomon, “Gaoghatho te diꞌa te au ka iagho igne, te theome leghudi iagho noda nhaꞌa cheke tapa ra, nei theome leghudi nogu cheke iara ra teuna. Eghume iara ginauna na hata fadelei ka iagho nogna nolaghi vikemu iagho te mala king gna Israel na, eghuteuna iara ginauna tusu lao nolaghi igne ka kaisei nou mae biꞌo iagho.

Ululahu Kings 11:31

Aonu mana ne cheke eghu ka mae Jeroboam, “Iagho hata nabotho nabreku igre. Lord nodi God maedi Israel igre ne cheke eghu, ‘Filo sagho! Iara ginauna hata fadelei nodi nolaghi vikegna King Solomon te mala king frunini Israel igne. Eghuteuna iara ginauna tusu ari nabotho vike ka iagho mala funei frunidi iagho.

Ululahu Kings 14:16

Lord ginauna lisa koko ghita, naugna King Jereboam ne tapla jafra ka nakhibo, eghuteuna mana batudi naiknore mala jaola tapla jafra tahati ka nakhibo.”

Jone 19:11

Mae Jisas ne cheke eghu ka mae Paelat, “Iagho theo kaisei nou nolaghi ke klignagu iara. Nu iagho tangomana te tupijuru ghau iara na, naugna God neke snakre nigho iagho te mala eni tuana. Nu mae ihei te snakre ghau iara ka khamemu iagho na, mana thono nakhibogna biꞌo fara ke tulao mu iaghoi.”

Profet Isaia 7:17

Naugna te tirouni iagho Lord na, Lord ginauna hata mei kaisei puhi biꞌo te thono diꞌa fara ka tharaknamu nei vikemu teu iagho igre. Puhi biꞌo igne ginauna thono diꞌa fara salaꞌudi narane teke fnota pea Israel ghe Juda tifa ra. Lord ginauna chekeni king mala hata mei armi gna Asiria mala magra ka iagho.”

Nodi Khoje Hatimare Mae Jiu 25:11

God, leghuni sagho nou nhaꞌa cheke na hata fadeleidi nakhibogu gre, naugna nakhibogu iara gre kmana fara.

Fapea Kronikols 11:15

Jeroboam fablahidi nogna pris thegna re te mala loku ka vido blahire. Mare tarai tufru soru ka mumuju nanigot nei ka sua buluka.

Fapea Kronikols 11:11

Mana bara ne ligoho ka thina namono igre, eghuteuna mana vahidi hatimare mae komanda mala fiofilodi namono igre. Eghuteuna ka namono igre, mana nanhaꞌa gano, oliv oel, nei waen.

Ululahu Kings 14:8

Ulu lahu na, iara neke hata fadelei ka vikegna king Devet nolaghi te mala funei frunidi naiknore neke tusu ari ka iagho. Nu iagho theome jateula nogu mae gloku iara mae Devet mae ihei teke thofno leghu ghau iara fabrahu ia eghu. Mana neke leghudi nogu cheke iara re, eghuteuna edi gobigna lepo te doglo ka tathagu iara na.

Ululahu Samuel 2:24

Ghopa koko puhi te diꞌa tuare! Puhi te edi ghopa tuare, nogna naikno Lord igre toutonudi re thono diꞌa fara!

Ululahu Samuel 2:17

Igne nakhibodi phei thugna mae Eli te thono diꞌa fara ka tathagna Lord na igre, naugna phiamae igre theome ghatho tahuni nogna fafara mana na.

Eksodas 32:21

Moses ne cheke eghu ka Eron, “Unha teke edi naikno gre ka iagho na mala batudi iagho ka nakhibo biꞌo te thono diꞌa fara igne?”

Jenesis 20:9

Aonu mae Abimelek ne ehani mae Ebraham ne cheke eghu ka mana, “Ghema, iara neke theome eni kaisei najafra ranghi nigho iagho! Nu iagho ne eni puhi biꞌo igne ranghi ghau iara nei ranghidi nogu naikno iara gre neu. Puhi te eni iagho igne theome doglo.”

Ululahu Kings 13:34

Igne nakhibogna mae Jeroboam, eghuteuna nakhibo igne ne goigoni vikegna mana na. Eghuteuna mare te gnafa ka vike igne ne kafe lehe.

Fapea Kings 17:22

Mare leghuni puhigna mae Jeroboam te diꞌa na ne edi fabrahu puhi te diꞌa te edi mana re,

Fapea Kings 3:3

Neuba, mana leghuni puhigna King Jeroboam, thugna Nebat te diꞌa tifa ia neke batudi naiknodi Israel ka nakhibo.