Fapea Kings 17:20 - Buka Blahi Ka Cheke Holo

²⁰ Lord ne thono tirognadi fara naiknodi Israel gre ne paradi mare. Eghuteuna mana ne lisa laodi ka khamedi nodi naokare, ghilei leghu lahu na mana theome magnahaghedi mare te mei namo ka mana na.

Fapea Kings 17:20 ပူးပေါင်းရင်းမြစ်များ

Fapea Kings 15:29

Ka narane tuare, King Tiglat-Pilesa gna Asiria mei ne magra Israel. Mana uluni magra igne ne hata namono igre: Ijon, Abel-Bet-Maka, Janoa, Kedes, Haso. Mana jaola ne uludi namono te au ka thilo nohi Gilead, Galili nei ka nohi Naftali, eghuteuna mana hata naiknore ne tei Asiria.

Profet Jeremaea 6:30

Naugna mae igre jateula chara silva eghu kolho, iara Lord la figri tagrudihi naikno te diꞌa igre.”

Fapea Kings 13:3

Aonu Lord ne diꞌatagna ka naiknodi Israel igre, kmana finogha mana neke snakredi mala au ke parigna nogna nolaghi King Hasael gna Siria ghe Ben-Hadad mae thugna na.

Fapea Tesalonika 1:9

God ginauna paradi fabrahu naikno tuare. Mana ginauna theome snakredi iheire te theome laseni God nei iheire te theome magnahagheni thofno karha te mala au balugna Lord, nei lisei fadeleidi ka nogna nolaghi te biꞌo.

Matiu 25:41

“Iara ginauna cheke eghu ka naikno te diꞌa te au fei mairigure, ‘Tei nomi delei! Naugna te chekeni God na ghotilo ginauna mala tei au ka fate! Ghotilo ginauna tei au ke lamna khaꞌaghi te karha fabrahu na. Khaꞌaghi tuana neke kulu tarabana God malagna mae Satan nei nogna tothoghei engel.

Profet Jona 1:10

Kate nomhini mare igne, mare ne thono mhaghu nodi fara, naugna mae Jona chekenihi mana te fariuriu rikhani Lord. Mare ne cheke eghu ka mana, “Tore! Faꞌunha ne eni iagho glepo igne?”

Profet Jona 1:3

Nu mae Jona ne tirogna, ne fariuriu rikhani Lord mala tei ka namono Spen te khaba ke mosu. Aonu mana ne tei ka namono Jopa te au ka geri thongna na ne filoni kaisei vaka tarabana mala tei Spen. Mana foli pasis ne tei lamna ka vaka igne mala rikhani Lord. Aonu mare jifla Jopa ne tei Spen.

Profet Jeremaea 46:28

Iara ginauna na au balumi ghotilo, eghuteuna iara ginauna na fakarhi ghami ghotilo. Iara ginauna na goigonidi kantri teke atha ghami ghotilo are, nu iara ginauna na theome goigoni ghami ghotilo. Nu neuba, iara ginauna para ghami ghotilo eidi nakhibo teke edi ghotilo ranghi ghau iara ra. Nu iara ginauna na theome para ghami ghotilo.” Igne cheke gna Lord.

Profet Isaia 45:25

Iara Lord, iara ginauna toghodi iheire nate karha mei ka vikegna Israel mala leghuni puhi te doglo na, eghuteuna mare ginauna na thofno kilo fnakno ghau iara.

Nehemaea 9:2

Iheire teke karha mei ka vikegna Israel kolho te kegra ka vido igne, eghuteuna theo kaisei mae ka keha vikere te au baludi mare na. Mare cheke thakledi nakhibodi re baludi puhidi kuꞌedi te diꞌa tifa ra.

Fapea Kings 18:9

Ka fafati finogha te funei King Hesekaea Juda igne, King Salmanesa gna Asiria mei balugna nogna armi na ne kegra faligohoni namono biꞌo Samaria. Ka narane tuana, King Hosea ne king gna Israel ka fafitu finogha na.

Fapea Kings 17:18

Mana thono diꞌatagna fara ka naiknodi Israel, aonu mana khidi mala theome tangomana mare te au rhegna mana na. Vikegna Juda igne kolho te au balugna mana na.

Fapea Kings 17:15

Mare tirodi leghudi nogna farirhiu mana re, eghuteuna mare tirodi tajini u nhaꞌa cheke teke eni mana ka mae kuꞌedi mare tifa ra. Mare theome ghatho branadi nogna cheke mana re. Mare tarai ka mumuju te theo nafudi re, naugna igne, mare jaola theo nafudi. Neuba Lord ne cheke ranghidi mala thosei leghudi puhidi naikno te au faligohodiare neu, nu mare edi ngala glepo mala thosei edi teku Lord re.

Fapea Kings 13:7

Ka narane tuare, King Jehoahas theome au nogna kmana soldia te mala magra na, naugna mae king gna Siria igne neke goigonidi nei falehedi neku mare. Mana au glimafulu soldia kolho te mala saghe ka hose na, eghuteuna nabotho chariot, nei nabotho thogha soldia.

Ululahu Samuel 16:1

Aonu Lord ne cheke eghu ka mae Samuel, “Iagho diꞌanagnafani fabrahu mae Sol, nu iara theome magnahagheni mana te king gna Israel gognarona. Iagho hata oliv oel mala tei hironi mae Jesi ka namono Betlehem. Iara vavahi kaisei mae ka thugna mana ra, eghuteuna iagho tofa oel ka pha'ugna mana na mala king gna Israel.”

Ululahu Samuel 15:26

Nu mae Samuel ne cheke eghu, “Iara theome tangomana te tei balumi iagho na. Naugna iagho ne tirouni chekegna Lord na, eghume mana theome magnahaghei nigho iagho te king Israel gognarona.”

Ululahu Samuel 15:23

Mae ihei te tirogna ni God na, mana tapla jafra jateula mae te loku ranghini naitu ra eghu. Eghuteuna mae ihei te fakliakligna ni thegna na, mae igne diꞌa fara jateula mae te pogho soru ka nodi mumuju god mae bongihehe ra eghu. Naugna te tirouni iagho chekegna Lord na, mana tirogna nighola iagho.”

Diutronomi 11:12

Lord nomi God ghotilo igne mana reireghi fakelini glose igne. Leuleghu narane na mana filo tongana ni, funu ka vuvuhagna finogha na tei posa ka gnafagna finogha na.

Jajis 2:14

Diꞌatagna Lord na ne thono brana fara ka mare ne snakre laodi ka khamedi nodi naoka te au faligohodi mare. Eghuteuna nodi naoka mare igre raꞌe ne nheta fara, eghuteuna naiknodi Israel igre ne theome tangomana te reireghidi thedire. Eghuteuna naoka igre blau koba nodi gobigna lepo re.

Nodi Khoje Hatimare Mae Jiu 53:5

Nu mare ginauna na thono mhaghu nodi fara. Tifa na mare neke theome mhaghu nodi jateula tuana neku. Thono theo fara. God ginauna falehedi nei tofa tafridi eghu nhubradire. Mana ginauna roꞌedi naugna mana ne theome magnahaghedi.

Profet Jeremaea 15:1

Aonu Lord ne cheke eghu ka iara, “Jeremaea, fanomho sagho. Jame neubane mei namo ka iara mae Moses ghe mae Samuel phei nogu mae gloku iara tifa ra, neuba phia mare ne mei tanhi ka iara mala toghodi naiknodi Juda igre neu, iara ginauna na theome kokhonidi naiknodi Juda igre. Kuru tei delei naikno igre! Iara theome magnahaghei te filodi agne na!

Diutronomi 32:20

“Lord neke cheke eghu ka ghotilo, ‘Gognarona iara poru ka ghotilo. Aonu iara ginauna na filoni unha nate goigoni ghami ghotilo na, naugna ghotilo ne phaꞌu boto fara, eghuteuna ghotilo sua theome ghatho tahu ghau iara.

Jajis 18:30

Mare ne lisei haghe mumuju teke horo ka silva hata teke mei mare mala tarai. Eghuteuna Jonatan mae ihei teke karha ka vikegna Gesom, thugna Moses, teke pris ka mare na. Eghuteuna iheire te karha mei ke leghu ka vikegna mana igne, mare te mala loku jateula pris teu te ghilei thokeni narane te mei nodi naoka maedi Israel igre hata teke teidi mala sneka ka keha kantri te khaba fara delei.

Fapea Kings 13:23

Nu Lord keli ranghidi nei kokhonidi eghu naiknodi Israel gre. Aonu mana theome snakreni armi gna Siria gne te mei goigonidi mare na. Leghu fata na Lord toghodi mare naugna mana neke nhaꞌa cheke balugna mae Ebraham, mae Isak nei mae Jekop tifa. Eghuteuna mana neke khidi maedi Israel mala tei au fakhaba ka mana.

Fapea Kings 21:14

Iara ginauna lisa lao naikno te karha nga teu igre ka khamedi mae naoka. Eghuteuna mae naoka igre ginauna uludi mare, eghuteuna mae naoka igre ginauna hata tei ka namono dire nodi gobigna lepore.

Fapea Kings 23:27

Aonu Lord ne cheke eghu, “Iara ginauna khi fajifla ghami ghotilo naiknomi Juda gre jateula teke khi fajifladi iara naiknodi Israel tifa ra eghu. Iara ginauna tiroguni Sugablahi nei namono biꞌo Jerusalem teke vavahi iara igne. Iara neke cheke eghu eigna Sugablahi igne, ‘Jare te mala pogho soruni Nanghagu iara na.’ ”

Fapea Kings 24:3

Hoholo te thokedi naiknodi Juda igre leghuni unha teke chekeni Lord na. Naugna King Manase neke edi kmana glepo te diꞌa tifa na.

Nodi Khoje Hatimare Mae Jiu 51:13

Eghuteuna iara ginauna farirhiu chekemu iagho na ka naikno te diꞌa puhidi gre mala ke pulo mei ka iagho.

Nodi Khoje Hatimare Mae Jiu 80:13

Mare mei tapla fapari ghami ghehati jateula bosu mata te tei ka kaisei nagare na te tapla goigonidi gano ra neu. Uve, mare mei goigoni ghami ghehati jateula glepo te mhaumhaghu te tei ka nagare na te goigoni fara ra neu.

Profet Isaia 2:6

Lord, iagho nodi God vikegna mae Jekop. Nu gognarona iagho figri tagrudi nou naiknore, naugna mare ne leghudi nodi thua nafnata kastom chaichaghi naiknodi ke maghati. Eghuteuna mare fariuriu chekedi unha nate thoke mei nathuꞌu nauriha, jateula maedi Filistia eghu. Eghuteuna mare jaola leghudi puhidi naikno bongihehedi keha kantri delei.

Profet Jeremaea 7:15

Eghuteuna iara ginauna kuru fajifla ghami ghotilo ka vido te au teu ghotilo igne, jateula teke kuru fajifladi iara mae kherami ghotilo teke au ke raru Israel tifa ra eghu. Eghuteuna ghotilo ginauna tei koko ghau iara, eghuteuna iara na theome ke filo ari ghami ghotilo.’ ”

Profet Jeremaea 52:3

Lord diꞌatagna fara ka naiknodi Jerusalem ghe Juda igre ne khi fajifladi ka nogna namono na. Aonu King Sedekaea ne mamagra ka King Nebukadnesa gna Babilonia.

Profet Hosia 1:6

Ke leghugna igne, Goma bukla neke au kaisei thugna gaꞌase. Eghuteuna Lord ne cheke eghu ka mae Hosia, “Iagho kiloni thumu gaꞌase igne, Lo-Ruhama. Gaoghathogna na theome kokhoni ni. Naugna iara ginauna na theome kokhoni ni Israel. Eghuteuna iara ginauna theome hata koko nakhibodi naiknore.

Profet Hosia 12:3

Tifa na, mae Jekop kuꞌedi mare igne neke magra balugna mae Iso ka thiꞌagna idodi na. Eghuteuna kate biꞌo haghe na, mae Jekop neke magra balugna God.